Kɔlɔnikɔ Maa-ŋuŋ 15:26 - Yálá laawoo hɛɓɛ (dc)

²⁶ Ə gɛ Yálá ə kpɔnmąą tɛɛ kɛ Levi lonnii kɛi Yai-Laa nwɔ mįnɛ̨ kəhi həɠə di pɔ, di niŋɛ̨ mɛ̨ihveelɛ da ɓɛlaa hilɛ mɛ̨ihveelɛ kulɔ a haláá.

Yálá laawoo hɛɓɛ

²⁶ Ə gɛ Yálá ə kpɔnmąą tɛɛ kɛ Levi lonnii kɛi Yai-Laa nwɔ mįnɛ̨ kəhi həɠə di pɔ, di niŋɛ̨ mɛ̨ihveelɛ da ɓɛlaa hilɛ mɛ̨ihveelɛ kulɔ a haláá.

Bible

²⁶ Dí niŋa-sirɛ lɔ́ɔlu mɛi feerɛ da ƃála-sirɛ lɔ́ɔlu mɛi feerɛ kùla a sâla. Dí zâlai ŋí kùla a gɛ́ɛ Ɣâla é kpɔŋ mâaa tɛɛ Liiva-ŋai pɔ́ kɛ̀ liî a Yâwɛɛ Ŋɔkpanaŋ-woo-kɛɛ maa Gãlai.

Kɔlɔnikɔ Maa-ŋuŋ 15:26 ပူးပေါင်းရင်းမြစ်များ

Samia Veerɛi 6:13

Nuąi kɛi Yai-Laa nwɔ kəhii həɠə, da di kɔ́wɔ kpəɠə lɔ mɛ̨ida, Davidə ə nįŋɛ̨ hilɛ tɔ̨nɔ̨ da nįŋɛ̨ gbɔn dɔ̨nɔ̨ kulɔ a haláá.

Kɔlɔnikɔ Maa-ŋuŋ 29:14

Gbala ə tɔɔ, gbɛɛ ɓaa a ɲą́ą́, gbɛɛ ɓaa a nwɔ́ nu kanŋaai, yai kwa pɛli mąąlaa hɔlɔɓoi kuɔ ku liiɓa mɛ̨inɛ̨ɛ̨ kɛ, yɛ́ yiiɠaai ŋɛ̨i hvo gaai, hɛn gəlee a həɠə Ə́ pɔ, ɛlɛɛ ɉɛn ku gwɛlɛi, Ə́ yee ɲą lɔ ɓə ə həɠə laa.

Zôo 42:8

«Yiihu kɛa, ka nįŋɛ̨ hilɛ mɛ̨ihveelɛ həɠə, da ɓɛlaa hilɛ mɛ̨ihveelɛ, ka li a diɛ nwɔ́ tímun Ɉobə pɔ, ka di kulɔ a haláá yii da gəlee kələn, a kɛ ti nwɔ́ tímun Ɉobə ə pɛli ka mąą nɛ̨ɛ̨mąą hvəi, yaai ti mąą mɛ̨nį ɓə aa gɛ, gɛ pɛli li ka wɔ ɓowo túwɔ́i gwələ kulɔi kaa. Kaai ŋɛ̨i ka hvo mą́ą́ mɛ̨nį ɓo li a tɛ̨ą, yɛ bələi nwɔ́ tímun Ɉobə ə gɛ la.»

Izikiɛ 45:23

Voló mɛ̨ihveelɛi tii yeemu, a haláá hɛn da gəlee kələn gulɔ, a Yai-Laa nwɔɔ; nįŋɛ̨ hilɛ mɛ̨ihveelɛ da ɓɛlaa hilɛ mɛ̨ihveelɛ, yii pɔɔ hva kɛ diɛ; hvóló tɛi tɛi yeemu; da nɛ̨ŋɛ̨n mąąhvaalɛɛ haláá, yii a gulɔ a ɓoli hilɛ tɔ̨nɔ̨ hvóló tɛi tɛi kəlee.

Lonon mo 23:29

Balaamə yɛ mą, di haláá kulɔi mɛ̨ihveelɛ pɛli mą́ą́. Ə́ nįŋɛ̨ hilɛ mɛ̨ihveelɛ da ɓɛlaa hilɛ mɛ̨ihveelɛ ɲąą pɛli ɓɛ mą́ą́.

Lonon mo 29:32

Voló mɛ̨ihveelɛ yələ, nįŋɛ̨ mɛ̨ihveelɛ, ɓɛlaa hilɛ hveelɛ, kwɛlan dɔ̨nɔ̨ ɓɛlaa hilɛ pow kɔ́w nąąn yiiɠaai pɔɔ hva kɛ da ɓa,

Gɛlaɠaa 26:22

Kɛlaa, Yálá tɔɔi mɔ̨ɔ̨ búlú a nwalawalaa, ə mą kɛ, háákələi hvólói yee mu, yili ɓə gɛi, ɲéé kaa lɔ ni gɛla hvaa ti ɓoɔ ɓa, lɛapɛlɛɛ, da nu kpɛa-kpɛaa ɲɛ̨i ɓa. Mɛ̨nįɠaai kɛ mąąnɛ̨ɛ̨ di kɛ, Yálá kwəi mɛ̨nį hukulɔ nuą, da Moisə, di di lɛɛ tɔwɔ di di ɓo; ɛlɛɛ, və́ mɛ̨nį ta ɓoi yɛ laŋįn di woo mɛ̨i.

Korɛntə veelɛ 2:16

Daɠaa di wɛi gaa a haa kun, yɛ li a diɛ haa pɔ, daɠaa di wɛi, ɓalo kun mə, yɛ li a diɛ ɓalo hva kpɛɛ hu. Gbɛɛ ɓə a pɛli kɛi a góló taaləi tii kɛmun?

Korɛntə veelɛ 3:5

Ə kɛ ŋɛ̨i kwa pɛli lɛɛi ku kpɔwɔ ɓa, ku kpɔwɔ hvan ɉu, kuɔ pɛli mɛ̨nį lɔpee ta kɛi, yili hvəə, ku hvaŋą a həɠə Yálá yəi.

Samuɛlə dɔlɔɔ 7:12

Samuɛlə ə kwɛni həɠə, ə vilɛn Mispa da daa ɲɛ̨i da kɛ ma: Ɲin, di ɲɛ̨n ma. Ə gɛɛnąąi tii laa hee a Ɛvɛn-Ezɛrə, yii mukulaa ɓaa: Mąąkɔ̨nwɔ̨ kwɛni, yɛ diɛ: «Yai-Laa a ku mąąkɔ̨nwɔ̨ a lɛɛ ɉu kwaa həli gɛɛnąąi ŋɛ̨i ɓa.»