Yemesi 2:13 - Verikariano Vou Na Baki

¹³ Nina bior Atua tinien miia kamiu, a kanano tinieiiano nene, mia riolkon bulag tibureano napano memedu ka mia kuvokario. Mia bogo napano mia Atua tibure tomu nalo napano maka tiniel riia toro dolu, mia naio bunu maka rijikia tinien riia nalo.

Yemesi 2:13 ပူးပေါင်းရင်းမြစ်များ

Mataiu 5:7

Nalo ga napano ajum̃a tinielmiia tomu dolu nalo, mia ilivuiano rimei toalo, ka mia Atua naio mijikia tinienriialo ve toru.

Mataiu 6:15

Mia ver kamiu kuvisaaro re ka kuviekokoa nalo napano abijuku jorokor ban kamiu, mia Karamemiu naio maka rijikia riviekokoa kamiu ka kenemiu torokoriano nalo bunu.”

Luka 6:37

Mia Yesu mil kia ga banlo vo, naio berinavo “Mia kamiu monoka kuvitu re m̃a kuvitibure m̃elea toro dolu p̃eli na kuvijev vironiano vanio. Aver tibe na, mia Atua tibure laka re kamiu tibena, mia naio rije re vironiano van kamiu. Ver kuviekokoa toro dolu, mia Atua riviekokoa kamiu,

Yemesi 5:4

Tomu na im̃auano amim̃au ruei ea kenemiu tiniavio nalo, mia kamiu maka kuvulu lo. Mia kanalo vuliano napano kubokario ju, jibe ka napano miaga jikili ka berial ka kamiu kumitum̃a kumila saba nalo na bova. Tomu na im̃auano nei bunu ajum̃a ajegi, mia kanalo tegiano bano-o bokar Atua na sikiliano tilinieno.

Luka 16:25

“Mia Epraamo berdop̃eio, berinavo ‘Keneriku, jau kosidomial bereio meuliano novo nanua beamu. Ka bogo na, jau kobokar kanamo vite nonovio napano jau kojidom m̃elea bo kaso, mia kiri tavaliki Lasaros nei, ea kiano meuliano re nua, vite nonovio maka tai rimelumu van naio. Vonganei, naio mije jogvuiano ea vio nei, ana jau komijog bova toru liki ea vio na.

Yemesi 3:17

Mia toro napano mije masouano na mave, kanano bajago naio be dolu. Loa ka vite dolu nalo, kanano meuliano meravo batitig, mia naio be bunu toro tum̃aroano, a naio be toro namelumulumuano naio bijuku bo ka kulo dolu nalo. A bunu be toro naio na tinien miia toro dolu. Naio be bunu toro na bar m̃arati na bo ea kiano meuliano, a maka naio rivitisa ea tomu dolu nalo, mia kanano jidomiano maka veve juo.