Kɔlɔnikɔ Maa-ŋuŋ 12:18 - Yálá laawoo hɛɓɛ (dc)

¹⁸ Davidə ə kulɔ, ə di laakwiɛn, ə nwoo ŋɛ̨i ɓo diɛ, yɛ diɛ: «Akɛ ka káá pai bɔ́ a liilaa kiliŋąhiɛ da kpɔnmąą, ŋį́ hvaamą a níí kəlee, ka too bɔ́. Kɛlaa, akɛ ka pa ɲą́ą́hɛɠii, ka dɛ́ɛ́ ɲówoɠaa pɔ, yili nwɛi, gu nąnni di wɔɔ Yálá ɲɛ̨i kaa mą, nwąnąlɔɔ túwɔ́ hvo ɲéé hu, yaa ɓə a gu hutɔɔ!»

Yálá laawoo hɛɓɛ

¹⁸ Davidə ə kulɔ, ə di laakwiɛn, ə nwoo ŋɛ̨i ɓo diɛ, yɛ diɛ: «Akɛ ka káá pai bɔ́ a liilaa kiliŋąhiɛ da kpɔnmąą, ŋį́ hvaamą a níí kəlee, ka too bɔ́. Kɛlaa, akɛ ka pa ɲą́ą́hɛɠii, ka dɛ́ɛ́ ɲówoɠaa pɔ, yili nwɛi, gu nąnni di wɔɔ Yálá ɲɛ̨i kaa mą, nwąnąlɔɔ túwɔ́ hvo ɲéé hu, yaa ɓə a gu hutɔɔ!»

Bible

¹⁸ Ɣâla ŋɔmɔ̂leŋ è pà Amasai mɛi. Amasai ŋí ƃé kɛ̀ pâi kɛ̂i a “Ǹúu-buu saaƃai” láa túɛ-nuu. È mò ǹyɛɛi, “Zɛse ǹóŋ Deeƃé, kúkaa a ípɔɔ! Lii-see kɛ́tɛ é kɛ́ yâ da ǹûai pà kpɔŋ mâaa tɛɛ̂i ípɔi. Ɣâla a pâi kɛ̂i ípôlu.” Deeƃé è ǹyée sèe dímu é díkɛ a ŋɔkɔ́ kɔ́-ƃelai mɛi ƃelai da.

Kɔlɔnikɔ Maa-ŋuŋ 12:18 ပူးပေါင်းရင်းမြစ်များ

Samia Veerɛi 15:21

Kɛlaa, Itai ə tɔɔmun nwoo pulu pənə yɛ mą: «Yii kpɔ Yai-Laa kaa a vulú, ə lɛɛ, nwɔ́ mɛ̨nį Nąmu ə ɓo a vulú, ɓɛi kpɔ nwɔ́ mɛ̨nį nąmu tɔɔmun a kɛ laa, ə haa-o, ə lɛɛ yɛnɛ̨ɛ̨-o, ə́ wɔ tímun a kɛ laa, ka yaa ka haa gee pɔ.»

Samia Veerɛi 17:25

Absalɔn ə Amasa kɛ a nwɔ kɔlaɠa nwun nąmu, a Ɉoabə mąąhvalin. Amasa nąn naa ɓaa kɛ a Yitra, Israɛlə mun da li kɛ. Yitra ə hvilɛn Avigalə pulu, yai kɛ a Nahasə lon Nɛ̨ɛ̨nu, Ɉoabə nee Seruya nəɠə Nɛ̨ɛ̨nu.

Samia Veerɛi 19:13

Ka káá a gááyɔwɔa, gu kaa a nu huwu tɔ̨nɔ̨. Lə mɛ̨nį ɓa, ka lɛɛ pulu, tɔɔmun bulu pənə mɛ̨nį hu, yɛ pa bɔɔli?›»

Samia Veerɛi 5:2

Saulə nwɔ tɔɔlaa yələi, yɛ́ ɓə kɛi tɔɔ Israɛlə ɲɛ̨i tɔwɔ kaa li, kaa pa. Ya ɓə Yai-Laa ə kɛ yɛ́: ‹Yɛ́ ɓə pai Israɛlə nwɔ́ nu huwui ŋaakɔn ɉii, ɛlɛɛ, yɛ́ ɓə pai kɛi Israɛlə nwun na.›»

Tɔɔɓɛlaa dɔlɔɔ 9:22

Salomɔn hvo Israɛlə lon da pɛlɛ pɔlɔtɛ kóló ɓa. Di wɛi, di kɛ a kɔ́ kɔ́ nuą, diɛ ɓo a nwɔ nwun nąmįną, pɛlɛɛɠaa da gbɛa-kpɛa, a kɔ́ wotolo nwun nąmįną, da hoo gilɛ həɠə nuą.

