Romo 2:10 - Verikariano Vou Na Baki

¹⁰ Ana nalo napano kialo meuliano bo, mia avokar Atua kiano ilivuiano novnovo nalo, sialo nalo mia atu rivu vijaio, kiano tum̃aro to vijalo. A nina bunu tikar ea nalo napano abe Ju, ba bokar tomu nalo na maka ave Ju,

Romo 2:10 ပူးပေါင်းရင်းမြစ်များ

1 Pitere 1:7

Juboluboiano nalo na, abinimei ga ka ala kenemiu viekouoiano atevijo kija, amei asikil lie. Nina naio jibe ka vite nalo tai javukia niogo, ka napano ver asidom rimei rimeravo rivu, monoka ajie ea sebi ka sisen bulag niamiamo napano joaio, p̃eli na rojie tilibuemia ka meravo a memedu, mia kito bunu rabare kanio. Juboluboiano nalo nei napano robokario, ajavukia sebi tai ka sisen kon kiado viekouoiano rimeravo rivu, a sikili rivu. Ver bogo napano Yesu Kristo riyotuba bereio, naio rial kiado viekouoiano rimeravo rivu tibe na, naruei mia kito nonovio romijikia rasasaaro-o mia, romijikia rovitii vatitig kito, rojog rivu laka.

Yemesi 3:13

Ver kamiu tealo napano nalo abe masou, a nalo amijikia batitig vite, bo ka mia nalo ala vite nei rimaluvo rimeravo rivu, tavukia kanalo meuliano, monoka naio rimemedu, kialo jidomiano, monoka naio totano, a kialo bajago monoka rimeruo rivu.

Romo 8:6

Sidomiano laka bajago va nalo na yetemeriba nei, naio be m̃arabo na m̃ariano, a sidomiano laka bajago novo nalo na Niununo, naio be m̃arabo na tum̃aro, be m̃arabo na meuliano.

Romo 2:7

Jibe na, tomu tealo, nalo ajurmaro ga, nalo aju ajudu bogo nonovio ka amila bajago na bo napano mijikia rila sialo rivu ea Atua mirano, a mijikia rilalo avokar mermerano na vio mave. Venia na mia Atua sian vanlo, naio be meuliano napano maka rijikia ribisi.

Luka 1:79

rimei rimererali kito napano m̃a rojua melijokouo, napano niununu nam̃ariano miununuko kito ruei, a mia rimei rimererali m̃arabo na tum̃aro ka rotum̃a reiel eaio.”

Yemesi 2:22

Kamiu kuvialio, ea vio nei romial ka Epraamo kanano viekouoi-ano, a kanano im̃auano nalo na m̃a mim̃aukanio, vite juo nei amim̃au biju vio takurano ga. Kanano im̃auano, mila ana kiano viekouoiano be riano mia be riano batitigio.

Kalesia 5:6

Bogo napano robinimei takurano kitoliko Kristo Yesu jibe na, bekurano ka toro be pakuveu, p̃eli maka rive pakuveu mia tena burutomoruo loa laka nina be kiado viekouoiano ea Kristo, napano viekouoiano nei naruei naio mila kito rojidom Atua a bija tomu dolu nalo bunu.

Romo 5:1

Bo ga, vonganei naio meravo bo ban kito ka tenalo napano mila kito romerevu bereio bija Atua, naio be kiado viekouoiano ea venia napano Yesu mila ka rijai kito. A bogo napano romijikia ka romerevu bija Atua jibe na, mila napano romial ka tum̃aro jo iviso ka kito bija naio,

Romo 2:9

Mia bogokouo bija jogvaiano rimei rivokar tomu nalo nonovio napano amila bova, jikar ea nalo napano Atua bijauia bulaglo beamu, nina Ju nalo, ba bokar tomu nalo na vio dolu napano maka ave Ju.

Jone 16:33

Kiniou neber jibe na ka kamiu ka kamiu niukniuku rivie re kamiu, a ka kamiu kuvijog re rivova. Kenemiu meuliano na yetemeriba nei mia rivujo ga ka bogokouo, mia kiniou nojovulu vovaiano na yetemeriba nei, naruei kenemiu meuliano na ea kiniou, mia kamiu kuvileal tum̃aro na bo tulaka.”

Vilip 4:7

Naruei ver kamiu kuvidu vite nonovio toa jum̃ano tibe na, mia kuvial ka na mia Atua rudu kanano tum̃aro loa kamiu, naio rijai kamiu. Kanano tum̃aro nene naio burutomoruo laka, mijikia rila rivu laka van kito tovulu venia nam̃a romijikia rosidomio, rivanvano-o rila napano mia rivokar vatitig kanado iviso p̃eli kiado jidomiano naio to sikili ea Tubo Yesu.

Kalesia 5:22

Naruei kurukuti napano Niununo Lu mila miluo ea toro kanano meuliano jibe nei: tinietiiano, nasaaroiano, tum̃aroano, jidomiano tebieviano, natinievuiano, nanovoiano, niabetitiano, navatoveiano, a natelan vuuiano.

Romo 15:13

Naruei nobolkouo bior kamiu bereio ban Atua, napano romijikia ravalea ea kanano verikariano nalo, nebika ka kamiu kuvitu kumonmonea naio rivanvano-o kanano saariano nalo a kanano tum̃aro rimei rivujo rivu ea kenemiu meuliano nalo, rila napano Niununo Lu kiano moroano mijikia rim̃au tanea kamiu ka rila ka kuvitu kuvalea kiano verikariano nalo, jo binimei toru lie riva rivan tibe na.

