Kɔlɔnikɔ Maa-ŋuŋ 14:15 - Yálá laawoo hɛɓɛ (dc)

¹⁵ Ɓɛlɔwai ə́ kaa pai nu kɔ́wɔ mu tín mɛ̨n ɉii la nwuluɠaa tonna, nąąlɔwai ɓə, yá kulɔ la, ə́ pɛlɛ diɛ. Mąąhɔlɔɓo, Yálá a kɛ kɛa hvilɛn ni ə́ tɔwɔ, yɛ Filisti nuą di wɔ kɔlaɠai huwolo.»

Yálá laawoo hɛɓɛ

¹⁵ Ɓɛlɔwai ə́ kaa pai nu kɔ́wɔ mu tín mɛ̨n ɉii la nwuluɠaa tonna, nąąlɔwai ɓə, yá kulɔ la, ə́ pɛlɛ diɛ. Mąąhɔlɔɓo, Yálá a kɛ kɛa hvilɛn ni ə́ tɔwɔ, yɛ Filisti nuą di wɔ kɔlaɠai huwolo.»

Bible

¹⁵ Yà pà ŋ̀úru-ŋai mu, ye maa kpɛ̂ŋ kɛ́ é lɛ́ɛ la zu ínuu sia tiŋ mɛni ŋ̀úru-laai su. Yà ǹúui sia tiŋ mɛni besaŋ wuru-laai su, gɛ̀ ni ye lí í pɛ́lɛ dîa. Ŋa pâi kɛ̂i ítuɛ ŋá lí ŋá Felesia-ŋai díkɔ-kuluƃa-ŋai páa.”

Kɔlɔnikɔ Maa-ŋuŋ 14:15 ပူးပေါင်းရင်းမြစ်များ

Samia Veerɛi 5:23

Davidə ə Yai-Laa mąąnin gɛ, yili yɛ mą: «Hvo bələ haŋą yɛ́ li woloi diɛ. Di mąą laa, 'ə́ laa di tɔwɔ, ka diɛni ka kwiɛn nwɛla koo ɓa, nwuluɠaa tii tənən ma.

Tɔɔɓɛlaa veelɛ 19:7

Gáá hvaai mą, dɔɔmun tii ə pənə ə li nwɔ lɔi hu, ɓɛlɔwai gaa pai wɛlɛɛ hɔlɔɓoi la, gaa pai haai gbɔ-kpɔɔ lɔi tii hu ɓɔwa laa pɔɔ.»

Tɔɔɓɛlaa veelɛ 7:6

Yai-Laa ə kɔ́ kɔ́ wotoloɠaa da hooɠaa tín dɔɔ Aramə nuą di wɔ kɔ́ɓuwui la, da kɔlaɠa kɛnɛ̨ tín. A ya ɓə, Aramə nuą da kɛ di kee ɓa: «Israɛlə tɔɔmun aa Hɛtə tɔɔmun, da Eziptə tɔɔmun di həɠə, diɛ pa pɛlɛi guɔ a kɔ́.»

Kɔlɔnikɔ Maa-ŋuŋ 14:14

Davidə ə tinɛ̨n nwɔ̨nɔ̨ ə Yálá mąąni kɛ, Yálá yɛ mą: «'Hvó hvilɛn di pulu, 'di mąą laa, 'ə́ laa di tɔwɔ, ka diɛni ka kwiɛn nwɛla koo ɓa, nwuluɠaa tii tənən ma.

Kɔlɔnikɔ Maa-ŋuŋ 14:16

Bələi tii Yálá ə Davidə tí la, ə gɛ tii. Davidə yee ə tɛɛ Filisti nuą diɛ; ə di paa həɠə kpɔ Gabaɔn, ə həli Gɛzɛrə.

Azaya 13:4

'Ka di hu tín mɛ̨n ɲeeɠaa hu, gaa yɛ nu kpulu kɛnɛ̨, 'ka nɔiɠaa hu tín mɛ̨n, lɔiɠaa ɲąąkpɔn ŋąąi, Yai-Laa Mɛ̨nį Kəlee ŋą Hééɓomun, kaa nwɔ kɔlaɠaɠaai mɛ̨i kaai, di kaa lii kɔ́ ɓa.

Levetekɔ 26:36

«Nuąi pai kulɔi ɉu ka lɔwai, gáá pai gɛi di hvii yɛ kpɛɛ ka yowoɠaa di wɔ lɔiɠaai hu, laa kpala too tin gbɛli kpɛli kaa pai gɛi diɛ tɛɛ a gilɛ; di kaa pai kɛi pui yɛ da kɛi pu kɔ́ kɔ́ ɓɔwa tɔwɔ, diɛ too, nu hva kpɛli kɛ di pulu.

Gɛlaɠaa 2:2

Kpɔlɔ ti ŋąą ɓa, tín gɛnɛ̨ ta ə tɔɔ yələi, yɛ hvaŋą kɛnɛ̨ ta a kɛi tɛɛ; bɛlɛ́i ti di kɛ mu, ə naa laahvɛɛ.

Dutɛrɔnome 20:4

Mąąhɔlɔɓo, Yai-Laa ka wɔ Yálái ɓə vilɛn ŋąą ka tɔwɔ, yɛ gɔ́ kɔ́ da ka yowoɠaa, yɛ kpɔnmąą tɛɛ ka pɔ.»

Nwun mąąɓo 4:14

Debora yɛ Barakə ɓa: «'Ə́ muhəɠə, volói Yai-Laa aa Sisera lɔ la ə́ yee ŋą, voló ka. A tɛ̨ą, Yai-Laa kaa pai kɛi ə́ tɔwɔ.» Barakə ə Tabɔrə yee yɛɛ, nu waa pow hvilɛnŋaa bulu.

Nwun mąąɓo 7:15

Yii kɛa Zedeɔn ə ɉįi wooi tii mɛ̨n, da mukulaa, ə kwɛli hvilɛn Yálá ɓa, ə mąmą ɓo. Yili pulu, ə pənə ə pa nwɔ kɔ́ ɓuwui la, ə tomą kpɔ a kuláá hvuluun nwoo, yɛ nuą diɛ: «'Ka ka muhəɠə! Yai-Laa aa Madian nuą tɛɛ gu pɔ.»

Nwun mąąɓo 7:9

Mąą kpinįi tii hu, Yai-Laa yɛ Zedeɔn ɓa: «Ə́ muhəɠə, ɲee yɛɛ, ə́ kɔ́ pɛlɛ Madian nuą diɛ, ŋą́ą́ di tɛɛ ə́ pɔ.