Yemesi 2:9 - Verikariano Vou Na Baki

⁹ Mia ver kamiu kuvitisaia ga tomu nalo ave dolu tibe na, nina kumila kariano ga na, mia Atua kanano tuboiano naio tibure kamiu river kamiu kube tomu na m̃a amila kokorov tuboiano.

Yemesi 2:9 ပူးပေါင်းရင်းမြစ်များ

Jone 8:9

Mia bogo napano amijog venia napano Yesu ber kalo, ajikar ka abeve terakurano abanvan bereio. Na naio jukamu, be kialo tormoruo tai, mia iorou ka naio, nalo dolu bunu aburu dedade ealo beve terakurano, o-oa ka tira nei ga jumolu ju ea Yesu mirano.

1 Jone 3:4

Toro na m̃a mila kariano, naio jom̃a mila korov Atua kanano tuboiano, bior burupati na bajago va, naio be bajago na maka sidom rimonmonea tuboiano.

Romo 3:20

Maka toro tai rijogkar ka tuboiano na Atua kanano rivare ka naio rimemedu ka Atua mirano, a tuboiano na mila na abiniu amijikia vatitig ka kariano joalo.

Jone 16:8

A Niununo na, bogo na naio rimei, mia naio rila im̃auano ea yetemeriba nei, rila kiano tomu nalo ka asidomlubar jidomiano na tortoru tealo, tai ea tivelinio na kialo kariano nalo, tai ea tivelinio na kanaku memeduano nalo, a tai ea tivelinio na Atua kiano tibureiano vanlo.

Jone 8:46

Mia kamiu kei na naio mijikia riverial kiaku beleano tai? ?Mia ver kumial ka nemil be riano, bior vaio ana maka kumonea kiniou?

M̃esi Napano JUT Bivitauiaio 1:15

ka atibure kulo va nalo na amila kariano napano maka amonmonea naio. Mia sian vironiano vanlo rivior im̃auano va nalo na kanalo veribinio, a bior kanalo ilisiniabu va napano abuku ea mirano.”

Kalesia 2:19

Ee, tuboiano na naio jidom rila ka kiniou nam̃aro, mia vonganei tuboiano na naio javukia tasim̃aro tai ga ea kiniou, kiniou nebisi eaio ruei. Kiniou nojuvan tuboiano na ruei, kanio kanaku meuliano toa ga Atua.

1 Korin 14:24

A ver rimei joomo, rial ka kamiu kumitu kuberial Atua kiano iliano jel iliano tai napano kamiu nonovio kumijikiaio, mia riagago ka kenemiu iliano novo nalo, naruei mijikia rikuru tinieno, mijikia rila naio rivitilubar kiano kariano.

Im̃auano 10:34

Pitere mijog iliano nalo nei, ana mil banlo, berinavo “Bo ga, ana mo kiniou neberenio siva toru laka napano kamiu kumidu bogo nei ban kiniou, ka kiniou nemijikia neil van kamiu. Nejaaro toru laka, bior vonganei nebitilubar ka be riano toru laka ka napano Atua naio maka rivitisa ea kulo dolu nalo.