Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Vilip 2:6 - Verikariano Vou Na Baki

6 Naio jibe ka na iouano nei na naio ber, napano berinavo, Naio be tovorovo na Atua, jibe ka nono Atua, mia naio maka sikili ka rivare ka naio tulaka.

အခန်းကိုကြည့်ပါ။ ကော်ပီ




Vilip 2:6
37 ပူးပေါင်းရင်းမြစ်များ  

napano naio berenio, berinavo “Mia merevono tai na maka rijikia sum̃ano vo, mia naio ve m̃abono, mia naio rivarlar kenerinio sum̃ano tai, mia nalo asisia siano aver ‘Emanuela.’ ” Aisaia 7:14 Sio nei “Emanuela,” berenio “Atua to kiteaku.”


Kito kulorinio, maka kito tai napano naio mijikia Atua, a rialio ka mirano, mia toro napano naio jo dam̃ariga ea Atua kanano jidomiano, naljuo aju vio takurano bogo nonovio, naio naruei binimei mila kito remijikia Atua bija kanano bajago novo nalo.


Nao-o, kiniou bija Teta kumemi juo nube takurano.”


Ana nalo aberdop̃e, aberinavo “Maka, kumemi nuvisidom nuvitubaso, maka rivior im̃auano na bo tai, mia bior napano jau kojom̃a komila niegeniege laka ka Atua siano lu, ka napano jau, kobe toro ga, mia dam̃ariga kojom̃a komila von ka kalaso kotibe ka Atua garuei.”


Mia ver kiniou notom̃a nala kiano im̃auano nalo, p̃eli mia kumonea kiniou p̃eli na kamiu kumonea re kiniou, mia kamiu monoka kumonea kiaku burutomoluo nalo, ka abe Atua kiano burutomoluo riano. Ver tibe na, mia kamiu kuvijikia kuvitilubar ka Teta naio joa kiniou be riano, a kiniou nojoa naio.”


bior ka napano mia tibe ka nam̃a naberenio ka kamiu ruei, ka kiniou nava koalabo beamu, karina mia nemei bereio ea kamiu. Vede kamiu kuvijog vova ka na mia navano, mia ver kamiu tiniemiu tii kiniou, bo ka kamiu kuvisaaro ve toru laka ka na mia nejikia nava neial bereio karam̃aku, napano naio loa laka lie vo ka kiniou.


Ana Yesu berdop̃e, berinavo “?Vilip, kiniou nojo bija kamiu-o bokar yuka vio ruei, mia jau maka kovitilubar kiniou vo? Jibe ka nam̃a nojom̃a neberenio na, ka toro napano mial kiniou, naio jo mial Teta ruei. ?Mia jum̃abe ana jau kojom̃a kobika bereio ka kiniou nevisip̃e Teta na mave van kamiu?


A Teta, nojidom novika ver kiniou neviedu notumolu notua miramo bereio, mia jau kodu kiniou bere noto vijaso kito ve juo reje tuboiano bereio ea mermerano na vio mave, tibe ka napano kito juo romila beamu nam̃a rejii yetemeriba nei.”


Tomas mijogio, bitii Yesu, naruei berdop̃e berinavo “Kanaku Tubo, jau kobe kanaku Atua!”


Jibe na ga ka bogo na, navurim̃ara-boiano na kulo Ju nalo ajum̃a abitii Yesu ruei aber naio be toro nam̃a mila bulag tolu na Legiano Lu. Mia vonganei mave ka naio, nalo amijog ka napano naio jom̃a bio Atua be karam̃ano memedu, nalo amialio jibe ka naio jom̃a mila naio be verare bija Atua. Naruei vite nalo nei mila ana abinimei abitunu lie vo, ajidom toru laka ka auebinio rim̃aro.


ka rila na tomu nonovio monoka avatove ka kiniou, tibe ka nam̃a abatove ka Karam̃aku. Tibe na, toro nam̃a naio maka to rivatove rivu ka kiniou Kenerinio, jibe ka naio maka to rivatove rivu ka toro na toru napano miila kiniou nabatove.”


kito naruei napano kito rovio tormoruo lu re nua jibe Epraamo, Aisak, a Yakovo, ka nalo abe korobido, a mave ka tenalo na, kito naruei napano Yesu maluvo ea kiado yati, naio miyotuba ea yetemeriba nei jibe napano naio be toro, mia naio bunu be Naverikariano, napano naio be Atua napano be tubo ea vio reraio, napano bo ka roiaia naio bogo nonovio rivano-o maka ribisi. Nina naruei tenalo na bo napano Atua mila ban kito kiano tomu nalo, mia kito telabo amial jibe titai kurano ga.


