Romo 11:7 - Verikariano Vou Na Baki

⁷ Kito romijikia ka kito kulo Ju nalo, robiniu roju rojirag kiado m̃arabo ka romei rimemedu vija Atua, a kito telisu ga romialio. Ana ver tibe na, mia tum̃abe ka nalo dolu na? Nina berenio ka nalo miroano napano nalo pariparilo jikili laka, ana nalo maka aial m̃arabo nene vo.

Romo 11:7 ပူးပေါင်းရင်းမြစ်များ

2 Korin 4:4

Ea tivelinio na nalo napano maka amonea vo, tubo va na yetemeriba nei naio jetavoko kialo jidomiano ruei, naio milalo jibe abe merebono, bior napano naio maka sidom ka avitii burum̃ara miamoiano na Kristo kiano Ioluano Vou. Kristo nene kiano mermerano merera laka, bior napano naio bar mirano Atua ga memedu.

Romo 9:18

Jibe na, kito romial napano toro napano Atua jidom tinien sesei ka naio, mia monoka tibe na, mia ver toro tai napano jibe Vero nei napano Atua jidom rila kiano jidomiano sikili, mia tibe na bunu.

Romo 11:25

Bilbilu nalo, kiniou nojidom neverial van kamiu napano maka kuve Ju nalo, ka monoka kuvitilubar ka Atua maka rivukular kiano tomu nalo nei kulo Ju. Be riano ka nalo aju pariparilo jikili keano a maka asidom amonmonea, ana naio juvanlo kija ga beamu, a jo mila ka kamiu napano maka kuve Ju nalo kumijikia kumonmonea, kumijikia kumei ve miroano joomo riva vokar bagaro na toru napano Atua jidomio. Vite na jibe vite luku tai napano tomu nalo maka ajikiaio beamu, a vonganei Atua mila meravo. Mia kamiu monoka kuvijikia vite nei, bior bova ka kamiu kuvarvar ka kamiu kuveriam̃a Atua jidom kamiu ga, naio maka bunu saaro ka Ju nalo.

Romo 11:5

A vonganei, ea kiado bogo, be verare ga jibe na ga. Tomu telabo maka amonea, a kito naruei roju, kito robe bagaro telisu tai na Ju nalo, napano Atua be tiniememi ka kito, bijauia bulag kito, ana kito romonea naio.

Eveso 1:4

Nina jibe bogo na vio yetano nei naio makanio vo, ana Atua naio berko kito ruei kan romei rove takurano kiteaku Kristo, ka rove kanano, a kan kiado meuliano naio rimeravo rivu ea mirano, napano mia maka niamiamo tai toaio.

2 Korin 3:14

Ea bogo na, makalele aial miamoiano nene, bior napano pariparilo kirisikili laka, mia romial bokar banei, ajibe na kia bunu. Nalo aju abuluku iliano nalo na niosi moruo napano aju, mia jibe napano kulum̃arauo nene jo keano, jo joko kialo jidomiano. Mia ver amonea Kristo ga, mia naio mijikia ridular kulum̃arauo nene ka ajikia avitilubar kiano miamoiano vou.

Romo 9:23

A todolu napano naio jidom ka riverialio, naina kiano bajago novo nalo napano naio jidom rila ka kito napano naio be tiniesese ka kito. Nina jibe napano nua beamu ruei, naio mila vatitigio kiano ilivuiano novo nalo, a vonganei mim̃auka kito jibe basidobidobi na misonlo ban eaio.

Vilip 1:18

Mia kei naio mijikia, vede naina maka ve vite tai. Vede kanalo jidomiano na bo ga p̃eli nana bova, p̃eli na abe riano, p̃eli na amila sibi, mia vite na toru, Kristo siano naio monoka riva rivatavio lie vo dam̃ariga.

1 Korin 10:19

Bo ga, iliano nalo na berenio venia? Nojo neberii tavoru nalo bija sida nalo nei, mia maka neverenio ea kiaku jidomiano ka vite nalo nei abe riano, p̃eli abo.

