Romo 13:4 - Verikariano Vou Na Baki

⁴ Atua midu bulaglo ajibe kiano tomu na im̃auano nalo, ka ala im̃auano novo ka avitikar tomu nalo, a ver jau kojidom kola pariparimo, monoka kovitikar vatitigio, bior napano aju abar nia bunu, a maka atu avar kurano. Atua bitiri bulaglo, midu joa jum̃alo ka asian vironiano van nalo napano amila bova.

Romo 13:4 ပူးပေါင်းရင်းမြစ်များ

Romo 12:19

Bilbilu nalo, tinieku jii kamiu laka, naruei nojo neber tenalo nei ban kamiu. Tealo lie ajibe nei, berinavo ver tomu tealo ala rivova ka kamiu, kuvila vonio re ka kuvije vironiano vanlo. Kumijikia kuvituvan rivan Atua ka naio tiburelo iorou, bior napano iliano tai joa Vivitauiano Lu ruei, napano Atua berenio ber “Kiniou naruei mia nesian vironiano van tomu nalo, kiniou naruei mia nodu kean van nalo napano amila bova.” Tiut 32:35

1Tesa 4:6

Verenio tomu nalo na aju amila bajago na bo laka bogo nonovio ea vio nei, mia bo laka, ka mia nalo maka avina ala bulag re saba novo na kurualo kialo. Kamiu monoka kuvitilubar vio na, ka Atua jo midu vironiano bogo nonovio ban tomu nalo na amijoru ea kariano kinkin nalo jibe nei, jibe na nuberial ban kamiu bija iliano tiniemaiano na jikili ruei.

Romo 13:6

Jakii iliano nalo nei, memedu ka rosaaro ka rovulu takis napano monoka rosian van parinio tubo, bior ka bogo napano parinio tubo mila ka kiano im̃auano, jo mila im̃auano napano Atua jian banio ka rim̃aukanio.

1 Pitere 2:14

p̃eli na parinio tubo nalo, mia kito monoka rovitilubarlo ka Atua naruei naio mije monea jum̃alo ka atibure tomu nalo, ka asian vironiano van na m̃a mila maka rimemedu, a ka aiaia na m̃a mim̃au bo.