Vilip 2:13 - Verikariano Vou Na Baki

¹³ Mia kiniou nomonea ka romijikia ralaio, bior ka Atua ga na naio jo mim̃au ea kiado meuliano terakurano, naio jo miija batitig kito ka rila kanado sidomiano nalo ajaaro ka rila kanano sidomiano, mia naio rila kito ravare ka rala tenene.

Vilip 2:13 ပူးပေါင်းရင်းမြစ်များ

Luka 12:32

Ierinio kiaku nunu sesa nalo, karamemiu naio jidom toru ka rijamo ka kamiu kumei kuve tubo ka kiano tomu nalo, ana na mia kamiu kuvisidomial re titai leleio, mia vite nonovio rimei rivu ka kamiu.”

Luka 2:14

“Mave niogovu, nalo ajum̃a amiaia Atua toru, a ea yetemeriba nei, tum̃aro joa tomu na Atua jaaro kalo.”

Jone 3:27

Ana bogo nam̃a aber jibe na ka Jone, naio maka rijoku, maka rijog rivova, mia naio jaaro ga, berinavo “Kito tomu nalo nonovio monoka roim̃auka ga venia napano Atua naio midu jua jum̃ado.

Jone 6:45

Niosi na naverialiano Aisea kanano naio berial iliano tai, naio berinavo ‘Nalo nonovio, mia Atua ga naio riverlogloglo,’ Aisaia 54:13 ana mia never nalo nam̃a ajog batitigio iliano na Teta Atua kanano, nam̃a naio berloglog batitiglo kanio, nalo naruei mia amei ea kiniou.

Jone 6:65

Ana Yesu ber kalo bunu, naio berinavo “Tealo mia amonea, a tealo mia amonea re, naina naruei kiniou neber batitigio ban kamiu iliano nei naruei, ka maka toro tai rijikia rimei ea kiniou, ver karam̃aku maka rijamo ka naio rimei.”

Im̃auano 11:21

Naruei Atua kanano moroano jo binimei toru ea nalo na, a tiniobi toru amijog kanalo iliano nalo, ana na nalo amonea Yesu, nalo abiliglo abinimei ea naio.

Romo 12:3

Kiniou neberial iliano nalo na ka kamiu bior napano Atua ve tiniesese ka kiniou, bijauialar kiniou midu im̃auano nei naruei joa jum̃aku. Mia nojidom never vite tai bereio ka kamiu, napano bova kuvitu kumila kenemiu jidomiano bavin laka. Kito rola kiano im̃auano nalo tum̃abe, a kiado jidomiano monoka rimemedu, monoka to yetano ga.

Romo 9:11

a bogo napano naljuo maka amoluo vo, Atua berialio venia napano naio berkario ka naljuo. Naio maka sidomii ka rila takii kialo im̃auano ka ala rivu p̃eli rivova, a naio mila jakii ga kiano jidomiano.

Romo 9:16

Jibe na, Atua jo bijauia kiano tomu nalo maka rivior napano nalo ga naruei aber ka naio monoka rivijauialo, a maka kar napano nalo amila vio ka ala tenalo napano p̃eli naio jaaro kalo kario, a naio bijauia tomu nalo jakii ga kiano tinieriiaiano ea nalo napano aju amijog bova.

1 Korin 12:6

a jidomiano novo telabo ka ala im̃auano aju, mia Atua naio takurano jo mila abavavin ea kito nonovio.

1 Korin 15:10

Mia Atua be tiniememi toru ban kiniou, bitirilar kiniou ea vio nei napano nojoaio vonganei, a naio be tiniememi ka kiniou jibe na bior titai, bior napano nela kiano im̃auano telabo na tortoru. Ee, p̃eli nemijikia never ka nemila im̃auano nalo jovulu nalo dolu nonovio, mia maka kiniou napano nomim̃au, mia Atua kiano tiniememiano nei naruei napano joa kiniou, naio naruei mila im̃auano jel ea kiaku meuliano.

