Kɔlɔnikɔ Maa-ŋuŋ 15:29 - Yálá laawoo hɛɓɛ (dc)

²⁹ Ɓɛlɔwai Yai-Laa nwɔ mįnɛ̨ kəhii ə kɛi həli la Davidə taa, Saulə lon nɛ̨ɛ̨nu Mikalə ə nwun mąą laa ə tɔɔmun Davidə kaa yɛ mąną a kwəinɛ̨ɛ̨, mɛlɛ ə kpɛɛ gwəi.

Yálá laawoo hɛɓɛ

²⁹ Ɓɛlɔwai Yai-Laa nwɔ mįnɛ̨ kəhii ə kɛi həli la Davidə taa, Saulə lon nɛ̨ɛ̨nu Mikalə ə nwun mąą laa ə tɔɔmun Davidə kaa yɛ mąną a kwəinɛ̨ɛ̨, mɛlɛ ə kpɛɛ gwəi.

Bible

²⁹ Díkɛɛ tɛ̂i a Gãlai Zerusâlɛŋ, Gâloŋ Deeƃé è kɛ̀ kpɔ́ mãlâi gɛ́ pìli gɛ́ pìlaŋ ǹûai ŋɛ́i-tuɛ. Ŋɔnɛnîi Maka nyíi kɛ̀ a Sɔ̂ɔ ǹóŋ-nɛnîi è gàa wônai lá é ǹíi ŋwána ma.

Kɔlɔnikɔ Maa-ŋuŋ 15:29 ပူးပေါင်းရင်းမြစ်များ

Samia Veerɛi 6:16

Ɓɛlɔwai Yai-Laa nwɔ mįnɛ̨ kəhii ə kɛi həli la Davidə taa, Saulə lon nɛ̨ɛ̨nu Mikalə ə nwun mąą laŋąn, ə tɔɔmun Davidə kaa, yɛ kɔ̨nwɔ̨, yɛ mąną Yai-Laa lííla mɛlɛ ə kpɛɛ gwəi.

Kɔlɔnikɔ Maa-ŋuŋ 15:28

Israɛlə nuą kəlee di kɛi pa a Yai-Laa nwɔ mįnɛ̨ kəhii kwəinɛ̨ɛ̨ woo kɛnɛ̨ hu, diɛ túlú hvɛɛ, diɛ lalo yɔw, diɛ gwɛnįn ɲɔw da bɛlɛgwəi.

Kɔlɔnikɔ Maa-ŋuŋ 17:1

Ɓɛlɔwai Davidə ə kɛ kɛa la ɲəi bɛlɛ́n, ya ɓə a kɛ Yálá kwəi mɛ̨nį hukulɔ mun Natan ɓa: «Ɓɛ kaa ləi! Ɲą́ą́ gá pɛlɛ́n, dɔɔ a kpitili wulu, ɛlɛɛ, Yai-Laa nwɔ mįnɛ̨ kəhii ə ɓo kələ mu, mɛ̨i kɛɛ a həɠə. Ə́ wɔɔ kiliŋąhiɛ kaa ləi?»

Mąątɛ̨nɛ̨ 149:3

'Di naa mąątɛ̨nɛ̨ a mąną, 'di ɓálá da bɛlɛgwəi ɲɔw mą!

Mąątɛ̨nɛ̨ 150:4

'Ka mąątɛ̨nɛ̨ a damąn da mąną kaa, 'ka mąątɛ̨nɛ̨ a hvɛ́li kɛ hɛn yii ɲɛli kaa mą.

Mąątɛ̨nɛ̨ 30:11

'Ə́ wəli tɔɔ nwóó ɓa Yai-Laa! Nɛ̨ɛ̨ yɛ́! Yai-Laa, kɛ a mą́ą́kpɔn mąąɓomun.

Lɛɛ gbɔwɔ ɓa 15:20

Yálá kwəi mɛ̨nį hukulɔ nɛ̨ɛ̨nu Miriamə, yai a Aarɔn mąąhala, ə nwɔ hvɛli kɛ hɛn həɠə, Israɛlə nɛ̨ąą kəlee di di wɔ hvɛli kɛ hɛnŋąąi həɠə, di hvilɛn bulu, diɛ mąną, diɛ vɛli kɛ.

Ikilisiati 3:4

Nu wɔlɔ yələ kaa mą, nu yɛlɛ yələ yɛ ɓo mą. Woolaa kɛi yələ kaa mą, mąnąkaa yələ yɛ ɓo mą.

Ɉeremi 3:16

Yai-Laa yɛ diɛ: 'Ka pa, əgɛ, ka ɓuwu ə ɓo nɔi; nąąlɔwai di hva kɛa kɛ diɛ: Yai-Laa nwɔ mįnɛ̨ kon nwɔɔ? Gili hvo kɛa pai kɛi nu ta ŋą, di hvo kɛa pai mąą mɛ̨nį ta ɓoi, di hvo pai gbaɠala kaai diɛ kɛ hvo laa, dakpɛli pɛli kili hva too di gwəi.

