Kɔlɔnikɔ Maa-ŋuŋ 15:19 - Yálá laawoo hɛɓɛ (dc)

¹⁹ Nwələ too nuą lɔwai, Heman, Asafə da Etan ɓə lalo ə kɛ di yəi a ɓala kwɛli diɛ ɲɔw;

Yálá laawoo hɛɓɛ

¹⁹ Nwələ too nuą lɔwai, Heman, Asafə da Etan ɓə lalo ə kɛ di yəi a ɓala kwɛli diɛ ɲɔw;

Kɔlɔnikɔ Maa-ŋuŋ 15:19 ပူးပေါင်းရင်းမြစ်များ

Kɔlɔnikɔ Maa-ŋuŋ 13:8

Davidə da Israɛlə lonnii kəlee diɛ mąną kpɔ kɛnɛ̨ Yálá lííla, diɛ wələ too di pulu, diɛ gwɛnįn ɲɔw, bɛlɛgwəi, ɓala da túlú.

Kɔlɔnikɔ Maa-ŋuŋ 15:16

Davidə ə mo Levi huwuhu nuą nwun nąmįną diɛ, yɛ diɛ: Di di kaayɔwɔɠaai ɓaa a wələ too nuą, di di hee, diɛ pɛli kɛi di pulu, diɛ gwɛnįnŋaa yɔw, da bɛlɛgwəiɠaa, da naloɠaa, ɛlɛɛ diɛ di wɔ kwəinɛ̨ɛ̨ kulɔ pɔ̨nɔ̨ ŋą a hvɛli woo kɛnɛ̨.

Kɔlɔnikɔ Maa-ŋuŋ 15:18

Levi huwu takpɛliɠaa di kɛ di kwɛlɛ, yiliɠaai di ɓo di yee mu, diɛ ɓaa: Bɛlɛ́ laalei mąąkpɛ nuą; Zakaria, Bɛn, Yaaziɛlə, Semiramotə, Yehiɛlə, Uni, Eliavə, Benayahu, Maaseyahu, Matitiahu, Eliflehu da Mikneyahu, Ovɛdə-Edomə da Yeiɛlə.

Kɔlɔnikɔ Maa-ŋuŋ 15:20

Zakaria, Aziɛlə, Semiramotə, Yehiɛlə, Uni, Eliavə, Maaseyahu da Benayahu, di wɛi di kɛi gwɛnin ɲɔw a nwoo təŋąą

Kɔlɔnikɔ Maa-ŋuŋ 16:42

Nuąi kɛ di pɔ, diɛ ɓaa: Heman da Yedutun, ə pɛlɛ la, túlúɠaa diɛ, nalóɠaa, ə mą kɛ, hvɛli kɛ hɛnŋąą, diɛ Yálá mąątɛ̨nɛ̨ wələ mu hee la. Yedutun lonnii ɓə kɛ bɛlɛ́ laaləi.

Kɔlɔnikɔ Maa-ŋuŋ 16:5

Di nwun nąmu Asafə da ɉee gwɛlɛmun Ɉekaria, yili pulu, Aziɛlə, Semiramotə, Yeriɛlə, Matitia, Eliavə, Benayahu da Ovɛdə-Edomə; Yériɛlə ɓə gwɛnįnŋąą da bɛlɛgwəi gwɛnįnŋąą ə kɛ ɲəi, Asafə ɓə kɛi náloɠaa yɔw.

Kɔlɔnikɔ Maa-ŋuŋ 25:1

Davidə da gɔlaɠa nwun nąmįną di Asafə lonnii, Heman lonnii da Yedutun lonnii kulɔ ɉu, di di hee a dee, diɛi kɛi Yálá kwəi mɛ̨nį hukulɔ a gwɛnįn, bɛlɛgwəi gwɛnįn da lalo. Nuąi kɛ gólo yili ɓa, diɛ ka:

Kɔlɔnikɔ Maa-ŋuŋ 25:6

Nuą tii kəlee kɛ di nąn ɲeemu. Di kɛi wələ too Yai-Laa nwɔ pɛlɛ́i mu, a: laloɠaa, gwɛnįnŋąą, da kɛ́ɛ́ɠaa. Di wɔɔ tíɓoi li kɛ Yálá nwɔ pɛlɛ́i mu. Di kəlee kpɔ kpun, di ɓo la tɔɔmun, Asafə da Heman di wɔɔ ɲąąwooɓo mu.

Kɔlɔnikɔ Veerɛi 20:19

Lévi lonnii kɛ a Kehatə yəi bɛlɛ́n nu kpulu, da Kore yəi bɛlɛ́n nu kpulu, di haŋą di tɔɔ, diɛ Yai-Laa Israɛlə nwɔ Yálá mąąwiɛ kpɔ a di woo kɛnɛ̨ɛ̨.

Kɔlɔnikɔ Veerɛi 7:6

Ɉaláá laa həli nuą di kɛ tɔɔni di tɔɔi. Yai-Laa ŋą hvɛliɠaai di kɛ léviɠaa yəi, a vɛliɠaai tii Davidə ə di pɛlii Yai-Laa mąąwiɛ mɛ̨nį ɓai. Mąąhɔlɔɓo nwɔ wɛlikɛmąąlaa ɲɛ̨n və mą. Ɓɛlɔwai kɛ Davidə a kɛli mo la léviteɠaa diɛ diɛ Yálá mąątɛ̨nɛ̨i, ɉaláá laa həli nuą di kɛ tɔɔnįn di kwɛlɛ diɛ dulú hvɛɛ, ɛlɛɛ Israɛlə nuą kəlee di kɛ tɔɔnin.

Mąątɛ̨nɛ̨ 150:5

'Ka mąątɛ̨nɛ̨ a lalo woo tɔɔ, 'ka mąątɛ̨nɛ̨ a kpɛŋɛ̨ɲɛ̨n gwɛli!

Mąątɛ̨nɛ̨ 81:3

'Ka vɛ́liɠaa pu mą! 'Ka mala woo kulɔ, gwɛnįn nwoo nɛ̨ɛ̨, da bɛlɛgwəi.