Navisip̃eiano 21:3 - Verikariano Vou Na Baki

³ Mo ka bogo na kiniou nomijog iliano na bo tai juvan vio mave, berial jibe nei, berinavo “Vonganei, Atua jidom to vija tomu nalo na yetemeriba, jidom rila kanano vonuo toalo. Mia nalo amei ave tomu nalo na kanano, bior ka napano mia naio to vijalo toboto, naio rimei ve kialo Atua riano.

Navisip̃eiano 21:3 ပူးပေါင်းရင်းမြစ်များ

2 Korin 6:16

Tavoru sibisibi nalo maka ajikia atu joomo ea Atua kunuano Lu bogo tai, a iliano nei be nioti nene bior napano Kunuano Lu naio maka ve yimo tai ga, mia naio be kito, Atua na meul kiano namoneano nalo. Nina jakii ga kiano iliano tealo, napano naio berenio jibe nei, berinavo “Kiniou mia notoalo, ka mia naiel iviso kalo. Kiniou mia neve kialo Atua, mia amei ave kiaku torogio nalo rimemedu. Lev 26:12

Jone 14:23

Ana Yesu berdop̃e, berinavo “Ver toro tinien tii kiniou, mia naio rivokar vatitig kanaku iliano, ana mia karam̃aku tinien tii naio. Ana mia kumemi ve juo nuviedu ea naio, nuvila kenememi vonuo ea kiano meuliano, mia maka rijikia tibe na ea tomu na maka amoneaio.

Abe Kulo Ju 8:10

Mia vonganei, kiniou nevitirilar virakariano vou tai vija kenemiu bajulukuti nalo bereio. Ea virakariano nene, mia kiniou nala tibe nei: mia nevitiri bulag vatitig kiaku tuboiano nalo tua kialo jidomiano nalo, mia nevivitauia kanaku iliano nalo tua kialo iviso nalo, mia nemei neve kialo Atua riano, mia nalo na amei ave taara na kanaku tomu nalo.

Abe Kulo Ju 11:16

Ana makanio, mia nalo maka atu tinielo rimaio ka naio bereio, nalo ajum̃a ajidomii ka mia avokar vio dolu tai napano naio bo laka, ajidom vonuo na vio mave ga. Atua naio mila batitig kanalo komeli novo nene ruei, ana naio tinien jiilo toru ka rijog ka na mia atum̃a averenio ka naio be kialo Atua riano, a napano ajum̃a aber kiano vonuo, naio be kialo vonuo dam̃ariga.

Navisip̃eiano 7:15

Nalo naruei, kialo im̃auano jibe nei, ber ‘Nalo ajukamu ea jobaro lu na Atua kanano, legiano a bogiano ana amim̃au kanano joomo ea kunuano lu, a naio napano jotano mave nei, naio mia rivitikarlo.

2 Korin 6:18

Mia kiniou, jibe Atua Sop̃i, nemijikia never kalo never ‘Kamiu kumei ka neve karamemiu, a ka kamiu kuve keneriku nalo rimemedu.’ ”

Navisip̃eiano 21:7

Toro na m̃a biniua bogokouo ea kiano meuliano, naio tu sikili riva tovulu na vovaiano, mia naio rivokar ilivuiano nalo tibe ka kiano jajum̃ano. Mia kiniou noto neve kiano Atua riano, mia nodu naio rimei ve keneriku.

Jone 1:14

Tibe na, Parinio Bajago na Atua kiano naio binimei be toro riano, naio binimei jo iviso ka kito, naruei kito romial kanano meuliano na bo nene, naio bujo laka ea bajago na tiniememiano a bajago na ilirianiano. Naio be novo na bo laka be motoru na Karam̃ado kenerinio, naruei kumemi numial kanano burum̃ara mermerano nene, napano be kanano, naio ga takurano.

Navisip̃eiano 12:10

Mia iorou, nomijog burum̃ara jooa tai bio toru janea vio mave, naio berinavo “Vonganei naruei Atua kiano ioruriano naio jumolu, Atua kiano sikiliano naio jodovulio, Atua kiano navenatuboiano naio miyotuba, moroano na kanano Naveri-kariano naio jo loa laka ka vite nonovio. Vonganei naruei toro na bova nei napano m̃a jom̃a mil die m̃aratavo nalo na be Yesu kiano, naio bisi ruei. Legiano a bogiano naio jumolu jukamu ka Atua mirano naio milavon ka verbulag ga tomu nalo kialo kariano nalo, ana vonganei naruei, abukular naio ruei.

Navisip̃eiano 10:8

Naio ber jibe na ana kiniou bunu nomijog iliano dolu tai jel mave binimei ban kiniou, naio berinavo “Niosi telisu nei napano betavo joa nailiano nei jum̃ano napano naio jumolu jua tei a borotano, kova kodu beamu.”

Navisip̃eiano 10:4

Bogo napano tubaalo nalo ajaraburuburu jibe na, ana nojidom nevivitauia bulag kanalo iliano nalo, naruei vaataro ka kiniou netikar nala, ana iliano dolu tai juvan vio mave binimei ea kiniou, naio berinavo “Jau kotovo, jau kovivitauia bulag re kanalo iliano nalo na. Vite nalo napano m̃a aju aberenio, nalo maka ave tena tomu nalo amijikia ajikia.”

1Tesa 3:11

Nina naruei be tena nojo nobolkouo jikili kanio vonganei, ka mia karam̃ado Teta Atua bija kiado Tubo Yesu, nalo avetavo ea m̃arabo ka kumemi ka numei bereio nuvial kamiu.

Abe Kulo Ju 8:2

Naio joa vio na, naio mila kiano im̃auano lu, javukia napano parinio toro lu nalo re beamu amila lotuano joomo ea yimo lu panpano nei ea vio yauo. Mia vio na lotuano nei, tomu nalo ga amim̃aukanio, mia kiado parinio toro lu Yesu, naio jom̃a mim̃au joomo ea vio na lotuano na bo laka, nana be riano, napano Atua ga mim̃aukanio.

Navisip̃eiano 22:3

Tibe na, mia Sim̃aro kanano bajago va nalo, napano jidom rila bulag vurua vite nonovio, mia nalo atua re komeli nei leleio. Nunu Solbouo joa Atua kiano vio lu ea vio nene, a vio bujo ka kanano tomu nalo na m̃a kanalo im̃auano, aju amilotu ka naio dam̃ariga.