2 Korin 3:5

Verver kumemi ga, mia maka nuvijikia nuver ka nubare ka nuvila vite tai, bior napano vite nonovio na numilaio, Atua ga mila na nubare ka nuvilaio.

Eveso 1:11

Vite nalo nonovio monoka amalmaluvo rimemedu ga ka na Atua naio jidomkakar ka rilaio. Mia jakii kiano jidomiano nei nanua beamu, naio berkar berinavo kumemi kulo Israel ka kumemi nuve kiano, ka kumemi nuve takurano kumemi liko Kristo.

Eveso 1:5

Beamu laka, bior kiano burum̃ara tinietiiano, ana Atua naio midu kito roju kanio mia naio riviobulag kito rove kenerinio nalo ea Yesu Kristo. Vite na, Atua naio mila memedu ka nana naio mialio ber bo ka mia naio rilaio, a naio jaaro toru bunu ka rilaio.

Eveso 1:9

ana naio jaaro ka rijamo ka kito rejikia kiano jidomiano tai napano beamu naio be navigivaniano tai ka kito. Naio mila jidomiano nene binimei meravo batitig bo ka kito, a kiano jidomiano ka rim̃auka vite novo nalo ve telabo ea Kristo ga.

Eveso 2:8

Atua naio milarur kamiu ea ga kiano tiniememiano, bior kamiu kubarkar tiniemiu ea naio. Vite na maka rimaluvo ea kenemiu im̃auano novo tai, makanio, mia Atua ga naio jian kurano ka ga ban kamiu.

2Tesa 1:11

Kumemi numitu numisidomii saba nalo na banbano-o, ana mila numisikili vatitigio bo ka nubolkouo bogo nonovio bior kamiu. Numitu nubika den kiado Atua ka riijaja kamiu, kubare ka meuliano lu nei napano naio bio kamiu kanio. Nubolkouo ka kenemiu verkariano novo nalo napano kumitu kumisidomii ka kuvitakiio, bija im̃auano nalo na bo napano kenemiu viekouoiano mijikia rila, mia Atua rim̃au ea kiano sikiliano ka mia monoka avar m̃arati.

2 Timoti 1:9

Atua, naio milarur kitojuo ruei, a bio kitojuo ka reiel ea kiano m̃arabo na meuliano lu, mia bogo nonovio naio mijikia rijai kito. Nina maka bior ka kitojuo romim̃au kiano bo p̃eli kitojuo romila venia, mia naio mila miyotuba ea kiano jidomiano bija kiano tiniememiano novo ban kito. Kiano tiniememiano na, naio mila vatitigio jo bija Kristo Yesu beamu ruei, nua ea bogo na tikariano na kito tomu nalo na yetemeriba.

Abe Kulo Ju 13:21

Ana kiniou nabarkar tinieku ea naio ka mia naio sian vite novnovo nalo riviniu napano kamiu kuvisidom ka kuvila kanano im̃auano ea yetemeriba nei tibe ka na naio jidomio. Naio jo mim̃au ea kanado meuliano nalo beve terakurano ea ga Yesu Kristo, ana naio jo mim̃auka batitig kanado bajago binimei jibe ka na naio jaaro kanio, ana mia kito reiaia naio ve toru laka riviorio, rivanvano-o na mia rijikia re ribisi, Mm.

1 Pitere 1:3

Bo ka kito rosidomii jum̃abe ka napano Atua na Yesu Kristo kiado Tubo karam̃ano, naio mila bo laka ban kito. Kito romiaia naio toru laka, bior napano naio tinien miia kito, mila kito romoluo rebe terivou bereio jouro ea kiano m̃aratavo. Naruei jibe ka napano naio mila kenerinio Yesu Kristo naio meul bereio den nam̃ariano, romijikia rejikia vatitig ka vite napano naio jukamu kean kito, maka bunu rive nam̃ariano, mia naio be nameuliano napano maka ribisi bogo tai.