Navisip̃eiano 21:18 - Verikariano Vou Na Baki

¹⁸ A tagvoru nene nalo, maka alailo ka puruveru p̃ilip̃ili ga nalo, mia amim̃au kalo ka puruveru tai napano naio mkekeano na bo laka, a komeli, torogio nonovio nene nalo amim̃au kalo ka niogo ga, meravo nono bo laka, naio mieg bo mia bo laka.

Navisip̃eiano 21:18 ပူးပေါင်းရင်းမြစ်များ

Navisip̃eiano 21:11

Naio jo batove jibe na, naio jo bujo ka Atua kanano mermerano, mila naio merera laka, javukia mermerobi napano mkekeano meravo bo laka.

Navisip̃eiano 21:21

A m̃aratavo nalo, mia abeve terakurano abe burutomoruo basabebe takurano ga. A nemial burum̃ara m̃arabo na komeli nene bunu, napano naio abijuru ka niogo nonovio, naio kirinovo mia kirinovo tanea.

Navisip̃eiano 21:19

A m̃artea tortoru nalo na tagvoru, nalo bunu amiyovovua vatitiglo bija puruveru novo nalo, napano tai amiyovovua nonovio ka puruveru tai napano mkekeano nene jibe nei, tai amiyovovua nonovio ka puruveru tai napano mkekeano nene jibe nei, banbano mila nonovio m̃artea duelimo ba juo nene. A puruveru duelimo ba juo nei sialo, ajibe nei. Na jukamu, siano saspa, juo nene naio sapaia, tolu nene naio kalseton, veri nene naio be emrol,

Navisip̃eiano 4:6

a nalo ajumolu aju ea vodobi tai, banbano laka jibe tei, naio mieg meravo bo javukia mermerobi. Ana iviso ka vio nene bereio, tom meul veri aju, napano ea kamu kalo a iorou kalo, abe miralo nalo vio bujo laka, a nalo aju vaataro, aju jeliviv ea burum̃ara jobaro lu.