Yemesi 1:22 - Verikariano Vou Na Baki

²² Kamiu monoka kuvila vaio napano Iliano Lu na naio berenio, maka rivu ka kuvitu kuvijubolbolili bereio kamiu ga a kamiu napano kumitu kumiagago kurano ga ka Iliano Lu nei, karina maka kuvila vite nalo napano naio berenio.

Yemesi 1:22 ပူးပေါင်းရင်းမြစ်များ

Mataiu 12:50

Bior ver toro napano rila tavukia napano Teta na vio mave naio jidomio, toro na jibe na naio be kuruaku, p̃eli kuvivinioku, p̃eli konioku.”

Mataiu 28:20

a napano kamiu kuverlogloglo ka mia ajogkar iliano nalo napano kiniou neber ka kamiu ruei. Mia monokanio kamiu tiniemiu rimaio ka tulaka ka na mia kiniou noto kitoliko dam̃ariga, rivano-o rivokar juluvati na yetemeriba. Mm.”

Luka 11:28

Mia Yesu berdop̃e ban naio, berinavo “Nao, nina be riano na, mia kiniou neber ka jau ka mia Atua kiano ilivuiano rimei ve toru lie bereio vo van toro kei napano naio monmonea Atua kiano iliano nalo, naio mila venia napano naio jom̃a berenio.”

Jone 13:17

Mia verenio kamiu kumijikia ka kanaku iliano nalo nei abe riano, a ver kamiu kuvitum̃a kuvila venia napano m̃a neberenio, mia burum̃ara ilivuiano ve toru laka rimei rivan kamiu iorou.”

Romo 2:13

Tomu nalo na amemedu ea Atua mirano, maka nalo napano amijikia ga venia napano tuboiano berenio, mia nalo napano Atua jaaro ka rivurlo, nina mia nalo napano kialo meuliano jakii vatitig bo venia napano tuboiano berenio.

1 Korin 15:33

Mia kamiu monoka kuvitakii re jidomiano vovu nalo tibe na, ver makanio, mia iliano dolu nei rimei rive riano ea kamiu, napano ber jibe nei, ber “Jau koiel vija bilbilu va nalo, mia kialo vovaiano rila niegeniege kiamo bajago novo.”

1 Korin 3:18

Monoka kuvidu venia napano nojo neberenio nei, maka rivu ka kuvisidomii kuver be titai iakurano ga. Ver kamiu tai ber naio be masou bo ea jikiaiano nalo na yetemeriba nei, bo lie ka naio tuvan jidomiano sibisibiano nalo na atu. Ea tivelinio na jikiaiano nalo na yetemeriba nei, naio monoka rila naio tibe toro vovu tai ga, ana ver rila tibe na, mia naio mijikia ve masou vatitig ea Atua kiano jikiaiano.

1 Korin 6:9

Monoka kuvisidomii ka nalo napano kialo meuliano maka rimemedu, mia maka ajikia aial Atua kiano navenatuboiano riyotuba keanlo. Maka rivu ka kuvila von tibe na napano maka kuvijikia vite na kiana vo, bior kumijikia ruei ka Atua maka saaro leleio ka nalo napano aju amiel vuru ninio vio, p̃eli nalo napano amilotu ka atua sibisibi nalo, p̃eli nalo napano amila siakaiano, p̃eli nalo napano aju ap̃ilṽili ka mokotenalo, p̃eli sum̃ano napano ju bano bija sum̃ano bereio, p̃eli tira napano ju bano bija tira bereio

Kalesia 6:3

Ana mia kamiu kuvarvar ka re kamiu tibe ka toro tai napano naio jo jidom naio ga ber “Kiniou riano, kiniou nebe toro tai.” Ver tibe na, toro nene naio jo mijubolibolili naio bereio, bior naio maka rivitilubar ka naio be toro kurano ga.

Kalesia 6:7

Mo ana kamiu kuvitikario, ka kuvila sibilili re kamiu bereio. Jau maka kejikia kala dovorovon Atua. M̃ariesi vaio napano komebija ea kanamo tiniavio, m̃arati nene ga napano mia jau kesenio.

Vilip 4:8

Kuruaku nalo a kuvivinieku nalo, vede vaataro ka nala nonovio kanaku iliano van kamiu naruei, mia nojidom notunukakar kamiu ka kuvila kenemiu jidomiano naio rivujo ga ea vite nalo nam̃a Atua naio jidomiio. Vite venia na be riano, p̃eli vite venia na naio loa, p̃eli vite venia na naio memedu, p̃eli vite venia na naio meravo bo, p̃eli vite venia na naio kirinovo, p̃eli vite venia na naio be navijukuvuiano, p̃eli vite venia na naio ka aiaia, p̃eli vite dolu venia na naio bo, naina naruei be vite kinkin nalo naruei napano bo ka atua kanado jidomiano tulaka.

Kolosia 3:17

Mia vite nonovio napano kumilaio, mia iliano nonovio napano kuberenio, mia monokanio kuvilaio ea Yesu kanado Tubo siano, mia bogo nonovio monoka kuver siva sel ea naio van Atua karam̃ado.

