Kɔlɔnikɔ Maa-ŋuŋ 13:6 - Yálá laawoo hɛɓɛ (dc)

⁶ Davidə da Israɛlə nuą kəlee, di tɛ Baala Kiriatə-Yearimə yai kɛ Ɉuda lɔi hu; əgɛ, di Yálá nwɔ mįnɛ̨ kəhii həɠə, a gəhii Yai-Laa ə kɛ heeni mɛ̨i mąąkpɛ malakaɠaa pulu, ɓɛi di kɛi dəli laa a naa.

Yálá laawoo hɛɓɛ

⁶ Davidə da Israɛlə nuą kəlee, di tɛ Baala Kiriatə-Yearimə yai kɛ Ɉuda lɔi hu; əgɛ, di Yálá nwɔ mįnɛ̨ kəhii həɠə, a gəhii Yai-Laa ə kɛ heeni mɛ̨i mąąkpɛ malakaɠaa pulu, ɓɛi di kɛi dəli laa a naa.

Bible

⁶ Deeƃé da ǹûai kélee dí lì Bala taa-leei su nyíi da kɛ̂ ma Kiria-Zeriŋ, Zuda ŋɔlɔii-kpiniŋ sui dí Ɣâla Ŋɔkpanaŋ-woo-kɛ́ɛ maa Gãlai kɛ̀ Yâwɛɛ láai su seeni ŋâla-taa kooŋ-sɛŋ feerɛi pɔkɔɔŋ loai.

Kɔlɔnikɔ Maa-ŋuŋ 13:6 ပူးပေါင်းရင်းမြစ်များ

Tɔɔɓɛlaa dɔlɔɔ 8:16

Ə kɛ ną́n ma: ‹Ə həɠə volói ŋɛ̨i ə nwɔ nu huwu Israɛlə kulɔ la Eziptə lɔi hu ɓa, və́ kɛi taa ta həɠə ɉu Israɛlə nuą lɔwai ɓɛi ŋą pɛlɛ́ tɔɔ laa a náá mąąwiɛ pɛlɛ́. Kɛlaa ŋą́ Davidə həɠə ɉu ŋą́ ɉee nwɔ́ nu huwu Israɛlə nwun na.›

Tɔɔɓɛlaa veelɛ 19:15

Ə nwoo tɛ Yai-Laa ɓa, yɛ mą: «Yai-Laa, Israɛlə nwɔ Yálá, yɛ́i ə́ kaa heeni mąąkpɛ malakaɠaa nwun mɛ̨i, yɛ́ ɓə a lɔi kəlee nwɔ Yálá tɔ̨nɔ̨, yɛ́ ɓə yələkɔlɔn da lɔi di pɛli.

Mąątɛ̨nɛ̨ 80:1

Nwələ ɲɛ̨itɔwɔ mun, Yágbudɛn vələ mɛ̨i. Asafə nwɔ kɛla hvaa a wələ.

Mąątɛ̨nɛ̨ 99:1

Yai-Laa kaa a Heeɓomun, yɛnɛ̨ɛ̨ nuą 'ka ɲɔw mą! Gaa heenin mąąkpɛ malakaɠaa nwun mɛ̨i pələ. Lɔi ə tɔɔ takpa takpa.

Lɛɛ gbɔwɔ ɓa 20:24

Ka nwɔ́ haláá kulɔi pɛli a pɔlɔ, kaa haláá kulɔ laa mą́ą́, a haláái da gəlee kələn, da ponaa kulɔ haláá, a ka wɔ taatɛlɛɛɠaai bɛlɛ-pɛlɛɛɠaa da gbɛa-kpɛaɠaa, ɓɛi lɔpee gáá pai hvaai mą, diɛ náá mąąwiɛ laa. Ŋą́ pa ka pɔ, gɛ́ lúwɔ́ too kaa.

Lɛɛ gbɔwɔ ɓa 23:21

Ka mąąwiɛ, ka ka wɛli tɔɔ nwoo ɓa, ka hvo tɔɔ na, hvo pai ka wɔ kulɔ nwoo mu laa mąąhvaalɛɛi, mąąhɔlɔɓo, nwɔ́ heeɓolaa kəlee kaa ɲəi.

Lɛɛ gbɔwɔ ɓa 25:22

Nąą ɓə gu kaa pai kɛi gu kee kaai laa, ŋą́ kɛ gəhi laa kalan mɛ̨i, malaka hveelɛi tii mįnɛ̨ kəhi mɛ̨i di lɔwai. Mɛ̨nįɠaai gáá pai kɛi ə́ tí la, a Israɛlə lonnii mąą mɛ̨nį, gɛ́ di ɓo laa yɛ́.

Azaya 37:16

«Yai-Laa Mɛ̨nį Kəlee ŋą Hééɓomun, Israɛlə nwɔ Yálá yɛ́i heenin mąąkpɛ malakaɠaa lɔwai, yɛ́ tanɔ̨n gbən ɓə ɓaa a yɛnɛ̨ɛ̨ tɔɔlaaɠaa kəlee di wɔ Yálá, yɛ́ ɓə yələ kɔ́lɔn da lɔi di pəli.

Lonon mo 6:27

«Da Yai-Laa təli tii a naa, Israɛlə lonnii mɛ̨i, yaa tii a Yai-Laa a lúwɔ́ too Israɛlə lonnii diɛ.»

Lonon mo 7:89

Moisə ə lɔ kɛa gee kaa kələ mu, əgɛ da Yai-Laa di lono kɛ. Moisə ə kɛi nwoo mɛ̨n gəhi laa kalan mɛ̨i, mąąkpɛ malaka hveelɛ lɔwai. Gəhi laa kalan ə kɛ mįnɛ̨ kəhi mɛ̨i, ɛlɛɛ, Yai-Laa yɛ pələ ɓo Moisə ɓa.

Zasua 15:60

Kiriatə-Baalə, yili ka tii a Kiriatə-Yearimə, Raba; taa kpɛa-kpɛaa hveelɛ da di wɔ taa pɛlɛɛɠaa.

Zasua 15:9

Yili pulu, ɉu ə kɛi hee, ə həɠə ɲee ton na, ə həli la Nɛftoa yá nwun gulɔi ɓa, yɛ həli kpɔ la Iyimə daai Ɛfrɔn yee hu, ɉu yɛ hee Baala pələ, yai a Kiriatə-Yearimə.

Zasua 9:17

Israɛlə lonnii dəli hvóló haaɓa kulaa ɉu, di lɔ di wɔ taa kpɛa kpɛaɠaai hu, diɛ kɛ a Gabaɔn, Kefira, Beerotə da Kiriatə-Yearimə.

Samuɛlə dɔlɔɔ 4:4

Nɔi lonnii di nuą tɔɔ Silo də li di pa a Yai-Laa Mɛ̨nį Kəlee ŋą Hééɓomun nwɔ mįnɛ̨ kəhi, ə ɓo heeni, mąąkpɛ malakaɠaa nwun mɛ̨i, nwɔ mįnɛ̨ kəhii kwɛlɛ, Eli lonnii hveelɛi: Hɔfni da Pinasə di kɛ Yálá nwɔ mįnɛ̨ kəhii kwɛlɛ.

Samuɛlə dɔlɔɔ 6:21

Di nuą tɔɔ Kiriatə-Yearimə nuą pɔɔli, diɛ diɛ: «Filisti nuą daa Yai-Laa nwɔ kəhii tɛɛ, ka pa ka ɉəɠə, ka li la ka pɔɔli.»