Vilip 1:28 - Verikariano Vou Na Baki

²⁸ Mia kamiu kumerou re, tiniemiu ribobogia venia na vede mia uolu nalo ala van kamiu. Ver nojog ka na kamiu kumitu kumila jibe na, mia rivu mia rivu, bior ka mia naio be kijokijo na Atua rivan uolu nalo ka riuedomlo, a ve kijokijo na Atua rivan kamiu ka mia naio rilarur kamiu.

Vilip 1:28 ပူးပေါင်းရင်းမြစ်များ

Mataiu 10:28

“Kamiu kumerou re ka nalo na amijikia auetam̃aria mokotenemiu, bior napano nalo maka ajikia auetam̃aria niunumiu, mia monokanio kamiu kumerou ka ga Atua, napano naio mijikia rila lelan mokotenemiu vija niunumiu ea vio na jogvaiano.

Yesu Kristo Kiano Ioluano Vou Napano MAK Bivitauiaio 3:3

Mia Yesu naio mil ban kema neibano, berinavo “Jau kotumolu, komei mave nei beamu vo.”

Luka 3:6

tibe na, ana mia taara nonovio na tomu nalo aial kialo Ioruriano napano Atua riila riel ea m̃arabo nei riyotuba kalo.” Aisaia 40:3-5

Jone 16:8

A Niununo na, bogo na naio rimei, mia naio rila im̃auano ea yetemeriba nei, rila kiano tomu nalo ka asidomlubar jidomiano na tortoru tealo, tai ea tivelinio na kialo kariano nalo, tai ea tivelinio na kanaku memeduano nalo, a tai ea tivelinio na Atua kiano tibureiano vanlo.

Im̃auano 28:28

Mo vonganei, neberii ka kamiu, neberinavo kamiu monoka kuvijikia ka Atua kanano Ioruriano naio jo miadu ba tavio ba bokar ruei nalo napano maka ave kulo Ju, nalo naruei ajum̃a amijogio a mia nalo nene naruei ajogkario.” Naruei bogo napano Pol berial kiano iliano na maaro nei banlo bisi, ana na nalo ajumormolu abava tavio, napano mia nalo aju tiniel jer tanealo kar iliano nei.

Romo 8:17

Vonganei kar napano robe Atua kenerinio jibe na, ilivuiano novo nalo napano Atua bar ju rorea kenerinio memedu nei Kristo, mia kito kenerinio dolu nalo bunu, mia kito ravar rotiburevure vija naio. Be riano ka mia monoka ravar bunu jogvaiano tibe napano naio bario, a ver rasaaro ga, mia Atua rila rivu van kito ve verare ka naio mila bo ban Kristo.

1Tesa 2:2

Beamu laka, bogo na numitu numim̃au Vilipai, nalo aju amil bova jibe na ka kumemi ruei, aju amila bulag laka kumemi, a jibe na kumijikia ruei, bogo na numiyotuba ea kamiu, nalo amil ea kumemi laka bereio bunu. A numial ka Atua naio jo mija kumemi, naruei maka bunu numerou ka vovaiano, numim̃au dolu ka ga ka nuverial kiano lilianiano vou nei van kamiu.

Abe Kulo Ju 13:6

Ana bogo na m̃a tiniedo maio ka nina, naio mije moroano ban kito bereio, ka romijikia roverial iliano na niosi na Iouano, na binimei be kiado iliano, roberinavo “Toro na miija batitig kiniou naio be Atua sop̃i ga naruei, mia kiniou nomerou re bunu, toro dolu naio mijikia rila venia na vova van kiniou bereio?” Iouano 118:6

Navisip̃eiano 2:10

“ ‘ “Mia be riano, p̃eli mia vesiou re kamiu tealo monoka avar burum̃ara jogvaiano nalo rivior napano kumonea kiniou, mia kumerou re. P̃eli Sim̃aro naio mijikia rila ka mia avuku kam tealo avan ea nalakoiano, ka naio to rila vonvon kamiu, mia nemijikia never ka mia naio rijikia rila lelan kamiu ea jogvaiano nalo riva rivokar legiano ve duelimo ga. Ver tibe na, monoka kuvitu sikili riva rivokar bogo na mia adular kenemiu jegi, mia ver kuvijoru re ea bogo na, mia bogo na koviyotuba kean kiniou, mia nesian burum̃ara ijaiano van kamiu, nina be batubatu niogo na meuliano.