Navisip̃eiano 9:21 - Verikariano Vou Na Baki

²¹ A bija nina, maka aviliglo leleio ka kialo bajago na m̃a amuebinvin toro, p̃eli semei nalo, p̃eli amijuku bova ka tira, p̃eli kialo vinauano nalo, na m̃a aju amila.

Navisip̃eiano 9:21 ပူးပေါင်းရင်းမြစ်များ

Navisip̃eiano 21:8

Mia tomu na vovaiano nalo, nalo bunu mia avokar kialo jajum̃ano tai. Nina be tomu nalo na m̃a maka atu sikili ea kiniou, napano maka amonea, napano kialo bajago naio kirivova laka, amuebinvin tomu, abijuku bova ka tira p̃eli sum̃ano, abar semei, amilotu ka tavoru, a abe tomu na sibiano. Nalo nei naruei mia ava avokar m̃ariano juo nene, nina ea kialo vio nene rimemedu ea bulukusebi napano bonoti kirivova, a naio maka rijikia ribisi.”

Navisip̃eiano 22:15

Mia kulo dolu nalo miroano maka ajikia amei jouro. Nina nalo napano ajum̃a amiel janea ga vio jibe ka kuli nalo, bija nalo napano m̃a abar semei, nalo napano m̃a amila siakiano a siakaiano, nalo napano m̃a amuebinvin kulorinio, nalo napano m̃a amilotu ka tavoru nalo, a nalo napano m̃a tinielo jii ka ala bajago na sibiano.

Navisip̃eiano 17:5

Karina abivitauia iliano tai joa mameriniano, naio be ililuklukuano tai. Iliano nei naio javukia sio tai, napano ber jibe nei, berinavo “Bapilon napano burutomoruo, be kenieno tira nalo na m̃arabo, be burupati bajago na niamiamo na yetemeriba.”

2 Korin 12:21

A nomerou laka bunu ka bogo napano noviedu bereio ea kamiu na mia nomial napano kiaku im̃auano nalo ea kamiu ajibirbil vatitig garuei. Ver tibe na, mia rila noimou laka ea Atua, rila kiniou nojog ka naio burudobi kiniou toru ea miremiu. Mia nomial ka mia monoka tibe na ga, bior napano burum̃ara kariano napano kamiu tealo aju amilaio, naio be bajago va tai na siakaiano napano amila korov tuboiano na Atua midu jo ka toro a tira monoka atakiio, a nalo maka aviliglo kanio leleio, a kuvitu kuvituvanlo ga ka nalo atu alaio rivano.

Navisip̃eiano 18:3

Naio ba midu atua nalo napano maka ave riano, a naio buru tomu dolu nalo abe vovu bija naio, ajibe ka tomu nalo na m̃a pariparilo jeliviv ka uei. Jibe ka napano naio buru parinio tubo na buruvenuo dolu nalo, aba amila siakaiano bija naio, a tomu nalo napano m̃a amim̃au bior veru jeliviv ea yetemeriba, amijev veru va miroano ea m̃asautogo va na bulukomeli nei, banbano na abinimei abe sanibaiano laka.”

Navisip̃eiano 16:6

Be riano ka tomu nalo na yetemeriba, amuebinvin kanamo kulo lu nalo, amila burukija na kanamo naverialiano nalo amiou, ana jau kojom̃a komila meran banlo memedu ga, napano m̃alo uei nalo abe burukija ga.”

Navisip̃eiano 14:8

Ana iorou ka nina, nailiano juo nene tai naio jakisor binimei napano jom̃a bio jibe nei, berinavo “Komeli kirivova na toru nei Bapilon naio mijoru ruei! Naio ba midu atua na maka rive riano, ana buru tomu dolu miroano amiavovu bija naio, nalo ajavukia tomu nalo na m̃a parilo jeliviv ga. Mia vonganei, burum̃ara komeli nei naio binimei bova ruei bija kanano tavoru nalo.”

Kalesia 5:20

bija volkouano na tavoru, a bija navarsemeiano. Bereio, be navilviliano, tukurukuano, jokuano, tiniemimiano, buruvitiano, vuru vurevureiano, ilidieiano kean tomu nalo,

Mataiu 15:19

Mia nina bior kiano jidomiano va nalo amoluo ea tiniene toro, jibe ka amila bin toro, amila siakaiano, a m̃eaku naljuo niatira amila siakiano, a vinauano, a ilisibiano, a ilivovaiano.

Navisip̃eiano 19:2

Kiano tibureiano biniu abe riano a amemedu laka. Burum̃ara kenieno tira va na tire nalo na m̃arabo nei, kiano siakiano nalo amila yetemeriba binimei miagiago laka, ana vonganei Atua jibure naio biorio ruei. Naio jian burum̃ara vironiano tai banio bior burukija na kanano tomu na im̃auano nalo napano mieraro.”

Navisip̃eiano 13:15

Ana amim̃aukanio bisi, ana amidu moroano ban temeul juo nene ka naio rila tavoru nei mijikia rivuru jegi, a mijikia ril, a amije moroano ban naio ka rijikia ruetam̃aria toro kei napano naio maka saaro ka rivatove ka rilotu ka tavoru nei.

Navisip̃eiano 13:13

Ana juo nene naio jo mim̃auka jameri-jiano na tortoru bija vite na iloiano nalo, banbano-o naio mim̃auka tai napano mila sebi jaluvo ea vio mave binimei yetano ea yetemeriba ea tomu nalo miralo napano aju abitiio.

Navisip̃eiano 13:7

Sikiliano na amije ban naio bare ka naio rila sebi rivan ea namoneano lu nalo, riva rijikia tovulu lo, a moroano na m̃a naio jo miduio, bare ka naio rije tuboiano ea taara ninio nalo, tomu nalo, iliano nalo, vija uleule nalo.

Navisip̃eiano 9:20

Jogvaiano nalo nei ajikili laka jibe na, mia tomu nalo togio toru, nina nalo napano m̃a ameul kiano vo, maka asidomialio. Maka lele aviliglo ka kialo im̃auano va nalo napano jum̃alo ga jo mim̃aukanio, mia aju ajidel dolu ga ka amilotu ka sim̃aro nalo, a ajum̃a abolkouo ka tavoru nalo na kanalo atua nalo, napano maka ajikia asirarago, napano maka ajikia ajoglubar vite, napano maka ajikia aiel, napano toro ga mim̃au kalo ea niogo p̃eli ea veru na miuvu p̃eli ea butoto p̃eli ea puruveru p̃eli ea iesi.

Navisip̃eiano 17:4

Ana tira nene, naio miovovu bo laka, ea kulum̃arauo nalo na be si a abilvili, mia naio jelan ea niabene nonovio ka yomu, a p̃ejelinio na tiliniene, a niogo nalo, a vermiromu nalo na be burum̃ara veru nene, a basabebe nalo. Naio midukar baja niogo tai ka jum̃ano, mia baja nei naio bujo ga ka kanano niamiamo nalo bija kanano siakaiano nalo.