Navisip̃eiano 5:5 - Verikariano Vou Na Baki

⁵ Naruei navagadeano nalo tai mil ban kiniou, naio berinavo “Ei, jau keteg re bunu! Koialio, laeon yako napano miyotuba ka tomu nalo na Yuta, naina napano abio ka yati na Teviti, naio jovul vite nonovio ruei. Naio naruei mia rilakorov vukariano aluo nei, naio naruei mia rivetavo ea niosi neibano.”

Navisip̃eiano 5:5 ပူးပေါင်းရင်းမြစ်များ

Luka 23:28

Mia Yesu jom̃a miagago ka kialo iliano na jogvaiano nei, karina naio barp̃ilig parinio, jiraragidilo, mil banlo, berinavo “Tire re Yerusalemo nalo-o, kuvitig re bunu kiniou tibe na. Ver kuvisidom kuvitig, mia kuvitig kamiu ga, a kenerimiu nalo bunu.

Luka 7:13

Mia Yesu nalo aju amial nalo napano m̃a aju amiel abinimei, mia bogo na kiado Tubo mial taanou nei, naio tinien miiaio toru laka-o mia. Naruei naio ban vaataro kanio, berkanio, berinavo “Ai, jau koteg re bunu.”

Luka 8:52

Mia bogo na nalo aba joomo jibe na, amial ka napano tomu nalo ajum̃a tiniel miia niatira sesa nene ruei, nalo ajum̃a ajigio, mia Yesu ber kalo, berinavo “Kamiu kuviteg re rivior niatira na tibe na. Naio maka rim̃aro na, mia naio jo monmelio ga na.”

Jone 20:13

Ana naljuo amil ban Mere, aberinavo “?Koig, jau kojom̃a kejegi vaio?” Naio berdop̃e berinavo “Amidular kanaku Tubo bakovio tai, maka nejikia ka amidu naio mon be naruei.”

Romo 1:3

Burum̃ara vite napano Ioluano Vou nei naio berialio, naio be Yesu Kristo kiado Tubo, napano naio be Atua kenerinio napano naio miila naio miyotuba ka kito ea yetemeriba nei. Naina naruei napano ea tivelinio na yati na m̃aratavo na kanano, kito romijikia roverinavo naio moluo ea yati na tormoruo Parinio Tubo Teviti memedu.

Romo 15:12

A tai na maaro miyotuba ea Niosi na Aisea, naio berii Ju nalo kialo Naverikariano, ber mia naio tukamu bunu ka nalo napano maka ave Ju. Naruei iliano nene ber jibe nei, berinavo Mia tormoruo Jese kiano torogio tai rimoluo, napano mia Atua ridu naio to mave rive tubo ka nalo dolu nei napano maka ave Ju, naruei mia nalo avalea ea naio ka naio rije Atua kiano ilivuiano rimaluvo ealo. Aisaia 11:10

Abe Kulo Ju 7:14

Yati napano Yesu naio miyotuba eaio, romijikia ka naio be yati na Yuta, ana bogo na Mosis berial sio na bajulukuti na tomu lu nalo, naio maka riverial leleio sio na Yuta.

Navisip̃eiano 1:1

Niosi na be visip̃eiano ka venia napano mia naio riyotuba ea legiano nalo napano mia amei navo. Atua naio jidom ka kanano tomu na im̃auano nalo na yetemeriba monoka ameravo rivu ka vite nalo nene, naruei, jian jikiaiano nene ban Yesu Kristo, karina Yesu naio miila kiano nailiano tai miyotuba ka kanano toro na im̃auano nei Jone, naio mila vite nalo nene amiyotuba ka naio ea kanano visip̃eiano tai.

Navisip̃eiano 22:16

“Kiniou Yesu, nemiila kiaku nailiano na biedu ka riverial iliano nalo na vanso, ka jau komijikia kava kesian van kanaku lotuano nalo. Naverikariano napano aberkar ka mia rimaluvo ea tormoruo parinio tubo Teviti re nua, kiniou nei. Kiniou nei nebe M̃ejegi, m̃arivitano napano berial ka vaataro ka viorijen mermeravo.”

Navisip̃eiano 3:21

“ ‘ “Naio napano ju jikili ba jovulu na bova, mia najamo ka naio rijikia totano biju vija kiniou ea jobaro lu na kanaku, javukia ga napano kiniou bunu nojuvulu kanaku uolu, a na iorou kanio karam̃aku buru kiniou nojotano biju bija naio ea jobaro lu na kanano.

Navisip̃eiano 4:10

navagadeano nalo bunu abatove kanio, amilotu ka naio napano mia naio maka rijikia rim̃aro bogo tai. Ana kario, abar bulag kanalo batubatu niogo nalo den pariparilo, abar jutano ea jaano, aberinavo

Navisip̃eiano 4:4

Burum̃ara jobaro lu nei naio jo iviso, a jobaro dolu nalo bunu ajelivivi eaio, nobulukulo bokar duelimo valuo ba veri [24]. Ea nalo abeve terakurano, toro tai jotano ealo, mila nalo bunu abe duelimo valuo ba veri [24], napano nalo na abe navagadeano nalo na tiniabene. Nalo na amiya kulum̃arauo na miuvu laka, abar batubatu niogo jua pariparilo.

Navisip̃eiano 5:4

Nemial jibena naruei nomijog bova, nejegi mia nejegi, napano maka toro tai rijikia rila.

Navisip̃eiano 6:1

Kiniou nojo najirarago bano, ana nemial ka napano kirikiti nunu naio milakorov vukariano na be moti na niosi nei. Naio mila kario ana temeul veri nei nalo tai naio miaga ka joono jibe ka tubaalo, naio berinavo “Komei!”

Navisip̃eiano 7:13

Ana ka bogo na, navagadeano tai naio bika den kiniou, berinavo “Burum̃ara tiniobi nei napano amiya tena miuvu na, a jau komijikia abe kei nalo na, a jau komijikia ka nalo aju be abinimei na?”