Kɔlɔnikɔ Maa-ŋuŋ 15:28 - Yálá laawoo hɛɓɛ (dc)

²⁸ Israɛlə nuą kəlee di kɛi pa a Yai-Laa nwɔ mįnɛ̨ kəhii kwəinɛ̨ɛ̨ woo kɛnɛ̨ hu, diɛ túlú hvɛɛ, diɛ lalo yɔw, diɛ gwɛnįn ɲɔw da bɛlɛgwəi.

Yálá laawoo hɛɓɛ

²⁸ Israɛlə nuą kəlee di kɛi pa a Yai-Laa nwɔ mįnɛ̨ kəhii kwəinɛ̨ɛ̨ woo kɛnɛ̨ hu, diɛ túlú hvɛɛ, diɛ lalo yɔw, diɛ gwɛnįn ɲɔw da bɛlɛgwəi.

Bible

²⁸ Eezuɛ-ŋai kélee dí tɔ̀ɔ Yâwɛɛ Ŋɔkpanaŋ-woo kɛ́ɛ maa Gãlai ma dí pá la Zerusâlɛŋ díkɛ làɣi kpɔ́ a zu kɛ́tɛ, díkɛ lii-nɛ̃ɛ kùla, díkɛ sua-mĩla turu fɛ̀ɛ. Dí kɛ̀ nyɛ̃-nyɛ́ŋ ɣàle, kɔnîŋ da pêle kɛ́-sãa da kpɛ́ni-ŋa.

Kɔlɔnikɔ Maa-ŋuŋ 15:28 ပူးပေါင်းရင်းမြစ်များ

Samia Veerɛi 6:15

Davidə da Israɛlə nuą kəlee di kɛ hvilɛn ni Yai-Laa nwɔ mįnɛ̨ kəhii pulu, diɛ paa la; diɛ wələ too mɛ̨i, diɛ lalo yɔw.

Samia Veerɛi 6:5

Davidə da Israɛlə nuą kəlee di kɛi kwəinɛ̨ɛ̨ kulɔ Yai-Laa lííla, a hvɛli kɛ hɛnŋaa di ɉaɠa a siprə wulu: kələn, gwɛnįn, bɛlɛgwəi, damąn, lalo da ɓala.

Kɔlɔnikɔ Maa-ŋuŋ 13:8

Davidə da Israɛlə lonnii kəlee diɛ mąną kpɔ kɛnɛ̨ Yálá lííla, diɛ wələ too di pulu, diɛ gwɛnįn ɲɔw, bɛlɛgwəi, ɓala da túlú.

Kɔlɔnikɔ Maa-ŋuŋ 15:16

Davidə ə mo Levi huwuhu nuą nwun nąmįną diɛ, yɛ diɛ: Di di kaayɔwɔɠaai ɓaa a wələ too nuą, di di hee, diɛ pɛli kɛi di pulu, diɛ gwɛnįnŋaa yɔw, da bɛlɛgwəiɠaa, da naloɠaa, ɛlɛɛ diɛ di wɔ kwəinɛ̨ɛ̨ kulɔ pɔ̨nɔ̨ ŋą a hvɛli woo kɛnɛ̨.

Kɔlɔnikɔ Maa-ŋuŋ 15:24

ə mą kɛ bɛlɛ́ laalei mąąkpɛ nuąi kɛ a Ovɛdə-Edomə da Yehia. Yii ɓaa ɉaláá laahəli nuąi kɛ a; Sevaniahu, Yosafatə, Netanɛlə, Amasai, Zakaria, Benayahu da Eliezɛrə, di mąąnɛ̨ɛ̨ kɛ diɛ túlú hvɛɛ Yálá nwɔ mįnɛ̨ kəhii tɔwɔ.

Kɔlɔnikɔ Maa-ŋuŋ 15:27

Həɠə kpɛli kwəlɛɛ ɓə kɛ Davidə ɓa, bələ lɔ ɓə Levi lonnii mįnɛ̨ kəhi ə kɛ di yəi, di mąąyiliɛ kɛ la, da vɛli kɛ nuą da Kenania yai kɛ gəhi həɠə mɛ̨nį nwun na; yili pulu nwɔ̨nɔ̨, ɉaláá laa həli nuą di wɔ kilɛn ɉəɠəi tii a ɲee kpɛli, ɉuwu ta ə kɛ Davidə kwąną.

Kɔlɔnikɔ Maa-ŋuŋ 15:29

Ɓɛlɔwai Yai-Laa nwɔ mįnɛ̨ kəhii ə kɛi həli la Davidə taa, Saulə lon nɛ̨ɛ̨nu Mikalə ə nwun mąą laa ə tɔɔmun Davidə kaa yɛ mąną a kwəinɛ̨ɛ̨, mɛlɛ ə kpɛɛ gwəi.

Kɔlɔnikɔ Maa-ŋuŋ 25:1

Davidə da gɔlaɠa nwun nąmįną di Asafə lonnii, Heman lonnii da Yedutun lonnii kulɔ ɉu, di di hee a dee, diɛi kɛi Yálá kwəi mɛ̨nį hukulɔ a gwɛnįn, bɛlɛgwəi gwɛnįn da lalo. Nuąi kɛ gólo yili ɓa, diɛ ka:

Nehemi 12:27

Ɉįį ŋɛ̨i kɛ dinɛn ŋąą Ɉerusalɛmə daa ɓa, ɲələi di pa lúwɔ́ tooi la mą, də li di Levi huwuhu nuą təli di həɠə ɓɛɠaai di kɛ laa, ə gɛ, di pa Ɉerusalɛmə, di ɉɛli pu kwəinɛ̨ɛ̨ hu, a Yálá mąątɛ̨nɛ̨ woo, da wələɠaa, diɛ nwələ too diɛ muhee a gwɛnįn da bɛlɛgwəi da ɓala.

Mąątɛ̨nɛ̨ 47:6

Yálá kaa tɛi, diɛ di yee lɔwa mą, Yai-Laa kaa tɛi, tulu yɛ hvaa.

Mąątɛ̨nɛ̨ 68:25

Yálá, daa ə́ pulu kpɔn gaa, nwɔ́ Yálá, nwɔ́ tɔɔmun, daa ə́ pulu kpɔn gaa, ə́ wɔ pɛlɛ́ mąąhəɠɛɛ mu,.