Yemesi 3:16 - Verikariano Vou Na Baki

¹⁶ Bior bogo napano tomu nalo ajum̃a amijoku, a abarvar kalo, mia ka vite nonovio maka bunu ajikia aiasol rivu, naruei bajago va nalo ajum̃a amaluvo.

Yemesi 3:16 ပူးပေါင်းရင်းမြစ်များ

Yemesi 3:14

Mia ver kuvitum̃a kuvisidomii kuver kube masou, mia kenemiu iviso nalo abujovujo ka jokuano, bija varvariano bunu, jibe na kumitum̃a kumila sibi ga. Kamiu kuvil vevavin re bunu ka masouano libolibo na kenemiu, bior nina maka lele ve bajago na masouano na leleio.

1 Korin 3:3

bior napano bajago miroano na yetemeriba aju iviso kean kamiu kia ga. P̃eli kamiu maka kuvitilubario, mia bogo napano jokuano a baravoiano ju kean kamiu, ber p̃eli kumitua melijokouo kea ga vo, kenemiu bajago ajibe toro ga kiano bajago.

1 Korin 14:33

Iliano nei ber ka kito monoka roim̃au ea bajago novo na jibe napano Atua jidomio, bior napano naio maka rim̃au p̃ilip̃ili vija kiano moroano nalo, mia jo mim̃auka vite nonovio memedu ea bajago na tum̃aro. Mia bo ka kamiu kuvitu kuvila tibe ka napano taara dolu na namoneano lu nalo ajum̃a amilaio,

1 Jone 3:12

Kuvisidomii Sim̃aro kanano toro na nanua beamu na, Ken, na naio maka tinien tii batitig kuruano kar garuei Epel, naio muebinio m̃aro. Maka rivu ka kito rala tibe na, mia bo ka rosidomii ka venia na naio mila jibe na? Nina bior kanano im̃auano nalo, Atua mialio abova ga, mia kuruano kanano, nalo amemedu bo, mia Atua naio jaaro kanio, tenene na mila na Ken mijoku m̃ele ka kuruano nei Epel, naio tinien jerio, ana naio muebinio m̃aro.

Kalesia 5:20

bija volkouano na tavoru, a bija navarsemeiano. Bereio, be navilviliano, tukurukuano, jokuano, tiniemimiano, buruvitiano, vuru vurevureiano, ilidieiano kean tomu nalo,

Im̃auano 19:29

Ana na abitunu vatitigio, naruei aba amila burum̃ara uetubaiano ea komeli, ana aba abokar Kaias naljuo Arestakas, tomjuo na vio Masetonia napano naljuo ajum̃a amiel naliko Pol abinimei ajua vio nei, ana aburulo, ajikiti kalo aba joomo ea burum̃ara vio na vioriano na Eveso nei, mia kulo Eveso bunu aba naliko, abano amison vio nei bujo vatitigio.

Romo 2:8

Mia tealo, tomu na baravoiano, nalo maka amonea ilirianiano, a nalo aju yetano ka moroano na vovaiano. Venia napano Atua mia sian vanlo, nina vironiano napano riyotuba ea kiano burum̃ara tiniemimiano ga.

2 Korin 12:20

Neber iliano nalo nei bior napano nomerou laka ka maka rivu kiniou namaluvo kean kamiu, ana noial ka kamiu kumitu ea vio tai napano maka rivu leleio ea kiaku jidomiano, a nomerou bunu ka maka rivova ka kamiu maka kuvisidom kiniou. Ver tibe na mijikia rila ka kito rala baravo ka kito, p̃eli rosidomii rivova kean kito, p̃eli tiniedo seri kito, p̃eli rosidomii re toro dolu mia rosidomii kito ga veve terakurano bereio. Ea bogo na jibe na toro mijikia rioliolu, mijikia ril ea toro dolu, mijikia ril varvar, a mijikia rila yotubaiano laka. Ver rivan tibe na, bova ga ruei.

Yesu Kristo Kiano Ioluano Vou Napano MAK Bivitauiaio 3:25

Ana verenio ea m̃aratavo tai na nalo ajum̃a aburuburelo napano nalo togio ajum̃a ajitig nalo togio, mia nalo maka leleio ajikia atu rivu bogo tai.