Tɔɔɓɛlaa veelɛ 10:15

Ɉəɠɛɛ laa, da Rekavə lon Yonadavə di kwiɛn. Ɉehu ə nwoo pili mą, ɛlɛɛ, yɛ mą: «Ə́ kwəi kwɛlɛɛi mą́ą́, yɛ bələi gwə́i kwɛlɛɛi la yɛ́i?» Yonadavə yɛ mą: «Ee!» Ɉehu yɛ mą: «Akɛ gaa tii, gu gu kee túwɔ́ ɓo.» Da Yonadavə di di yee lɔ di kee yəi, Ɉehu ə Yonadavə tɛ ə ɉee gwɛlɛ nwotolo hu.

Tɔɔɓɛlaa veelɛ 10:5

Dɔɔ pɛlɛ́ ɲąąwooɓonuą, daa ɲąąwooɓonuą, nu kpɛa kpɛaa da dɔɔ lonnii mąąkwɛli nuą, di nuą tɔɔ, diɛ kɛ Ɉehu ɓa: «Ku kaa a ə́ wɔɔ luwɔɠaa, yii kpɔ a nɛ̨ɛ̨ yɛ́, ya ɓə kwa gɛ. Ku hvo nui lɔpee ta heei a tɔɔmun!.»

Tɔɔɓɛlaa veelɛ 9:32

Ɉehu ə ɲɛ̨i pili bɛlɛ́ vaŋą pilii, yɛ mą: «Gbɛɛ ɓə kwa yaa ku tɔɔ? Gbɛɛ ɓə?» Nɛ̨ɛ̨nui tii nwɔ gbɛtɛgbuwulu hveelɛ, a wala kɛ tii ɉaaɓa, di di nwun gulɔ Ɉehu pɔ pələ.

Kɔlɔnikɔ Maa-ŋuŋ 11:11

Di laa ka; diɛ ɓaa kɛ a: Hakmoni lon Yasoveamə, nu haaɓa nwun nąmu. Yaa ɓə nwɔ kpalai pili ɲee mɛ̨i tanɔ̨n, a ɓɔ nu nwun ɉaaɓa hu a gee, ə di paa.

Kɔlɔnikɔ Maa-ŋuŋ 12:17

Bɛnɉamɛn da Ɉuda lonnii taɠaa, di pa Davidə pɔ, ɓɛi ə kɛ laa now pələi.

Kɔlɔnikɔ Maa-ŋuŋ 2:17

Avigailə lon maa Amasa, nąn ma a Ismaɛlə mun Yetɛrə.

Azaya 59:17

Ə tələnmolaa too gwaną, yɛ kɔ́ kɔ́ həɠə, ə nu ɓalo mɛ̨nį lɔ nwuɔ̨ a kɔ́ kɔ́ ɓɔlɔ, ə nwąnąkulɔ mɛ̨nį too gwąną a ŋɛ̨ kilɛn ɉəɠə, ə tolo kɛ a gɔn mą gbaawii.

Zakari 8:23

Yai-Laa Mɛ̨nį Kəlee ŋą Hééɓomun, woo ka, yɛ diɛ: Mąą yələɠaai tii, hį́i wooi kpɔ nu kanŋaa da mo, ɉu hinąą pow, da yili Ɉuifə tɔ̨nɔ̨ ɓa, di ɉon a ɉəɠə wəli, diɛ kɛ mą: «Ku kaa bɔ gwa kaani gwə li, mąąhɔlɔɓo, kwaa bələ mąn, diɛ Yálá kaa ka pɔ.»

Maafîu 12:30

Nui kwa yaa ku hvo tɔɔ li, ɲówo li. Nui hvo kpɔn ɉii mą́ą́ ku hvo nuą ɲąąkpɔn, gaa di hutaɠai.

Galatə 6:16

Lúwɔ́ ə kɛ, nuąi di kaa hiɛi gbaaləi tii mɛ̨i, diɛ; ə kɛ lɔ tii, Yálá ŋą nu huwui kəlee ɓa.

Nwun mąąɓo 13:25

Ɓɛlɔwai Samsɔn ə kɛ la Mahane-Dan, Sorea da Ɛstaɔlə di lɔwai, Yai-Laa nwɔ Kilii ə gɔwɔ tɔɔ, yɛ too ɉu.

Nwun mąąɓo 3:10

Yai-Laa nwɔ Kilii ə kɛ ɲəi, ə Israɛlə ɲąąwooɓo, ə kɔ́ pɛlɛ Kusan-Riseataimə ɓa, yai kɛ a Aramə tɔɔmun, Yai-Laa ə yeetɛɛmąą laa tɛɛ bɔ Kusan-Riseataimə mɛ̨i.

