Romo 5:6 - Verikariano Vou Na Baki

⁶ Romijikia ka Atua naio tinien jii kito laka jibe na naruei bior napano nua, romijoru ea p̃ili tai napano maka rejikia rala titai bereio ka rijai kito, mia memedu ka kiano bogo napano naio bijauialario, naio miila Kristo binimei m̃aro kar kito tomu va nalo.

Romo 5:6 ပူးပေါင်းရင်းမြစ်များ

Romo 5:8

Atua kiano tinietiiano toru laka jibe na naruei, kar bogo napano kito tomu na kariano nalo roju parido jikili kia ga, Kristo binimei m̃aro kar kito.

Kolosia 2:13

Ana kamiu na, beamu Atua naio mial kamiu jibe ka kenemiu kariano nalo amila kamiu kum̃aro ruei. Maka kamiu kuve pakuveu tavukia kulo Ju nalo, mia Atua mial kamiu jibe ka kenemiu meuliano maka rive pakuveu bunu, jibe ka napano kenemiu meuliano maka rijulukon vatitigio vo, a bajago va nalo aju kiano ea kamiu vo. Mia vonganei, napano kamiu kumijuru kamiu bija Kristo, Atua jian meuliano vou ban kamiu ruei. Kito robokar meuliano vou nei bior Atua biekokoa nono kito bior kiado kariano nalo,

Romo 5:10

Nua, bogo napano kito robe Atua kiano uolu kia ga, kenerinio kiano m̃ariano mila kiado merevuiano bija naio, a vonganei, kar napano romila bilbilu bo bija Atua ruei, mia kenerinio kiano meuliano mila kito bunu romeul to to dam̃ariga.

Taitas 2:12

Naruei kito napano robakario, robitilubario napano Atua jo berloglog kito ka kiado meuliano, ka monoka rotuvan bajago va na tomu napano maka ajikia naio, a monoka rovilig taakado ka sidom vovaiano nalo na yetemeriba nei. Yetemeriba nei naruei naio be vio napano romeul rojuaio, a kiado meuliano monoka melumu rivu, monoka memedu, monoka rivare ka Atua kiano tomu nalo.

Romo 4:5

A tivelinio ka toro rimei rimemedu ea Atua mirano, naio maka ve titai tibe veru napano romijikia roim̃aukanio, napano romijikia rovar tibe titai napano kito ga romijevio be kiado. Kito, kiado im̃auano nalo abova ga, tenena monoka ravalea Atua, napano naio ga mijikia rivar bulag vovaiano ea kiado meuliano. Verver ga ravalea naio, mia naio rila kito romemedu ea mirano.

Abe Kulo Ju 9:26

Ver Yesu monoka tom̃a rila kiano jokoluolu tulaka rivior kariano nalo na m̃a tomu nalo ajumon ka m̃a amilaio, nina jibe ka ber jikar ea tikariano na yetemeriba binimei bokar vonganei, naio jo jaklele ea m̃akolkolo ga, naio mijog bova ka napano kiano burukija jom̃a miou bogo nonovio ga. Mia ea tiiano na Atua bitirilar naio maka tibe na. Naio mial jukuti na bogo nei rojua voniganei naio binimei lilie vaataro, ana na mila napano Yesu binimei miyotuba ka kito maka vesiou. Naio maluvo ka kito naruei naio mila jokoluolu ka nono kiano meuliano, mijil lar bajago na kariano.

Kalesia 4:4

Mia binimei bokar bogo nene memedu, Atua miila kenerinio binimei, napano tira tai bario, naio moluo ea vio yetemeriba nei, a napano naio moluo yetano ka kulo Ju nalo kialo tuboiano.

1 Timoti 1:9

Kito monoka rejikia ka tuboiano, maka avitirilar ka rijai tomu nalo napano amemedu ruei, mia ka rila kulo dolu nalo amemedu, tibe ka nalo nam̃a amila korovio, bija nalo napano maka asidom aiagago kanio. Nalo na be nalo napano maka tiniel tii Atua, napano amila vite nalo napano naio maka sidomio, napano ajidom be iakurano ea vite lu nalo, napano pariparilo kirisikili ga, a napano amuebinvin karam̃alo bija kenielo, p̃eli na amuebinvin tomu dolu nalo.

1Tesa 5:9

Nina maka rivu ka kiado jidomiano veve juo ka mia Atua rilarur kito, p̃eli mia rilarur re kito, bior ka maka kiano jidomiano ka kiano moneano nalo mia avokar vironiano, a naio bijauia kito ruei ka rovokar ioruriano napano Tubo Yesu Kristo naio jovulu be kiado.

1 Pitere 1:20

Atua naio bijauia Yesu ka rijai kito tibena nanua beamu ruei. Beamu ka bogo na naio jii yetemeriba, mia naio bokar kenerinio nei bija naio jibe na ba tinien miia kito laka, naruei naio miila naio miyotuba vonganei ga ea legiano nalo na maariano nei.