Ɉeremi 30:19

Hɛɠɛɛ ɓo wooɠaa diɛ kulɔ laa, kwəinɛ̨ɛ̨ wooɠaa. Gáá di ɓuwu ɓoi, di ta hva kɛa kulɔ ɉu, gáá di mąąwiɛi, di hva kɛa kɛ a nu huwu hviikpɛɛ.

Ɉeremi 33:11

kwəinɛ̨ɛ̨ wələɠaa mɛ̨n ɉii laa, da yɛlɛ wooɠaa, nɛ̨ą həɠə mun nwɔ wələ woo yɛ tɔɔ. Hilɛtai nɛ̨ɛ̨nu nwɔ mąną kaa tin yɛ tɔɔ. Nuąi pai a hɛɠɛɛɓo halááɠaa Mɛ̨nį Kəlee ŋą Hééɓomun Yai-Laa yəi bɛlɛ́n, di wɔ hvɛ́li woo yɛ tɔɔ laa, diɛ kɛ mą: 'Ká Yai-Laa Kɔlaɠa Nwun Ną́mu laa too a wələ, mąąhɔlɔɓo, nwɔ mɛ̨nį lɛlɛɛi, nwɔ wɛlikɛmąąlaa ɲɛ̨n deei hvo mą. «A tɛ̨ą, ŋą́ pənə ŋą́ nɔi ŋɛ̨i tɔɔ, ə pənə ə kɛ yɛ bələi ə kɛ la tɔlɔɔ. Ɲą́ą́ Yai-Laa nwoo li.»

Lonon mo 10:33

Da diɛni di həɠə Yai-Laa nwɔ yeei ɓa, di hvóló haaɓa hiɛ kɛ. Yai-Laa nwɔ mįnɛ̨ kəhii ə kɛ di tɔwɔ diɛ li voló haaɓa hiɛi tii hu, ə gɛ ɓɛi mąąnɛ̨ɛ̨ diɛ daa pu laa, yɛ nąą lɛ diɛ.

Gɛlaɠaa 2:13

Kɛlaa, nu taɠaa di kɛi yɛlɛ kulɔ galan nɛa hu diɛ kɛ mą: «Daa pilɛ lɔɔ hu!»

Korɛntə dɔlɔɔ 2:14

Nui nu kan gili lɔ ɓə mą, mɛ̨nįi a həɠə Yálá nwɔ Kilii pɔ pələ, hva pɛli ɲee heei mu. Gbala ə tɔɔ, gaa ɲɛ̨i mu a ɓowo mɛ̨nį, hva pɛli gbaɠala kaai; mąąhɔlɔɓo, Yálá ŋą kilii hu ɓə da pɛli di mɛ̨nįɠaa ti hutɔɔ la.

Korɛntə veelɛ 5:13

Akɛ ɓowo hvaa ɓə ku mo, ku mo Yálá ɓa. Kɛlaa, akɛ kilimąą woo ɓə, akɛtii, ká mąą mɛ̨nį ɓə.

Dutɛrɔnome 31:26

«Gəhi lon tii Yai-Laa ka wɔ Yálá nwɔ mįnɛ̨ kwɛni ɓɛlaɠaa kaa laani ɉui, ka dɔ́n ɉɛɓɛ́ həɠə ka naa gwɛlɛ. Yili ɓə pai kɛi a kɛla.

Hebreu 9:4

Nąą ɓə lansan kələn ə kɛ laa a hɛni, ɛlɛɛ, mįnɛ̨ kon yɛ ɓo laa mɛ̨ikpulɔɔ a hɛni. Gon ti hu, hɛn ɲąŋą ə kɛ laa, manə yɛ ɓo ɉu, ə mą kɛ, Aarɔn nwɔ tunwɔ̨n kɛ ɲəi, yai powa; da mįnɛ̨ gwɛni ɓɛlaɠaa.

Zasua 4:7

Ka di woo ɲąąpənə, kaa diɛ: ‹Ɉurdɛn yá ə tɔɔ, ɓɛlɔwai Yai-Laa nwɔ mįnɛ̨ kəhi ə kɛi tɛɛ la ɓɛ Ɉurdɛn yá hu, gwɛniɠaai ŋɛ̨i kaa a gbalo mɛ̨nį tii gili lɛɛ ɉu hɛn.›»

Nwun mąąɓo 20:27

Di pənə di Yai-Laa mąąni kɛ, mąąhɔlɔɓo, Betɛlə ɓə Yálá nwɔ mįnɛ̨ kəhi ə kɛ laa,

Samuɛlə dɔlɔɔ 25:44

Saulə aa kɛ non nɛ̨ɛ̨nu Mikalə ŋɛ̨i kɛ a Davidə nɛ̨ą, tɛɛ Laisə lon Palti pɔ a nɛ̨ą, yai kɛ a Galimə mun da.

Samuɛlə dɔlɔɔ 4:3

Nuą di pənə də li di pulu, Israɛlə kalanɉonŋaa diɛ kɛ diɛ: «Lə ɓə kɛ yaai, Yai-Laa ə ku lɛɛ laa, Filisti nuą yee yɛ tɛɛ kuɔ? Ka gwə li gu Yai-Laa nwɔ mįnɛ̨ kəhii həɠə Silo, ə kɛ gu lɔwai, a kɛ tii, a gu kulɔ gu yowowɠaa yəi.»