Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Vilip 3:1 - Verikariano Vou Na Baki

1 Mo kuruaku nalo a kuvivinieku nalo, nejidom netikar ka netetavoko kanaku iliano naruei. Iliano na maaro tai na naio bo ka never ka kamiu naio jibe nei, berinavo kamiu kuvisaaro tulaka ea meuliano na bo napano Tubo naio jian ban kamiu ruei. Vede iliano nene neber ka kamiu bogo telabo ruei, mia tiniemiu ser re kiniou, maka nasidom rivova ka never vite na bo van kamiu ve vatelabo. Naio bo ga ka kiniou, mia nejidom jibe ka naio mijikia rijai kamiu ve burutomoruo bunu.

အခန်းကိုကြည့်ပါ။ ကော်ပီ




Vilip 3:1
46 ပူးပေါင်းရင်းမြစ်များ  

Kamiu kuvisidom bijovijon re, kuvisaaro ga, bior amila kiki kamiu ea bajago na ga amila ka naverialiano nalo re nua. Mia kamiu kuvar kenemiu burum̃ara ijaiano ea vio mave.”


niunuku jaaro toru laka ea Tubo kiaku ioruriano,


Jibe na naruei, kito rajaaro laka napano Atua bitirilar kiado Tubo Yesu Kristo, kar napano naio rila kiado m̃arabo na merevuiano vija naio, rotu vio takurano vijaio bereio.


Bilbilu nalo, nebinimei ea kiaku iliano maaro naruei, nober bogiano bo ga ban kamiu. Neber bo, kamiu kuvila von ka kuvila kenemiu m̃arabo rivu vatitigio. Kumonea vatitigio ea vite nalo napano nobika den kamiu. Kamiu nonovio kuberkakar jidomiano novo tai ga. Kuvitu bo ga ea bajago na tum̃aro, naruei mia Atua na tiniememiano a tum̃aroiano to vija kamiu.


Vaataro kanio nala nonovio kiaku iliano naruei, mia nejidom never ka kamiu, ka kamiu kuvilavio sikili ka mia kuvisikili ea kiado Tubo, vija kiano burum̃ara moroano na toru nene.


Venia napano kito rojuaio, naio maka tibe na leleio. Kito maka rotu rovitii venia nam̃a joa kuluniabedo riverinavo naina naruei naio mila kito robo ea Atua mirano, kar kito roju romilotu ka naio ea niunudo, mia rajaaro julaka ka tiniedo rimaio ka Kristo Yesu ga naio mila batitig kanado m̃arabo. !Ver nalo atum̃a asidom aver ka pakuveuano naio mila Atua jaaro ka kulorinio, mia monoka rover roverinavo naina be kanalo tena mokotenalo ga, mia nana be riano nene, naio nei naruei kito rojuaio, napano rojum̃a reje bulag bajago a jidomiano na bova nalo den kanado meuliano!


Naruei kanaku iliano tai van kam nonovio bereio, neberinavo kamiu kuvisaaro ea Tubo, kuvisaaro ea naio tulaka.


Kuruaku nalo a kuvivinieku nalo, vede vaataro ka nala nonovio kanaku iliano van kamiu naruei, mia nojidom notunukakar kamiu ka kuvila kenemiu jidomiano naio rivujo ga ea vite nalo nam̃a Atua naio jidomiio. Vite venia na be riano, p̃eli vite venia na naio loa, p̃eli vite venia na naio memedu, p̃eli vite venia na naio meravo bo, p̃eli vite venia na naio kirinovo, p̃eli vite venia na naio be navijukuvuiano, p̃eli vite venia na naio ka aiaia, p̃eli vite dolu venia na naio bo, naina naruei be vite kinkin nalo naruei napano bo ka atua kanado jidomiano tulaka.


Banalo, bogo na numitu bija kamiu, kumemi nuberloglog vatitig kamiu jum̃abe ka kuviluo lie ea bajago na meuliano na Atua naio jidomio, a numitu numijog kumila kija ruei, naio bo laka. A ea Tubo Yesu siano, nubika numisikili den kamiu ka kuvitu van re, kuvitu kuvijedu ka rila rivan lie bogo nonovio.


Bekurano ka venia na mijikia riyotuba ka kito, a monoka rasaaro bogo nonovio,


Kuruaku nalo a kuvivinioku nalo, mia bogo na vite na lavonvoniano nalo amei ea kamiu ka alavon kamiu, mia kumijikia kuvial lo tibe ka vite na jogvuiano ga.


Iliano na maaro tai ea tivelinio na, kiniou neber bo ka kamiu kuvidu jidomiano nalo napano neberenio mave ruei. Kamiu kuviniu, monoka kuvila vio sikili bogo nonovio ka kuvitu batitig vija kamiu napano kenemiu jidomiano ve takurano ga. Kamiu tiniemiu riiaia kamiu, kamiu tiniemiu titii kamiu tibe ka kube m̃aratavo takurano ga, kuvijuku rivu, kuvidu kamiu kuvitutano ka kamiu bereio.


Mia venia ka ala, kuvisaaro ga ka napano kuvijikia kuvitu burukuti vija Kristo ea jogvaiano nalo na kanano. Ver tibe na, mia iorou kanio ve burum̃ara kenemiu saariano, napano kuvijikia kuvitu burukuti vija naio bereio ea bogo napano naio rimaluvo vija kanano mermerano.


Banalo, jibe ka napano kamiu kubitilubar ruei, nina naio be kanaku m̃esi juo nene nei na biedu ban kamiu. Venia napano joa kanaku jidomiano ka nevivitauia buron m̃esi juo nalo nei, nojidom neverial iliano novo tealo napano mia amijikia avavavin ea kenemiu jidomiano tulaka ka rijai kenemiu meuliano nalo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