Yemesi 1:26 - Verikariano Vou Na Baki

²⁶ Verver toro tai river naio be toro na moneano napano memedu, mia naio telanivuu vatitig re ka buruminano, naio jom̃a mijubolbolili naio ga bereio, mo kanano moneano be iakurano ga.

Yemesi 1:26 ပူးပေါင်းရင်းမြစ်များ

Eveso 4:29

Ea kenemiu iliano nalo, kamiu kuve re ilimenunuano, mia kuverenio iliano nalo napano mia rijikia riijalar kialo jidomiano nalo, ka nalo amijog kenemiu iliano nalo, napano josonu bare, a memedu bo, a ka rijailo.

1 Pitere 3:10

Verikariano na Atua kanano na jibe na naio joa Niosi na Iouano nalo ruei, napano naio ber jibe nei, berinavo Toro na m̃a tinien jii ka toa yetemeriba nei rivu, p̃eli naio jidom ka kiano meuliano mia rivuro rivu, ve tebievi, naio monoka riverbure ilivovaiano nalo amei re amolmoluo ea niono, monoka rivitikar vatitig ka naio tom̃a rilasibi re.

Eveso 5:4

Maka rimemedu ka kamiu kuver ilivovuiano nalo p̃eli iliniagiagoano nalo, p̃eli iliserevaiano nalo. Memedu ka kamiu kuvitum̃a kuver siva ga van Atua.

Kolosia 4:6

Monoka kuvil rivu vijalo, ea iliano nalo napano ga be nailitinievuiano a ajese bo, ana mia ajog rivu ka iliano nalo nene, a monoka kuvijikia m̃arabo ka kuvisian verdop̃eiano vanlo napano avika vikadeniano ninio ea tivelinio na kenemiu viekouoiano.

Yemesi 1:22

Kamiu monoka kuvila vaio napano Iliano Lu na naio berenio, maka rivu ka kuvitu kuvijubolbolili bereio kamiu ga a kamiu napano kumitu kumiagago kurano ga ka Iliano Lu nei, karina maka kuvila vite nalo napano naio berenio.

Yemesi 1:19

Kuruaku a kuvivinioku novo nalo, mia kamiu tiniemiu ribobogia re iliano nei, ka tomu nonovio monoka ala sop̃eli ka aiagago ka tomu nonovio monoka ala sop̃eli ka aiagago kanio, ana monoka aviju kiki ka aili. Ana ala sopeli re ka tinielo rimimi,

Luka 8:18

Kamiu monoka kuviagago vatitig ka kanaku iliano nalo, a kuvilavon ka kuvisidomii vatitigio. Toro napano be kiano saba miroano ruei, mia naio rivar rivan lie vo ve telabo laka, mia toro napano maka kiano saba, mia rila luvuio vite vaio na telisu nei napano naio tiniene ka ber kiano ruei.”

Kalesia 6:3

Ana mia kamiu kuvarvar ka re kamiu tibe ka toro tai napano naio jo jidom naio ga ber “Kiniou riano, kiniou nebe toro tai.” Ver tibe na, toro nene naio jo mijubolibolili naio bereio, bior naio maka rivitilubar ka naio be toro kurano ga.

Kalesia 2:6

Ea vioriano nene, tomu nalo tai napano aberenio nalo abe navurim̃araboiano nalo, mia kiniou maka neial lerinio ealo ver abe tomu na tortoru nalo p̃eli na maka ave tomu na tortoru. Nina buriakurano ga na, bior Atua naio maka lele tovon sio nalo na jibe na. Mia navurim̃araboiano nalo na, maka lele averloglog kiniou ka vite vou tai leleio ka noioliolu kanio.

Yesu Kristo Kiano Ioluano Vou Napano MAK Bivitauiaio 7:7

Mia nalo aju amilotu ka kiniou kurano ga, bior bogo napano aberloglog tomu nalo, nalo aju aber nina Atua kanano iliano na, mia makanio, iliano nei be tomu nalo kialo ga.’ ” Aisaia 29:13

1 Korin 15:2

Ioluano Vou nei naruei napano ver kuvitu kuvokar sikili rivu kia ga, naio to rila kamiu kuvokar kenemiu ioruriano. Mia ver maka bunu kuvokar sikili ve verare ka venia napano nomioliolu ka ban kamiu, p̃eli ver kuvilig van ve dolu, nioti nene ber kumonmonea beamu na ka iakurano ga.

Mataiu 15:9

Mia nalo aju amilotu ban kiniou kurano ga, bior bogo napano aberloglog toro, nalo aber iliano na, naio be Atua nene kanano, mia iliano na be nalo kulorinio ga kialo.’” Aisaia 29:13

1 Korin 15:15

A ver tibe na, rila na bogo napano numioliolu ban kamiu nuber Atua bitirilar Kristo meul bereio, p̃eli numila sibi toru ea Atua siano, p̃eli numitu nuberloglog kamiu ka vite tai napano maka ve riano.

Yemesi 2:20

Javukia napano rojum̃a roberenio, toro napano naio jom̃a ber be kiano viekouoiano, mia naio maka rila bajago nalo na memedu, kiano viekouoiano naio be tena iakurano ga, toro na jibe na naio miavovu ga na. ?Mia kamiu kumisidom ka nalavon never vite nei rimei rimeravo vatitig?

Kalesia 3:4

Ea kenemiu meuliano vou nene, vite novo telabo amaluvo ka kamiu ruei, jibe ka napano Atua mijev kanano Niununo Lu ban kamiu, mia naio jo mila jamerijiano nalo ea miremiu, mia jum̃abe, p̃eli kamiu maka kuvitilubar vo ka vite nalo na abinimei ea kamiu kar venia? Monoka kuvijikia vatitig ka Atua mila jibe na, maka rivior kumitakii tuboiano, mia kar ga beamu kamiu kumijog Ioluano Vou, mia bogo napano kumijogio ana kumoneaio.

Kalesia 2:9

Naruei Yemesi naio Pitere a Jone, napano tomu nalo aberenio ka nalo ve tolu nei abe kialo navurim̃araboiano, nalo abitilubar ka Atua midu im̃auano maraiu nei joa jum̃aku ea kiano tiniememiano. Ana nalo tolu nei abinimei abanjum̃alo kumemliko Barnabas, jibe ka napano kumemi nube taara takurano kumemliko nalo, mia nubiniu numijamo ka nuvitibure im̃auano nalo, jibe ka napano mia kumemi ve juo nuva nuvioliolu ea vio nalo na tomu nalo napano maka ave kulo Ju, a mia nalo avan aioliolu ea kulo Ju nalo kialo vio.

1 Korin 3:18

Monoka kuvidu venia napano nojo neberenio nei, maka rivu ka kuvisidomii kuver be titai iakurano ga. Ver kamiu tai ber naio be masou bo ea jikiaiano nalo na yetemeriba nei, bo lie ka naio tuvan jidomiano sibisibiano nalo na atu. Ea tivelinio na jikiaiano nalo na yetemeriba nei, naio monoka rila naio tibe toro vovu tai ga, ana ver rila tibe na, mia naio mijikia ve masou vatitig ea Atua kiano jikiaiano.