Navisip̃eiano 4:11 - Verikariano Vou Na Baki

¹¹ “Tubo kenememi Atua, memedu ka mermerano, vatoveano vija moroano nonovio aje vanso, ve kanamo jau ve takurano ga. Jau naruei kojii vite nonovio, ea kanamo jidomiano ga abokar kanalo meuliano.”

Navisip̃eiano 4:11 ပူးပေါင်းရင်းမြစ်များ

Im̃auano 14:15

“!Kuverburelo, kuverburelo! !Kamiu kuvila re tibe na van kumemi! !Kumemi juo nube toro ga javukia kamiu ga, maka nuve atua nei! Kumemi nubinimei ga bija Lilianiano Vou na bo, nubinimei ka nuverial van kamiu ka monoka kuvituvan kenemiu bajago moruo nalo na jibe na atu, kuvolkouo re bunu ka kenemiu atua nalo na telabo napano am̃arm̃aro ga. Mia nubinimei ka nuverial van kamiu ka Atua takurano ga jo napano naio meul, a numisidom nuvilig kamiu van naio, napano naio ga naio jii na vio yauo bija borotano, bija tei, a naio jii vite nalo nonovio napano ajua vio nonovio nalo ea yetemeriba nei.

Im̃auano 17:24

Naio naruei naio be Atua Tomoruo napano jii yetemeriba nei, a vite nalo nonovio napano romial ajuaio. Naio naruei naio be Parinio Tubo na tiniabene a be Parinio Tubo na yetemeriba nei. Naio maka lele toa vio lu nalo p̃eli na vite lu nalo napano kulorinio nalo ga amilaio,

Romo 11:36

Mia kiniou neiasol iliano na, neber: Kiado Atua, naio takurano be burupati na vite nonovio, naio takurano be moroano na vite nonovio, naio takurano be juluvati na vite nonovio, ana bo ka kito roviniu roiaia naio to toboto.

Eveso 3:9

mia nojo nejiloglog bunu banlo jum̃abe napano Atua naio mila kiano jidomiano nei maluvo. Jikario ea bogo napano Atua naio ji saba nonovio, binimei bokar bogo nalo napano abarlaka ban ruei, Atua naio bigivanio kiano jidomiano nei jo.

Abe Kulo Ju 1:10

Ana ea iliano tai bereio, romial ka napano Atua Sop̃i bio kenerinio berenio Tubo, a naio berii vite nalo na m̃a naio milalo, berinavo “Tubo, jau na naruei jau kobitirilar burupati na yetemeriba, jum̃amo ga mim̃auka vio iauo mave.

Abe Kulo Ju 1:2

Mia voniganei, ea legiano na maaro nalo na kito rojua nei, naio mil ban kito jel ea kenerinio memedu Yesu. Kenerinio nene naruei napano beamu, ea tiiano na yetemeriba nei, Atua mim̃au eaio, ana na nalojuo ajii bogo nalo a vio nonovio, avona iorou kanio ana na Atua naio bitirilar kenerinio nei, naio mije vite nonovio monea jum̃ano be parinio kalo.

Navisip̃eiano 1:6

naruei naio bitiri bulag kito ka romei rove m̃aratavo ve takurano ea yati na kanano tubo sesa nalo, a ka naio bijauia bulag kito ka rajai naio rotibe ka tomu lu na karam̃ano kanano im̃auano nalo, naio ga be Atua Sop̃i. Yesu mila bo ban kito toru jibe na ana bo ka reilivu ka siano, rodular naio to medave laka, rivan rivan mia maka rijikia ribisi bogo tai, tibe na.

Navisip̃eiano 10:6

Ana naio ber kanano iliano na jikili tai, naio berkar ea naio napano meul jo jobo jo siano, napano m̃a naio jii vio mave bija venia na m̃a ajuaio, bija yetemeriba nei bija venia na m̃a ajuaio, bija tei, bija venia na m̃a ajuaio. Iliano na kanano naio ban jibe nei, naio berinavo “Vonganei naruei maka bunu ve bogo na kotororea!

Navisip̃eiano 14:7

Naio jo berial janea vio bija burum̃ara joono, naio berinavo “Kamiu kuvatove ka Atua, kuvidular vavin siano, bior napano aura na naio tibure yetemeriba nei naio maluvo ruei. Kamiu kuvilotu ka naio napano naio jii tiniabene, yetemeriba, a tei, bija burupati uei nalo.”

Navisip̃eiano 19:1

Iorou ka nina, nomijog ka napano tiniobi toru ea vio mave abio toru, aberinavo “Siva ban kanado Atua! Ioruriano, mermerano a moroano abe kanano naio takurano ga.

Navisip̃eiano 5:12

ana aju amiou jouo, aber jibe nei, aberinavo “Nunu domudomu, napano amila sida ka naio, naio ga takurano bo mia bo. Moroano nonovio, tovuiano nonovio, masouano nonovio, sikiliano nonovio, vameneano nonovio, mermerano nonovio, miaiano nonovio, memedu ga ka ala rivan naio ga ve takurano.”

Navisip̃eiano 5:2

Naruei nomijog nailiano na toru tai miaga jouo, naio bika ber “Toro kei naio bare ka rilakorov vukariano nalo nei? Be toro tai napano naio jo mijikia vetavo ea niosi nei p̃eli na makanio?”

Navisip̃eiano 5:9

Mo nalo amijev iouano vou tai napano ban jibe nei, berinavo “Amila sida kaso, naruei ea kanamo burukija jau kobulu bulag tomu nalo abe Atua kanano, napano amoluo ea taara nonovio na tomu nalo, ea iliano doldolu nalo nonovio, ea uleule nonovio nalo na tortoru, a ea uleule na tertelisu nalo bunu. Jau komiasosol lo abinimei abe taara takurano ajutano ka parinio tubo takurano ga, nalo abinimei abe kulo lu na Atua kanano im̃auano, ka napano mia ave tubo ka yetemeriba nei. Mo bior ka napano jau komila jibe na, memedu ka jau ga ve takurano naruei kodu niosi nei, ka kelelar vukariano nalo nene, ana kovetavo eaio.”