Navisip̃eiano 18:8 - Verikariano Vou Na Baki

⁸ Mia naio, ea legiano tai napano jo binimei, mia jaleleano nonovio ala tanea naio vaarakurano. Mia ve m̃ariano, vija tegiano, vija vituiano, a mia sebi sisen vatitig naio. Naio maka to sidomial, mia Tubo Atua napano mia naio tibure naio, kiano moroano toru laka.”

Navisip̃eiano 18:8 ပူးပေါင်းရင်းမြစ်များ

Navisip̃eiano 17:16

“Ana iorou kanio, buruolu nei bija sano pasimeduo duelimo, mia asidom re bunu tira va nei. Mia atumolu ala naio rimei vova laka, napano mia aya bulag m̃ano kulum̃arauo nalo denio mia naio rivar mom̃a ea mirano tomu nalo, mia nalo asen sano sunbue na niabene rivan mia avuku sano buriu nalo rivan ea sebi sisenio.

Navisip̃eiano 18:19

Tinielo maio ka jibe na, mila amijog bova, abisivisii burumaroro ea pariparilo, ajegi, aberinavo “Aiou, kenememi burum̃ara bulukomeli nei, aua toru banso. Jau kobujo ka veru, mia kumemi numim̃au ea uako nalo na kenememi, nubarvar kanamo togogo nalo, banbano kumemi bunu numileal veru, mia vonganei bova ga. Ea bogo tai na bulati ga nei, mia jau komei kove vio na vakovioiano ga.”

1 Korin 10:22

Toro napano naio mila jibe na jo julu Tubo, mijikia rila Tubo rijokua laka, tinien ser naio. P̃eli na toro nene beriam̃a ber ver Tubo tinien jer naio jibe na, maka ve vite tai na, bior ka naio kirisikili lie loa Tubo? Maka nesidom ver tibe na.

Navisip̃eiano 19:3

Ajum̃a abio jibe nei, ana ajusol lo bereio, aberinavo “Siva ban Atua! Sebi jom̃a jijen soro nalo nene ruei, mia iou nene naio rivavin rijikia bisi re.”

Navisip̃eiano 18:17

Jum̃abe kanamo burum̃ara sanibaiano mijikia biniu kokoa ea aura takurano ga jibe na?” A be natelanvuuiano nalo na uako nalo nanua beamu ajum̃a abarvar togogo nalo, bija kialo naim̃auano nalo, bija nalo napano aju amieliel ea uako p̃eli abar veru ea tei, nalo bunu aju koalabo ajirarago ban ea vio nene.

Navisip̃eiano 17:18

Naruei nailiano nei mila nonovio kanano iliano ea bogo nei, berinavo “Nina naruei vervisivisiano na tira nei, napano naio be burum̃ara bulukomeli napano be tubo ka parinio tubo dolu nalo na yetemeriba.”

Navisip̃eiano 11:17

aberinavo “O Atua Sop̃i na moroano na mave, jau nanua kojo beamu, jau na mia koto vonganei, jau napano mia koto bogo na mia jo rimei. Kumemi nuber siva toru banso bior komidu bereio kanamo moroano na toru ruei, vonganei naruei koju jikili ea kanamo tuboiano.