Ea tivelinio na nalo napano maka amonea vo, tubo va na yetemeriba nei naio jetavoko kialo jidomiano ruei, naio milalo jibe abe merebono, bior napano naio maka sidom ka avitii burum̃ara miamoiano na Kristo kiano Ioluano Vou. Kristo nene kiano mermerano merera laka, bior napano naio bar mirano Atua ga memedu.


A bo ka rosidomii bogo nonovio Yesu Kristo kiado Tubo kanano burum̃ara tiniememiano, napano beamu, naio jibe ka be kiano vite nonovio, ana tinien maio ka kito ea yetemeriba, naio binimei jibe napano maka ve kiano titai, ka rila romijikia romei tibe napano be kiado vite nonovio.


Nojidomial kanano bajago novo nei mila nemiaia naio, neberinavo naio be parinio Tubo ka bogo nalo re nua, a naio meul jobo jo. Naio joa vio nonovio mia toro maka rijikia rialio, naio takurano ga be Atua a maka dolu tai bereio. Tibe na, bo ka ravatove ka naio, rodular siano rivano-o rijikia re ribisi bogo tai, mm.


Nao, kiado lotuano naio jikili juaio ea moneano tai napano naio jibe ka vite na lukuano tai napano bululuo bo, naio temi batitigio laka. Kito rojo roberial kiado moneano na jibe na, roberinavo Yesu, naio be Atua napano miyotuba ea yetemeriba nei ea mokotenano toro, Niununo kiano moroano mim̃au toru ea naio, a nailiano nalo aju bijaio, aberial naio ba bokar taara dolu na tomu nalo, mila na amonmonea naio janea vio reraio ea yetemeriba, karina Atua buru naio bavin bereio ea kiano burum̃ara mermerano ea vio mave.


Monoka rotu tibe na ga, monoka rotu rorea ga bogo na bo napano kiado jidomiano joaio, napano kiado burum̃ara Atua, kiado Naioruriano Yesu Kristo mia maluvo eaio, bija kiano burum̃ara miamoiano.


Kenerinio nene nei, Atua kiano mermerano mereralii kiano meuliano, jibe ka napano naio bar nonovio Atua mirano-o mia memedu garuei, naio be tovorovo na Atua kiano bajago. A moroano na kiano iliano naio jikili laka, naio ga bokar masosoua vite nonovio nalo na yetemeriba nei bija vio dolu nalo bunu aju bo. A bereio, naio naruei mijamo ka naio binimei milakon nono kiado kariano nalo biniu, mia bogo na mila nonovio kiano im̃auano na yetemeriba nei, ana naio bavin bereio tiniabene, ba jotano tivelinio vameruo na karam̃ano jum̃ano, napano be Barago na tiniabene.


Ana be iliano tai bereio, na naio berii bogo na Atua jidom riila kenerinio motoru nene rimei ea yetemeriba nei, ana na naio berenio “Mo bo ka nailiano nonovio alotu ka naio.” Tiut 32:43


Mia bogo na Iliano Lu ber Atua kenerinio, ber naio loa laka ka nailiano nalo, beriio jibena ka naio bevirare ka Atua, bio naio ka Atua. Berii naio berinavo “Atua o, kanamo vio lu na m̃a kojojo tanea mia naio ritobo to. Nasitogo na kiamo navenatuboiano, na bajago memedu.


Nalo amonmonea bo, ana kito bunu romijikia romonea, bior Tubo Yesu Kristo naio rive dolu re bogo tai, naio bare ga ka naniovo, a banei, a beni bunu rivano-o mia maka rijikia ribisi.


Ana naio mil du kia ga, berinavo “Kiaku im̃auano nonovio, nemila nonovio biniu ruei! Kiniou nebe motoru a nebe natumaariano, kiniou natikariano a najuluvatiano. Toro na m̃a midou jerio, mia noviov m̃ano uei tai ea burupati uei na meuliano, nesian van naio rimunuio tibe na ga.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