Navisip̃eiano 16:8 - Verikariano Vou Na Baki

⁸ Bisi na, nailiano veri nene naio miyon bulag kiano basidobidobi ban ea m̃erenio, ana sano uei nene mila m̃erenio binimei jikili lie vo, naio mijikia tunu tomu nalo na yetemeriba niabelo tibe ka sebi.

Navisip̃eiano 16:8 ပူးပေါင်းရင်းမြစ်များ

Navisip̃eiano 14:18

Ana nailiano tai bunu binimei bereio, nina be naio na m̃a bitikar bulukuti sebi, naruei naio jel ea boda binimei bio ban dolu neibano naio midukar iobogu neibano, naio berinavo “Mo, jau bunu, be bogo na kava kala kanamo naruei. Jau kodu kanamo iobogu kava keselivivi ea tilikrevi selivivi ea yetemeriba, ketebijii m̃arati nalo napano ameruo ruei ajaklele aju.”

Im̃auano 2:20

Beamu, m̃erenio mia naio rimei ribobogio, a mia siberio naio rimei rivilvili tibe ka burukija. Ana iorou kanio, ana legiano na toru na Atua kanano, napano mia rivu laka, naio mijikia rimei.

Mataiu 13:6

Ana bogo napano m̃erenio mijivi nieja jikili nieje salo toti nalo, vaarakurano ga amekekeu, bior maka ve salo bati ka avatove batitigio vo.

Navisip̃eiano 9:2

Bogo napano naio mijaglar sikmirano bulukup̃ili nei, iou juru bavin jo molmoluo eaio, javukia iou na burum̃ara sebi, naruei naio bavin miduko vio reraio ea vio yauo, miduko m̃erenio mirano, mila vio bobogio bereio.

Navisip̃eiano 8:12

Bisi na, nailiano veri nene naio miuvu kiano simeduo. Naina mila ana m̃erenio tivelinio binimei bobogio, a siberio tivelinio maka bunu rimiamo, a m̃arvitano nalo miroano maka bunu aialo. Naina mila ana legiano binimei bulati laka, a maka vio rimiamo bunu, mila ana be melijokouo reraio ea yetemeriba.

Navisip̃eiano 7:16

Mia maka bunu ajikia siserlo bereio, a mia ajog re midou bereio, m̃erenio maka rijikia rila bulaglo, burum̃ara sebi mia tunu re bunu lo,

Navisip̃eiano 6:12

Naruei, kiniou nemial ka nunu solbouo naio milakorov vukariano ari nene. Naio mila kario, ana vaarakurano ga m̃ii mikulkulu, a maka vesiou m̃erenio binimei bobogio napano bobogio nonovio, a siberio naio binimei bilvili jibe burukija,

Luka 21:25

Ana na Yesu berii legiano na maaro, naio berinavo “Ka bogo na, mia amijikia aial kijokijo ea m̃erenio a ea siberio a ea m̃arvitano nalo. Ea yetemeriba nei, mia taara na tomu nalo mia niukniuku rivielo ve toru laka, asidom bijobijon ve toru, mia bogo na aial tei tumolu ve toru to rivavauro, mia nalo ajikia re ka mia tum̃abe kalo.