Kɔlɔnikɔ Maa-ŋuŋ 12:20 - Yálá laawoo hɛɓɛ (dc)

²⁰ Manase nuą di hvilɛn Davidə pulu, ɓɛlɔwai Davidə ə too la Filisti nuą pɔ, diɛ li kɔ́ pɛlɛi Saulə ɓa; kɛlaa, nuą tii di hvo pɛli kpɔnmąą tɛɛi di pɔ. Hvó gaai, Filisti nuą di nwun dɔɔi di mo, di Davidə yali bulu, diɛ mą: «Nui ŋɛ̨i a lɛɛ gu pɔ, da ŋą mɛ̨nį nąmu Saulə di woo tɔɔi kaa lii kɛi tɔ̨nɔ̨, di pɛlɛ guɔ.»

Yálá laawoo hɛɓɛ

²⁰ Manase nuą di hvilɛn Davidə pulu, ɓɛlɔwai Davidə ə too la Filisti nuą pɔ, diɛ li kɔ́ pɛlɛi Saulə ɓa; kɛlaa, nuą tii di hvo pɛli kpɔnmąą tɛɛi di pɔ. Hvó gaai, Filisti nuą di nwun dɔɔi di mo, di Davidə yali bulu, diɛ mą: «Nui ŋɛ̨i a lɛɛ gu pɔ, da ŋą mɛ̨nį nąmu Saulə di woo tɔɔi kaa lii kɛi tɔ̨nɔ̨, di pɛlɛ guɔ.»

Bible

²⁰ Gɛ́ɛ lenêi pôlui, gɔ-kûluƃa-ŋai ŋí ƃé lɛ̀ɛ bôlu: Adina, Zozaba, Zediaɛ, Makɛ, Zozaba, Ɛliu da Zilɛtai. Ǹûai ŋí díkɛ̀ kpakolo wála tɔnɔ-tɔnɔ mɛi a tɛɛ-ŋa.

Kɔlɔnikɔ Maa-ŋuŋ 12:20 ပူးပေါင်းရင်းမြစ်များ

Kɔlɔnikɔ Maa-ŋuŋ 12:19

Ə kɛ kpɔlɔɔ tii, Yálá nwɔ Kilii ə pa Amasai pɔ, yai kɛ a nu pow haaɓai nwun nąmu, yɛ diɛ: «Ku kaa ə́ pɔ Davidə! Ɉɛse lon! Ku kaa ə́ pɔ! Ə́ liilaa! Ə́ lii ə laa! Nui a ə́ kpɔnmąą ɓo liilaa kaa mą! Hvó gaai ə́ wɔɔ Yálái ɓə a ə́ mąąkpɔnmąą ɓo.»

Kɔlɔnikɔ Maa-ŋuŋ 12:21

Ɓɛlɔwai Davidə ə bulu pənə la, yɛ li Siklagə, Manase yəi bɛlɛ́n nuą di hvilɛn bulu; diɛ ɓaa: Adna, Yozavadə, Yediaɛlə, Mikaɛlə, Yozavadə, Elihu da Siletai, yai kɛ nu waa tamąą nwun na Manase lɔi hu.

Kɔlɔnikɔ Maa-ŋuŋ 8:20

Elienai, Siletai, Eliɛlə,

Lɛɛ gbɔwɔ ɓa 18:21

Ɛlɛɛ, ə́ ɲɛ̨i laa nuą lɔwai, ə́ nu ɓɛlɛmąąɠaa həɠə, diɛ ɲɔw Yálá ɓa; nuą diɛ pɛli laai di la, di hvo kɛ a nɔ gwəi hɛn ɉon nuą, ə́ di hee nuą nwun na. Ə́ daɠaa hee nu waa tɛitɛi nwun na, ə́ daɠaa hee nunwun dɛitɛi nwun na, ə́ daɠaa hee nu pow lɔɔli lɔɔli nwun na, ɛlɛɛ, ə́ daɠaa hee nu pow pow nwun na.

Dutɛrɔnome 1:15

Yili ɓa, ka ɲɛ̨itɔwɔ nuą lɔwai, ŋį́ mɛ̨nį kɔ́lɔn nuą, da mɛ̨nį hu kpɛ nuą həɠə ɉu a kɔlaɠa nwun nąmįną; ŋį́ daɠaa hee nu waa tɛi tɛi nwun na, nu nwun dɛi tɛi nwun na, nu pow lɔɔli lɔɔli nwun na; Da nu pow pow nwun na; da hɛɓɛ́ kɛ nuą yɛ bələi ka huwu hee pələ kaa la.

Dutɛrɔnome 33:17

Ɓáá ə lɔ Ɉosɛfə ɓa, ya ɓə gaa a nįŋɛ̨ hilɛ lon dɔlɔɔ tɔlɔɔ. Mįnɛ̨ɠaa kaa yɛ lán mįnɛ̨, ya ɓə gaa pai kɛi nuą tuwɔi la, yɛ nuą kpala kpɛ yɛ li a diɛ lɔi kpɛlai. Mįnɛ̨ tɔ̨nɔ̨ kaa a Ɛfraimə nwɔ kɔlaɠa waa nwun damaa, dɔ̨nɔ̨ yɛ ɓo a Manase nwɔ nu kpulu.»

Samuɛlə dɔlɔɔ 29:11

Davidə ə humo ə muhəɠə, yaa da nwɔ nuąi, də li yələ wala piinɛ̨ɛ̨, ə pənə yɛ li Filisti lɔi hu, Filisti nuą diɛn diɛ li Izreɛlə.

Samuɛlə dɔlɔɔ 29:3

Filisti tɔɔɓɛlaa diɛ Akisə ɓa: «Gbɛɛ nuą ɓaa Hebreuɠaai ŋɛ̨i?» Akisə yɛ diɛ: «Davidə ka tii yai a Israɛlə tɔɔmun Saulə nwɔ kɛla, gwɛlan dɔ̨nɔ̨ veelɛnąą ka, gaa gɔ́wɔ́ mɛ̨i, ə lɛɛ, yii kpɔ ə pa ɓɛ, ə lɛɛla ɉu, háákələi ə həli, və ta ɉɔn gaa li mą.»

Samuɛlə dɔlɔɔ 29:4

Filisti tɔɔɓɛlaa di di liiholi Akisə pɔ, diɛ mą: «Nui ŋɛ̨i yali bulu, ə li ɓɛi ə́ ɉee laa, gwa diɛni gu hvo li gɔ́ ɓa, hvo pa nee pɛlɛ guɔ gɔ́ hu. Lə ɓə a pɛli gɛi, ə gɛ, nwɔ mɛ̨nį Nąmu kwəi ə nɛ̨ɛ̨ ɓɔ? Kɛlɛi gu wɔ nuą ŋɛ̨i nwun galənŋaa lɔ ɓə?