2 Timoti 3:13

Nina naio bo ga, mia jogvaiano dolu na jo na bova, nina napano tomu nalo na kirivova bija tomu nalo na sibiano mia avario. Vonganei aju amila bova laka ruei, a mia ala rivova tibe na rivan riva rivova lie vo, rivan riva rivova nonovio.

Taitas 3:3

Iliano nalo jibe na abe kiado robiniu, kar napano maka nalo dolu ga, ana beamu nua, kito bunu rojua meuliano va. Kito romila vovu ban Atua, a kito romila parido jikili ka naio. Bajago va buru bova kito banbano-o robinimei robe toro na jo yetano ka moroano na sidomivaiano nalo a saariano va na yetemeriba. Ea bogo na, sado sinaniano na bogoti bogo nonovio naio be tiniemimiano bija tiniekakariano nalo. Kiado iviso jerm̃ii tomu dolu nalo, a mave kanio, roju rejerm̃i kito bereio.

Yemesi 1:26

Verver toro tai river naio be toro na moneano napano memedu, mia naio telanivuu vatitig re ka buruminano, naio jom̃a mijubolbolili naio ga bereio, mo kanano moneano be iakurano ga.

Yemesi 4:11

Kuruaku nalo a kuvivinioku nalo, maka rivu ka kuvitum̃a kuver niegeniege kamiu a kuvitiburevure re kamiu bereio. Bajago na, Atua kanano tuboiano naio berbure ruei, naruei toro napano naio jo mila jibe na ka kuruano naio jo mila niegeniege tuboiano nei bunu, a naio jo jiburevure tuboiano nei ber naio bova. Mia bogo napano kumitu kubitii tuboiano nei kuber naio bova jibe na, kumitu kumidular kamiu jo mave loa naio, maka bunu kuvitu yetano ka naio.

Yemesi 4:17

Toro napano naio mijikia batitig vite novo nalo napano memedu ka mia naio rila, mia naio maka rilaio, naio jom̃a mila kiano kariano ga na.

2 Pitere 2:13

Tomu nalo na jibe na, ajidom ka ala kialo jokoluolu nalo na parilo selivivi ea vio nonovio legiano ga, a ea bogo na kuvila sinaniano lu nalo na kenemiu, nalo amei atu jouro napano kialo jidomiano nalo rivujo ka jogvuiano na kialo vovaiano nalo ga. Nalo ajibe ka tukei nalo p̃eli menko nalo napano amila lelan mokotenemiu novo nalo, mia maka asidomial leleio ka kialo vovaiano nalo mia ala nalo bereio ajog rivova m̃elea iorou.

1 Jone 1:8

Toro na m̃a jo mila bonua, ka ber maka ve na bova tai toa kiano meuliano, kiano iliano nei naio maka rive riano leleio, naio jom̃a mila sibilili naio bereio.

1 Jone 2:3

A ver toro tai rivika tibe nei, riverinavo: ?Kiniou maka najikia, kiniou nojo nomijikia batitig Atua, p̃eli na maka noto nojikia batitig naio rivu? ?Kiniou nobe kanano, p̃eli na maka nove kanano? Ver tibe na, bo ka rovika den naio bereio, roverinavo: ?Jum̃abe, jau kojom̃a komonmonea kanano iliano nalo, p̃eli na maka kotom̃a komonmoneaio?

1 Jone 3:7

Kanaku kiritete sesa nalo, maka rivu ka mia nalo ala sibilili kamiu. Toro na ver kiano meuliano bo, naio be tor memedu javukia Kristo.

3 Jone 1:11

Kanaku bilbilu, nojidom never kaso ka kema nei mila kirivova kaso mia maka rivu ka rila jau bunu, jau kala rivova van naio bereio. Monoka kito rovijauia re bajago na bova ga, mia bo ka rovijauia bajago na bo. Toro na m̃a mila bo ban toro dolu, naio be Atua kiano toro riano, mia toro na m̃a mila bova ban toro dolu, naio maka rial Atua vo, naio jo koalabo kia ga vo.

Navisip̃eiano 12:9

Mo burum̃ara kenieno niobi nei, abukulario den vio mave vaarakurano, naio batove ea yetemeriba, naio bija kanano nailiano nalo nei. Naruei ea bogo na mia kiniou nebitilubar ka burum̃ara kenieno niobi nene naina ga napano beamu nuanua laka naio midu maro mirano, naio be toro na m̃a napano abio ka Sim̃aro, p̃eli Setano, napano vonganei ea kiado bogo, naio kia ga navo, naio jom̃a buru yetemeriba reraio ba milaluvu m̃arabo julaka.

Navisip̃eiano 22:7

Mia Yesu kiano iliano ea vio nei ban kiano tomu nalo, naio jel jibe nei, berinavo “Kamiu kuvitikar! Mia vesiou re, mia kiniou nemei noyotuba ka kamiu bereio. Toro napano bokar vatitig iliano na visip̃eiano nalo na kanaku niosi nei, mia rivu laka van naio, mia naio mijikia rijog rivu ve toru.”