Nwun mąąɓo 6:34

Yai-Laa nwɔ Kilii ə pa Zedeɔn pɔ, Zedeɔn ə túlú hvɛɛ, ə gɛ, Aviɛzɛrə nu huwu di hvilɛn bulu.

Rutə 1:16

Rutə yɛ Naomi ɓa: «'Hvó gbɛ́ ə́ pulu. Ɓɛi yá lɔ laa, nąą ɓə gáá lɔi laa; ɓɛi yá hee laa, nąą ɓə ŋą́ hee laa. Ə́ wɔ́ nuą da kɛ a nwɔ́ nuą. Ə́ wɔ Yálá ə́ kɛ a nwɔ́ Yálá.

Samuɛlə dɔlɔɔ 16:4

Pələi Yai-Laa ə mo la, Samuɛlə ə gɛ tii. Həlii ə mo Bɛtleɛmə, daa kalanɉonŋaa di gaa, di həɠə diɛ li naakwiɛn ɉii, di mąą yɛ kpɛlin, di mąąnin gɛ, diɛ mą: «Mɛ̨nį lɛlɛɛ ɓə ə́ kaa pai la?»

Samuɛlə dɔlɔɔ 16:5

Ə di woo ŋąąpənə, yɛ diɛ: «Liilaa ə tɛɛ ka pɔ, nɛlɛɛ ɓə ŋą́ paa la. Ŋą́ pa haláá kulɔi Yai-Laa ɓa. 'Ka ká mąąhəɠə, ka pa gu ɉaláá kulɔ.» Samuɛlə ə Ɉɛse da nonnii di mąąhəɠə, ə di tə li ɉaláá kulɔi.

Samuɛlə dɔlɔɔ 22:7

Saulə yɛ nwɔ tínuą tii kɛ gwɛlɛ tɔɔni diɛ: «Ə həli kaa Bɛnɉamɛn lonnii! Akɛti, Ɉɛse lon gaa mɔ̨ɔ̨ pai tíi kɛi da viɲə yɛɛɠaa tɛɛi ka kəlee ka pɔ? Gaa mɔ̨ɔ̨ pai ka kɛi a kɔ́kulááɠaa kɔlaɠa pɛlɛɛ da gbɛa-kpɛaaɠaa nwun na? Kpaa-oo!

Samuɛlə dɔlɔɔ 24:12

Nán! Ə́ ɲɛ̨i hee ɓɛ, ə́ wɔ həɠəi gbuɔ ta kaa ɲéé ŋą. Ŋą́ ə́ wɔ həɠəi ta tee mą, ɛlɛɛ, və́ ə́ paa li. Ə́ kili ə pu ɉu, ɛlɛɛ, ə́ gbaɠala kaa, yɛ́ kiliŋąhiɛ ɲɔ̨nwɔ̨ɔ̨ hvo gwə́i yɛ hvilɛn na yɛ́, və́ ta tɔɔ li ə́ la; və́ ta ɓaɠaɓo li yɛ́. Yɛ́ lɔ ɓə yáá hvilɛn búlu, yáá ɓaɠaɓo mą́ą́ yɛ́ ə́ báá.

Samuɛlə dɔlɔɔ 24:13

Gɛ́ Yai-Laa ə gwa yɛ́ gu lɔwai mɛ̨nį hutɔɔ. Yai-Laa ə nwą́ną kulɔ yɛ́. Kɛlaa, və́ pai ɲéé tunwɔ̨n ɉii yɛ́.

Samuɛlə dɔlɔɔ 24:16

Gɛ́ Yai-Laa ə mɛ̨nįi ŋɛ̨i hutɔɔ, ə tɛ̨ą ɓo gwa yɛ́ gu lɔwai, ə mą́ą́ mɛ̨nį hu kpɛɛ, yɛ mą́ą́kɔ̨nwɔ̨, ə nwɔ́ tɛ̨ą kulɔ pɔ̨nɔ̨ŋą, a gúlɔi a mo ə́ yee ɲąi.»

Samuɛlə dɔlɔɔ 8:12

Gaa pai di həɠəi yɛ di kɛ a nwɔ kɔ́kulááɠaa da kɔlaɠaɠaa ɲɛ̨i tɔwɔ nuą, di nwɔ kɛɛɠaa hin, diɛ nwɔ mɔ̨nun dee, diɛ nwɔ kɔ́ kɔ́ hɛnŋaa yɔw, da nwɔ hoo kpəlin bɛli nuą.