Kɔlɔnikɔ Maa-ŋuŋ 11:14 - Yálá laawoo hɛɓɛ (dc)

¹⁴ Eleazarə da nwɔ nuąi di di loo ɲɛɛ hamąi, di kulɔ, di Filisti nuą paa kpɔ kpąąn, gɔ ə nɛ̨ɛ̨ laa Yai-Laa ɓa kpɔ kɛnɛ̨.

Yálá laawoo hɛɓɛ

¹⁴ Eleazarə da nwɔ nuąi di di loo ɲɛɛ hamąi, di kulɔ, di Filisti nuą paa kpɔ kpąąn, gɔ ə nɛ̨ɛ̨ laa Yai-Laa ɓa kpɔ kɛnɛ̨.

Bible

¹⁴ Kɛ́lɛ Deeƃé da Ilieza dí lɛ̀ɛ dítɔɔ̂i bale kpalaŋ sâmai. Dí lɛ̀ɛ naa é lɛ́ɛ la zu dí Felesia-ŋai yée mɛi ɣále. M̀aa ɣelei tí Yâwɛɛ è tɔɔ dípôlu dí ǹûai yée mɛi ɣále.

Kɔlɔnikɔ Maa-ŋuŋ 11:14 ပူးပေါင်းရင်းမြစ်များ

Samia Veerɛi 23:10

Kɛlaa, yaa tii ɓə tɔɔ Filisti nuą la, ə lɛɛ di paai, ə lɛɛ ɉu ɲee hu ə haa, ɲee ə kanąn nwɔ kɔ́ kɔ́ ɓɔwai nwun ma. Yai-Laa ə gɔ nɛ̨ɛ̨ Israɛlə ɓa mąą yələ kpɔ kɛnɛ̨. Israɛlə nuą di pənə di pa, di hvilɛn bulu lɔ gɔ́ honŋaa həɠə mɛ̨nį lɔ ɓa.

Tɔɔɓɛlaa veelɛ 5:1

Naaman ə kɛ a Aramə tɔɔmun nwɔ kulááɠaa nwun nąmu kɛnɛ̨, nwɛli ə ɓo nwɔ tɔɔmun mą kpɔ kɛnɛ̨. Mąąhɔlɔɓo, yaa tii ɲee hu ɓə Yai-Laa ə kɛi yeetɛɛmąą tɛɛ la Aramə pɔ. Kɛlaa, gɔ́kuláá walawalai tii, hvólóɲɔ̨n ə kɛ mą.

Kɔlɔnikɔ Maa-ŋuŋ 11:13

Yaa ɓə kɛ Davidə pɔ Pasə-Damimə, ɓɛlɔwai Filisti nuą di di ɲąąkpɔn na diɛ kɛ di pɛlɛ Davidə ɓa. Kpai yɛa ta ə kɛ laa, nuą di pu Filisti nuą tɔwɔ;

Kɔlɔnikɔ Maa-ŋuŋ 11:15

Gɔkuláá pow haaɓai tii lɔwai, kuláa haaɓa ə həɠə ə li Davidə pɔ Adulamə gwɛni wolo hu; ə kɛ tii, Filisti nuą daa di wɔ kɔ́ ɓuwui pɛlɛɛ kɛ Refaitə ɲáɓoloonŋaa pɔ.

Mąątɛ̨nɛ̨ 144:10

Yɛ́ ɓə ya kɔ́ nɛ̨ɛ̨ tɔɔɓɛlaa diɛ, yɛ́ Davidə nwun mąąkɔ̨nwɔ̨ ɓɔwa kwɛa yəi.

Mąątɛ̨nɛ̨ 18:50

Yili mąą mɛ̨nį ɓa, Yai-laa! Ŋą́ Ə́ mąmąɓo yɛnɛ̨ɛ̨ hį́iɠaa kəlee lɔwai; gɛ́ ə́ laa too a wələ.

Hanwon 21:31

Nu ya pɛli ə́ ə́ hąą yili kpąąn yɛ́ li kɔ́ ɓa, Kɛlaa, Yai-Laa ɓə yee tɛɛ mąą kaa ɲəi.

Samuɛlə dɔlɔɔ 14:23

Yai-Laa ə gɔ́ nɛɛ Israɛlə ɓa a volói tii. Gɔ hu ə kɛnɛ̨ kpɔ, ə həli Bɛtə-Awɛn pulu pələ.

Samuɛlə dɔlɔɔ 19:5

Davidə ə gili kulɔ nwɔ yɛnɛ̨ɛ̨ hu, yɛ Filisti hulɔnui paa, ɛlɛɛ, Yai-Laa ə kɔ́ kɛnɛ̨ nɛɛ Israɛlə nuą kəlee ɓa, ə́ naa kaa, ə́ kwəi ə nɛ̨ɛ̨ ɉu. Ə́ kaa pai nɛ̨ŋɛ̨n ɉəɠəi, yɛ́ kwəi kwələ mun ɲąmą pu, yɛ́ Davidə paa kpɛli-kpɛli, lə mɛ̨nį ɓa?»