Yemesi 4:16 - Verikariano Vou Na Baki

¹⁶ Mia maka kamiu kumitum̃a kumil vevavin ga a kubarvar ka kamiu kurano laka, mia nina bova ga na.

Yemesi 4:16 ပူးပေါင်းရင်းမြစ်များ

1 Korin 5:6

Bilbilu nalo, maka rivu napano kumitu kube m̃arou laka ka kamiu, kuber kumeravo, bior napano niamiamo nei jo keano vo ea kamiu. Kamiu kumijikia ruei ka isi telisu ga, mia mijikia rila joko nonovio nalo riyuku.

Navisip̃eiano 18:7

Beamu, kanano jogvuiano ea kiano meuliano monmaio naio toru laka, mia naio sibuku rimei ve jogvaiano ea niabelejalele nalo bija tegiano nalo. Mia nina naio maka na vo, bior napano naio jom̃a mila kiano jidomiano be m̃arou laka keano, naio jo berii naio, berinavo ‘O, kiniou nebe tira parinio tubo jibe nei, nojotano batitig nojo nei. Vite nonovio binimei bo laka ban kiniou, ana mia netibe re leleio taanou tai napano maka ve kiano vite, mia maka nejikia neteg rivior jogvaiano.’

Yemesi 3:14

Mia ver kuvitum̃a kuvisidomii kuver kube masou, mia kenemiu iviso nalo abujovujo ka jokuano, bija varvariano bunu, jibe na kumitum̃a kumila sibi ga. Kamiu kuvil vevavin re bunu ka masouano libolibo na kenemiu, bior nina maka lele ve bajago na masouano na leleio.

1 Jone 2:16

Naina bior saba nalo na yetemeriba nei, p̃eli na kiano bajago nene nalo, abe kiri dolu, maka atibe ka saba nalo na karam̃ado Atua kanano vija kiano bajago nene nalo. Vite nalo na yetemeriba nei nalo ajibe nei, abe burupati na nasidom m̃elea vite nalo, abe burupati na m̃a abur mirado, a abe burupati na varvariano na kiado meuliano nalo.