Romo 14:17

Ea vio na roberenio ka iliano nalo na tivelinio na ka mia romijikia romunu venia p̃eli rosen venia, p̃eli monoka roveli ka uei p̃eli sinaniano vabe, mia monoka tiniedo bobogia re ka nina maka ve tena toru tai joomo ea Atua kiano navenatuboiano na. Mia kiano tenalo na tortoru, naina rala bajago novo ea meuliano napano memedu, a rotua tum̃aro vija tomu dolu nalo, a rovakar jogvuiano napano Niununo Lu jo jianio.

Romo 9:23

A todolu napano naio jidom ka riverialio, naina kiano bajago novo nalo napano naio jidom rila ka kito napano naio be tiniesese ka kito. Nina jibe napano nua beamu ruei, naio mila vatitigio kiano ilivuiano novo nalo, a vonganei mim̃auka kito jibe basidobidobi na misonlo ban eaio.

Romo 9:21

Mia maka rijikia tibe na, bior naio napano mim̃auka baju na tano, joa naio ga ka rim̃auka takii kiano jidomiano. Ver naio ridu kulati tano tai, naio mijikia rim̃auka baju na tano ve juo kanio. Takurano, naio be baju novo na jokoluolu, a dolu, naio be baju na vonuo ga.

Im̃auano 10:35

Toro Israel, p̃eli na toro napano maka rimoluo ea bajulukuti nei, p̃eli na toro be bereio, mia avona naio tovon Atua, rila ga vite nalo napano Atua naio jidomio, mia Atua naio saaro ka naio.

Jone 12:26

Toro Ju p̃eli na toro Krik nam̃a ber jidom rim̃au kiaku, jidom riija kiniou, naio monoka takisor kiniou dam̃ariga. Mo ver naio to takisor kiniou tibe na, mia vio vabe nam̃a nava notoa, mia naio bunu mijikia rivija kiniou. Toro nam̃a be kiaku naim̃auano, mia Atua sian sio na bo van naio.”

Luka 22:14

Karina Yesu nalo abinimei mave ea vio nene, ana bogo na sinaniano, Yesu ba jotano ea vio na sinaniano, mia atevi nalo abinimei ajutano naliko.

Luka 19:42

Mila jibe na ana naio mil ban memedu, berinavo “Kiniou nomijog bova toru kaso. Ver jau kovitilubar ga venia miyotuba ea kiamo vio banei nei! Atua jo mila kiamo m̃arabo novo tai ka kojev tum̃aro eaio, mia jau maka kovitilubario.

Luka 12:37

Mia burum̃ara ilivuiano van tomu nalo nam̃a amim̃au jibe na, ka bogo napano kialo toro na toru boru keanlo, mia nalo aju rorea ruei, nalo ajevijo aju. Mia kialo toro na toru naio saaro ve toru kalo, ana na mia naio riva riija naio, karina mia rimei mia amiilo ka naio riviolo ka amei atutano ea kiano vio na sinaniano, naio biovio ka sinaniano novo tai banlo.

Luka 9:48

ana naio ber kalo, berinavo “Toro napano kiano jidomiano batove ka kiniou, mo naio saaro ka rijev kiritete nei, nina javukia ga napano naio jaaro ka rijev kiniou. A toro nam̃a jaaro ka kiniou, jibe ka napano naio jaaro ka nana miila kiniou nebinimei. Nina bior nana ka kamiu napano kiano jidomiano rivatove laka, naio naruei napano mia naio loa laka ka kam nonovio.”

Mataiu 10:13

Avena verenio m̃aratavo nei avijuku rivu ka kamiu, mia kenemiu tum̃aro napano kamiu kuber kanio mia naio to vijalo, mia ver avijuku rivu re van kamiu, mia tum̃aro nei rimei bereio vija kamiu.

1 Pitere 5:4

Ver kamiu kuvim̃au rivu tibe na rivano, mia parinio toro na bitikar Atua kanano nunu nalo mia naio saaro rivior kamiu. Bogo na mia naio riyotuba bereio, mia naio rivitiri bulag kamiu tibe ka kiano parinio tubo nalo, mia naio riyovovua vatitig kamiu napano mia kiano burum̃ara miamoiano na kiano mermerano mermeralii kamiu napano maka rijikia rivatove bogo tai.

Jone 14:27

Kiniou mia navano, mia notuvan tum̃aro to vija kamiu. Kanaku tum̃aro naio be tum̃aro na bo tai napano yetemeriba nei naio maka rijikia rije van kamiu. Tibe na, kamiu kuvila re ka mia tiniemiu rivujo m̃ele, a kamiu kumerou ka re vite nalo. Kamiu kuvisidomi m̃ele re,

1 Timoti 1:17

Nojidomial kanano bajago novo nei mila nemiaia naio, neberinavo naio be parinio Tubo ka bogo nalo re nua, a naio meul jobo jo. Naio joa vio nonovio mia toro maka rijikia rialio, naio takurano ga be Atua a maka dolu tai bereio. Tibe na, bo ka ravatove ka naio, rodular siano rivano-o rijikia re ribisi bogo tai, mm.

Abe Kulo Ju 2:7

Beamu, jau komidu naio jotano ka nailiano nalo, mia nina naio be tena bogo bulati ga, mia voniganei, jau kobitirilar naio bereio ruei, jau komidu naio joa vio na loa laka tai mave bija kiano burum̃ara mermerano a kiano m̃arouano,