Navisip̃eiano 22:14 - Verikariano Vou Na Baki

¹⁴ “Vesiou re ga, mia burum̃ara ilivuiano riyotuba ka kanaku tomu nalo rimemedu. Nalo ajekon vatitig kanalo kulum̃arauo nalo, amiya vatitiglo ruei, naruei amijikia ava joomo ea m̃aratavo ka ava jouro ea komeli lu na Atua kanano, amijikia ava avokar buruiesi na meuliano.

Navisip̃eiano 22:14 ပူးပေါင်းရင်းမြစ်များ

Navisip̃eiano 21:27

Mia tivelinio ka vite nalo napano maka ameravo rivu laka, mia ve re tai rijikia riva jouro ea vio nei bogo tai, mia toro kei napano naio mila im̃auano tai napano be tena imouiano p̃eli be tena sibiano, mia naio bunu rijikia re riva jouro eaio. Nalo na ka ava jouro, nalo na ga napano sialo, Nunu Solbouo bivitauia ruei ju joomo ea kanano niosi na meuliano ruei.

1 Jone 5:3

Bajago na tiniedo tii Atua naio jibe nei: kito robokar batig kiano iliano. Kanano tuboiano nalo maka ave temi laka van kito ka ralaio,

Navisip̃eiano 22:7

Mia Yesu kiano iliano ea vio nei ban kiano tomu nalo, naio jel jibe nei, berinavo “Kamiu kuvitikar! Mia vesiou re, mia kiniou nemei noyotuba ka kamiu bereio. Toro napano bokar vatitig iliano na visip̃eiano nalo na kanaku niosi nei, mia rivu laka van naio, mia naio mijikia rijog rivu ve toru.”

1 Jone 3:3

Naruei toro na sidom ka mia naio tai na mia rimei tibe ka Tubo Yesu tibe na, naio monoka to rivokar vatitig rivu kiano meuliano rimeravo a rive lu, tavukia Yesu ga.

Jone 14:15

A Yesu ber bunu ka kumemi, naio berinavo “Ver kamiu tiniemiu jii kiniou be riano, mia monoka kuvokar vatitig rivu kanaku tuboiano nalo.

Navisip̃eiano 2:7

“ ‘ “Toro napano be tiliniene, bo ka naio rijoglubar venia napano Atua kanano Niununo Lu naio jo berialio ban taara na namoneano nalo. Toro napano naio tu sikili rivanvano tuvulu na bova, mia nemijikia najamo ka naio ka mijikia riva to jouro rimemedu ea tiniavio novo na Atua kanano, naio riva to sen m̃arati iesi na buruiesi na meuliano.” ’ ”

1 Korin 7:19

Toro jakii bajago moruo venia, jibe abe pakuveu p̃eli maka ave pakuveu, naio maka ve tena toru tai ea Atua kiano vitiiano, mia Atua jidom ga ka rotakii kiano tuboiano nalo.

Navisip̃eiano 22:2

Uei nene naio mieraro bano, yano nene mieraro memedu jel iviso bure burum̃ara m̃arabo na komeli na Yerusalemo vou. Uei na meuliano nei naio mieraro jibe nei bano, a be burupati iesi na meuliano nalo na ajumolu aju tivelinio be juo na uei neibano. Buruiesi nalo nene abo laka, bior napano aju ajako ea siberio nonovio ga, duelimo ba juo [12] ka yuka takurano. A m̃ati nalo bunu, abo laka, bior amijikia aieliel batig ka mieiano nalo na tomu nalo na buruvenuo na yetemeriba nei.

Jone 10:7

Jibe na, mia Yesu mil lie vo banlo ea tivelinio na burusio na nunu, naio berinavo “Kiniou neber riano ka kamiu, ka morouo na burusio na nunu nalo, kiniou nene nei.

Jone 10:9

Kiniou ga nebe morouo na burusio, toro na rimei selia kiniou ga, mia kiniou nevitikar vatitig kiano meuliano. Mia naio mijikia rivatavio ka sirago sano sinaniano, karina mijikia rimei rimon jouro ka bogiano, naio mijikia rimei rivan tibe na rivu ga.

Navisip̃eiano 7:14

Ana kiniou neberinavo “Ii, maka nejikia, mia jau kobe toro na toru tai na vio nei, p̃eli jau komijikia kovio?” Ana naio berdop̃e berinavo “Ierinio, nalo na naruei napano amieldulu ea bogo na burum̃ara jogvaiano nene. Mia kulum̃arauo nalo na m̃a amiya na, ajekon ka burukija na nunu solbouo nei, naruei abinimei amiuvu bo jibe ka na komialio na.

Kalesia 5:6

Bogo napano robinimei takurano kitoliko Kristo Yesu jibe na, bekurano ka toro be pakuveu, p̃eli maka rive pakuveu mia tena burutomoruo loa laka nina be kiado viekouoiano ea Kristo, napano viekouoiano nei naruei naio mila kito rojidom Atua a bija tomu dolu nalo bunu.

Navisip̃eiano 21:12

Mia kanano tagvoru jumolu jeliviv eaio, bavin laka, a m̃aratavo na tortoru duelimo ba juo [12] juaio, napano abe terakurano be kialo nailiano aju abitikar vatitiglo. A m̃aratavo nalo nene be terakurano be sio jualo, napano be siano yati duelimo ba juo na Israel,

1 Korin 9:5

Mia nalo amil ea kumemi tealo napano ajoro ruei, nalo abika aber bior vaio koalo nalo bunu abinimei aju ajakisor kumemi? Mia kei berenio ka nina naio kirivova? Atevi nalo dolu napano abinimei beamu, bija Tubo kuruano nalo, bija Kevas, bogo napano amieliel ka im̃auano jibe na, koalo tire nalo aju ajakigsorlo, mia ea bogo na, tomu nalo nei maka aildielo.

1 Korin 8:9

Joa ga kito ka rojidom rosenio p̃elina maka rosidom rosenio, mia maka rivu rala vite tai napano namoneano dolu asidomii aver maka rimemedu ka alaio. P̃eli kito romijikia rala vite na rivu ga, mia maka rivu ka naio rialio napano romilaio, ana rila bulag kiano jidomiano.

Jone 14:6

Ana Yesu berinavo “Kiniou nebe burupati m̃arabo, kiniou nebe burupati ilirianiano, kiniou nebe burupati meuliano. Maka toro tai rijikia rivan ea karam̃aku, ver naio maka selea kiniou.

Jone 4:12

Mia jau kojom̃a kober uei na dolu na, mia ninei jo nei naio be uei na bo tai. Korobido tormoruo nanua na Yakovo, naio kanano uei nei. Naio munu bano-o, naliko kenerinio nalo, bija kanalo temeul nalo, naruei amila lilian binimei binimei bokar banei. ?Jau kober jau kobo loa tormoruo Yakovo ana komijikia kala uei tai na bo loa ninei?”