M̃esi Napano JUT Bivitauiaio 1:4

Ana vite na m̃a nomijog, namial jibe ka tomu nalo na m̃a abinimei ajusol ka kamiu, nalo amijejebukua kiado moneano ruei. Nalo na, maka amemedu ka atusol kamiu, abinimei bena ga, maka asel ea morouo, mia vonganei aju bija kamiu ruei. Nalo na abe uolu na kanado lotuano, nalo maka asidom Yesu Kristo napano naio takurano be toro na toru, a naio be kanado Tubo. Atua berenio berinavo, ea kanano tiniememiano, naio jaaro ka riviekokoa kito ka kanado kariano nalo, mia nalo nei abilig kiano iliano bereio, aju aberinavo ver tibe na, amijikia ala kariano venia napano ajidom, naio maka ve titai na, mia Atua riviekokoa nalo ga na. Iliano na kiriniagiago laka, mia nalo na m̃a ajum̃a aberenio, Iliano Lu berkar kanalo vironiano beamu ruei.

M̃esi Napano JUT Bivitauiaio 1:15

ka atibure kulo va nalo na amila kariano napano maka amonmonea naio. Mia sian vironiano vanlo rivior im̃auano va nalo na kanalo veribinio, a bior kanalo ilisiniabu va napano abuku ea mirano.”

2 Pitere 3:7

A kanano iliano nene naio jo mim̃au vonganei kiana, naio jo bokar vatitig vio tiniabene a borotano na yetemeriba, ka atu rivan riva vokar bogo na sebi na toru ea legiano na tibureiano mia naio rimei ka sisen bulag meuliano na tomu nalo na m̃a maka asidom Atua ea kanalo meuliano. Nina naruei be moroano na Atua kanano iliano, mia tomu nalo nei maka asidom ajikia.

Romo 11:26

Maka tibe na, a mia naio rilarurlo kean navo, tibe iliano tai ea Vivitauiano Lu, napano beriio jibe nei, ber “Toro na rilarur kito Atua kiano tomu nalo, mia riyotuba ea kiado vio ga, ea kiado komeli na toru Yerusalemo mave ea burusuku nei Saion. Kito Yakovo kiano yati, kito kulo Ju napano kiado vovaiano nalo telabo laka, a naio naruei mia rimei rivar bulagio nonov kiado vironiano, rila kito rovu bereio.” Aisaia 59:20,21

M̃esi Napano JUT Bivitauiaio 1:18

Nalo ajum̃a aber ka kito aberinavo “Ea bogo na maaro, mia tomu nalo ayotel rivova ea im̃auano na Tubo kanano rivija kanano tomu nalo. Mia ala pariparilo, mia ala ga venia napano kanalo sidomiano va nalo ajidom.”

Romo 5:7

Ea kito, maka roial m̃elea napano toro tai mijikia rijamo ka kiano meuliano ka rilarur toro dolu kiano meuliano, p̃eli bogo terakurano ga toro tai mijikia rijamo ka kiano meuliano ka rilarur toro tai napano aberiam̃a naio bo laka, mia tena naruei Yesu mila ka kito nonovio napano kito tomu va nalo ga.

Romo 8:32

Kito romial ka Atua tinien jii laka ka kito banbano-o mijamo ka auebin kenerinio memedu kar kito, ana ver jaaro ka rila burum̃ara tonovo nei ban kito jibe nei, mia jaaro bunu ka sian tenalo dolu novnovo nalo rivan kito.

Romo 8:34

ana kei bereio mia river ka kito monoka ravar vironiano kar kiado kariano nalo? Maka toro tai, kar napano Naverikariano Yesu mila vite nonovio nalo ruei. Naio m̃aro kar kito, iorou meul bereio den nam̃ariano, karina bano bereio jotano ea kiano vio lu mave bija Atua, a vonganei jo berial kito ban Atua ka Atua naio viekokoa kito.

Kalesia 2:20

A vonganei, maka bunu ve kiniou napano nojo nemeul, mia Kristo naio jo meul ea kiniou, mia kanaku meuliano na vonganei, naio moluo bior napano nomonea Atua Kenerinio, napano naio tinien miia kiniou toru laka, naio mijamo ka kiano meuliano, naio m̃aro kar kiniou.

Eveso 5:2

Monoka kuviel ea jidomiano, tibe ka napano Kristo naio jidom kamiu, ana naio mijamo ka kiano meuliano kar kamiu, jibe ka bonotanunu novo tai ban Atua, a sida tai napano Atua naio jaaro kanio.

Abe Kulo Ju 8:3

Mia parinio kulo lu dolu nalo nei, kialo im̃auano nalo, napano dam̃ariga abitiribulaglo ana m̃a ajum̃a ajian ijaiano ban Atua, a napano m̃a amila sida banio, mia bo ka rovika rover kiado toro lu nei, p̃eli naio bunu midu ijaiano ban Atua, mila sida kanio?