Navisip̃eiano 17:6 - Verikariano Vou Na Baki

⁶ Nojom̃a nebitii tira nene, nebitilubar ka napano parinio jeliviv, a maka rivior ka napano naio munu m̃arjum̃elm̃elu, mia bior naio jom̃a munu burukija na moneano lu nalo, nina nalo napano m̃a amuebinvinlo bior ka na m̃a ajakisor Yesu. Nemial tira nei jibe na, nomijog niabeku p̃ili mia!

Navisip̃eiano 17:6 ပူးပေါင်းရင်းမြစ်များ

Navisip̃eiano 16:6

Be riano ka tomu nalo na yetemeriba, amuebinvin kanamo kulo lu nalo, amila burukija na kanamo naverialiano nalo amiou, ana jau kojom̃a komila meran banlo memedu ga, napano m̃alo uei nalo abe burukija ga.”

Navisip̃eiano 13:15

Ana amim̃aukanio bisi, ana amidu moroano ban temeul juo nene ka naio rila tavoru nei mijikia rivuru jegi, a mijikia ril, a amije moroano ban naio ka rijikia ruetam̃aria toro kei napano naio maka saaro ka rivatove ka rilotu ka tavoru nei.

Navisip̃eiano 2:13

“ ‘Naio berial ban kamiu jibe nei, naio berinavo “Nemijikia vatitig bo ka vio napano kamiu kumituaio, naio be tanobuku tai iviso memedu ea vio napano Sim̃aro naio jo be tubo eaio! Kanano vio nalo aju janea kamiu, mia kamiu kubokar siaku jikili bo dam̃ariga. Beamu, jouro ea kenemiu komeli na, p̃eli romijikia rover komeli na Sim̃aro kanano, amuebin kuruemiu nanua Antipas, naruei ajikili ka kamiu monoka kuvituvan kenemiu moneano ea kiniou. Mia makanio, jibe ka napano naio biekouo ea kiniou bokar m̃ariano, kamiu bunu, maka kam tai aburo den kiniou.

Navisip̃eiano 13:7

Sikiliano na amije ban naio bare ka naio rila sebi rivan ea namoneano lu nalo, riva rijikia tovulu lo, a moroano na m̃a naio jo miduio, bare ka naio rije tuboiano ea taara ninio nalo, tomu nalo, iliano nalo, vija uleule nalo.

Navisip̃eiano 12:11

Namoneano nalo miroano maka bunu asidomial kanalo meuliano, nalo maka amerou ka m̃ariano, mia aju jikili dam̃ariga ba bokar bogo na ajovulu toro na bova neibano, ana venia napano abokar ka jum̃alo ka ala mira vijaio, naio be burukija na Nunu Solbouo ga, bija iliano nalo na averial kanalo moneano ea Yesu.

Im̃auano 22:20

Mia nanua, bogo napano kanamo toro na Stevin, kiano burukija miou, nalo amijikia batitig ka kiniou naruei nojo bijalo ka bogo na. Bogo napano nalo ajubabinio m̃aro, kiniou nemiijalo, a kiniou nebitikar batitig m̃alo kulukoti nalo. !Monoka nalo aiagago ka kiniou ga na!’

Jone 2:10

Toro nene naio binimei, ana toro na toru nei berkanio, berinavo “Ea jokoluolu dolu nalo, ajum̃a abiov m̃arjum̃elm̃elu nana bo naio binimei jukamu, mia bogo na tomu nalo amunu kija banbano-o, karina abiov vonga m̃arjum̃elm̃elu na maka rivu laka binimei iorou. Mia ea jokoluolu nei ajum̃a amunu uei banbano-o, karina jau kobiov vonga m̃aku m̃arjum̃elm̃elu napano naio bo laka, naio binimei maariano garuei. Ka venia komila jibe na?”