Navisip̃eiano 6:5 - Verikariano Vou Na Baki

⁵ Karina, nunu solbouo naio mila korov vukariano tolu nene. Naio mila kario ana nomijog temeul tolu nene naio bio, naio bunu berenio berinavo “Komei!” Vaarakurano ga bue kulorinio dolu tai jumolu jua miraku, naio bobogio. Toro napano naio miduio, midukar skel tai ka jum̃ano, ka naio rivitii tomu nalo na yetemeriba nei salo sinaniano nalo.

Navisip̃eiano 6:5 ပူးပေါင်းရင်းမြစ်များ

Navisip̃eiano 6:1

Kiniou nojo najirarago bano, ana nemial ka napano kirikiti nunu naio milakorov vukariano na be moti na niosi nei. Naio mila kario ana temeul veri nei nalo tai naio miaga ka joono jibe ka tubaalo, naio berinavo “Komei!”

Navisip̃eiano 5:9

Mo nalo amijev iouano vou tai napano ban jibe nei, berinavo “Amila sida kaso, naruei ea kanamo burukija jau kobulu bulag tomu nalo abe Atua kanano, napano amoluo ea taara nonovio na tomu nalo, ea iliano doldolu nalo nonovio, ea uleule nonovio nalo na tortoru, a ea uleule na tertelisu nalo bunu. Jau komiasosol lo abinimei abe taara takurano ajutano ka parinio tubo takurano ga, nalo abinimei abe kulo lu na Atua kanano im̃auano, ka napano mia ave tubo ka yetemeriba nei. Mo bior ka napano jau komila jibe na, memedu ka jau ga ve takurano naruei kodu niosi nei, ka kelelar vukariano nalo nene, ana kovetavo eaio.”

Navisip̃eiano 5:5

Naruei navagadeano nalo tai mil ban kiniou, naio berinavo “Ei, jau keteg re bunu! Koialio, laeon yako napano miyotuba ka tomu nalo na Yuta, naina napano abio ka yati na Teviti, naio jovul vite nonovio ruei. Naio naruei mia rilakorov vukariano aluo nei, naio naruei mia rivetavo ea niosi neibano.”

Mataiu 24:7

Ana parinio tubo nalo ala mira ka parinio tubo dolu nalo, a venuo dolu nalo atumolu ka venuo dolu nalo. Mia ve bogo na vitu na toru, mia m̃ii rikulkulu ea vio yetemeriba reraio.