Romo 10:3

Nina bior napano nalo aju ajakii kialo jidomiano ga, a nalo maka asidom atakii m̃arabo napano Atua mim̃aukanio ka toro rijikia rimei rimemedu ea mirano bereio.

Romo 6:15

Neber vonga ruei ka kito maka rotu yetano ka tuboiano napano Atua jian ban Mosis kar rojev ioruriano eaio, mia nomerou ka p̃eli tomu nalo tealo adu kiaku iliano nei riva rivova. P̃eli ajidomiio aberiam̃a, O, Pol jo ber ka kito maka rotu yetano ka tuboiano, mia vonganei romijikia rala venia na bova napano rojidom rola, naina bo ga na, mia Atua tinien tii kito viekokoa kito. Mia makanio, maka never tibe na leleio.

Romo 3:9

Kiniou nejidom navan bere ea tena roju roberiio, na rober toro na bar sio na Ju, mia tum̃abe ka naio? P̃eli tomu tealo be kialo vikadeniano ka mia bo lie ka naio jovulu toro napano maka rivar sio na jibe na, p̃eli makanio? Bo ga, kiaku verdop̃eiano, neber maka tibe na. Jibe ka napano neber ruei, kulo Ju nalo bija kulo Kiriki, abiniu aju yetano ka moroano na kariano bare ga.

Jone 12:40

“Atua jidel kalo banbano-o mia deio ga, ana naio mila miralo nalo abe merebono, naio mila kialo iviso nalo abinimei jikili laka. Mia miralo nalo ajikia re bunu aial vite, ana kialo iviso maka ajikia ajoglubarbar vite. Ver p̃eli, mia aviliglo amei bere ea kiniou ruei, ka mia kiniou neielielilo.” Aisaia 6:10

Luka 13:24

Naruei Yesu berdop̃elo, berinavo “Kamiu monoka kuvilavio sikili ka mia kuva joomo ea bulutavo dolu na, napano na teliki ga. Kiniou neber riano ka kamiu, ka mia tomu ve telabo asidom ava joomo, mia maka ajikia alaio.

1 Pitere 1:2

Kamiu kumijog bova biorio, mia nojidom neverial van kamiu, ka karam̃ado Atua naio mijikia m̃arabo nonovio na kenemiu meuliano na beamu beamu ruei. Naio bijauia bulag kamiu beamu ruei, naruei Niununo naio mim̃au ea kamiu, mia kuvijogkar Yesu Kristo kuvidu naio ea kenemiu iviso, kiano burukija jekon kamiu kumeravo, a naruei kubinimei kube kanano kulo lu nalo tai. Kanaku volkouano ka mia naio rudu tiniememiano a tum̃aroano na kanano atu ajai kamiu ve toru lie dam̃ariga.

Abe Kulo Ju 12:17

Ana jibe ka kito romijikia ruei, ka iorou kanio ana Isau naio berenio mia rivar bereio kiano jajum̃ano nene, mia aberbureio ga, bior ka naio p̃iliṽililario ka ruei. Mia naio mijog bova o-o jidom riviligio, jegi mia kiride ga. Naio jidomii bereio, ber ver naio rila re ga, ana bo, mia voniganei bano bisi.

Yesu Kristo Kiano Ioluano Vou Napano MAK Bivitauiaio 6:52

Nalo amiilo jibe na bior kialo jidomiano nalo kirisikili laka kia ga vo, maka atu avitilubar vite nalo napano Yesu mijikia rila ea kiano moroano, jibeka vaio napano naio mim̃auka bija joko jimo tereteliki neibano.

Eveso 4:18

a joa melijokouo ga. Tenene na, nalo aju koalabo laka den meuliano napano Atua naio jianio, bior pariparilo kirisikili laka, jibe kanio puruveru, maka ajikia ajoglubar vite.