Yemesi 4:5 - Verikariano Vou Na Baki

⁵ Iliano riano tai napano joa Iliano Lu naio berenio “Niunudo napano Atua midu joa kito naio jo jidom ka riel bele bogo nonovio ea kiano sidomiano va nalo.” Mia nina maka ve iliano kurano na,

Yemesi 4:5 ပူးပေါင်းရင်းမြစ်များ

2 Korin 6:16

Tavoru sibisibi nalo maka ajikia atu joomo ea Atua kunuano Lu bogo tai, a iliano nei be nioti nene bior napano Kunuano Lu naio maka ve yimo tai ga, mia naio be kito, Atua na meul kiano namoneano nalo. Nina jakii ga kiano iliano tealo, napano naio berenio jibe nei, berinavo “Kiniou mia notoalo, ka mia naiel iviso kalo. Kiniou mia neve kialo Atua, mia amei ave kiaku torogio nalo rimemedu. Lev 26:12

1 Korin 6:19

Kito tiniedo bobogia re, moko-tenado jibe yimo lu tai na volkouano napano bujolou ka Niununo Lu napano Atua midu ju joomo ea kito. Mia mokotenado na, maka ve kiado,

Taitas 3:3

Iliano nalo jibe na abe kiado robiniu, kar napano maka nalo dolu ga, ana beamu nua, kito bunu rojua meuliano va. Kito romila vovu ban Atua, a kito romila parido jikili ka naio. Bajago va buru bova kito banbano-o robinimei robe toro na jo yetano ka moroano na sidomivaiano nalo a saariano va na yetemeriba. Ea bogo na, sado sinaniano na bogoti bogo nonovio naio be tiniemimiano bija tiniekakariano nalo. Kiado iviso jerm̃ii tomu dolu nalo, a mave kanio, roju rejerm̃i kito bereio.

Kalesia 3:8

Bior Atua kiano Iliano Lu berial Ioluano Vou nei nuanua laka ruei, napano naio berii Epraamo berenio “Ea jau mia Atua rilivu ka yati na tomu nalo nonovio na vio yetemeriba nei.” Takii iliano nei, Iliano Lu berkario bunu ruei berinavo mia Atua to rila nalo na maka ave Ju mia amemedu naliko, verenio avarkar tinielo ea naio.

Im̃auano 7:9

Mia Stevin naio jom̃a mil kia ga vo, naio berenio berinavo “Tete nei Yoseve, naio be parinio karam̃ado nalo nei tai, ana kuruano dolu nalo amijoku m̃ele ka naio, ana ap̃iliṽililar ka naio ban ka riva rim̃au kurano ea buruvenuo na Ijivi. Mia Atua jo bija naio ea vio nene,

Jone 10:35

“Tibe na, ea vio nei kito romial napano nalo napano Atua kiano iliano nene ban ealo, abe kulorinio ga nalo, mia iliano nei berinavo nalo abe atua nalo, a iliano nene naio be kiado vivitauiano lu tai, naio monoka ve riano ga.

Romo 1:29

Amila jibe na banbano komial kialo meuliano binimei bujo ka bajago nonovio na lakorov tuboiano, bija vovaiano nalo, jokoluolu nalo, bija sidomvaiano ea kulo dolu nalo. Amijoku, amuebinvin tomu nalo am̃arm̃aro, abilvilialo, amila sibi, ajerm̃i ka kulo dolu nalo, aberveriilo,

Romo 9:17

Atua kiano bajago na, napano mila ka toro takii ga kiano jidomiano, romial naio mila bunu ka Parinio Tubo Vero na Ijivi, ea Mosis kiano bogo nua. Vero na naio be toro tai napano naio tinien jer Atua kiano tomu nalo, mia Atua bijauialar naio bunu ka rila kiano im̃auano tai, jibe napano Vivitauiano Lu berenio, napano Atua mil ban Vero, ber “Kiniou nomidu larso ka kovar moroano ea kiamo buruvenuo. Mia nemijamo kaso ka kovarvar ka kiamo moroano beamu vo, mia nela ka mia jau koialio ga napano kiaku moroano lie laka ka kiamo moroano, a kiniou nojidom ka tomu nalo na vio nonovio mia ajikia ka moroano nonovio joa kiniou.” Eks 9:16

Jone 19:37

a dolu nene naio berinavo “Ajulu niegeniege lelan naio, bisi na mia atu avitii naio.” Sek 12:10 Naruei bajago na Yesu kiano m̃ariano naio jibe ga na napano iliano nalo na aberialio nuanua ruei.

Jone 7:42

Kiado Vivitauiano Lu ajum̃a aber ga mia Naverikariano mia naio riyotuba ea Parinio Tubo Teviti kiano yati, mia naio rive toro re Betleem.”