Navisip̃eiano 13:6 - Verikariano Vou Na Baki

⁶ Ka bogo na, naio jo mil niegeniege Atua, naio jo miolua siano, a naio jo buku iliano nalo na bova ka mave a ea kulo lu napano ajuaio.

Navisip̃eiano 13:6 ပူးပေါင်းရင်းမြစ်များ

Navisip̃eiano 12:12

Ajodovulu toro na bova neibano, mila na vonganei mave bija nalo nonovio napano ajuaio, amijikia asaaro mia asaaro, mia nalo napano m̃a aju yetemeriba p̃eli ea tei, mia ajog rivova, a monoka amerou, bior Sim̃aro naio batove jo iviso kalo bija tiniene bujo ka siniabu, bior ka naio mijikia ka kiano bogo telisu ga, vaataro ka riviniu, naruei mila naio be deden lie vo.”

Abe Kulo Ju 9:24

Ana burukija na jokoluolu nei naio joa Atua mirano ruei, bior kiado parinio toro lu Kristo naio ban ea vio lu nei ruei, napano maka ve vio lu na tomu nalo ga amim̃aukanio, mia be vio lu na be riano, nina ea vio mave tiniabene.

Mataiu 15:19

Mia nina bior kiano jidomiano va nalo amoluo ea tiniene toro, jibe ka amila bin toro, amila siakaiano, a m̃eaku naljuo niatira amila siakiano, a vinauano, a ilisibiano, a ilivovaiano.

Mataiu 12:34

Mia ea meuliano na toro kiano jibe na bunu, napano kiano iviso jibe kanio burupati tai, a iliano nalo napano amolmoluo ea kiano meuliano ajibe ka m̃arati nalo napano amolmoluo ea burupati nei. ?Mia kiniou nemial kenemiu burupati nalo amenunu ruei, mia tum̃abe ana m̃arati na bo tai mijikia rimoluo ea kenemiu iliano nalo? !Kamiu kube bajulukuti na maro nalo ga!

Navisip̃eiano 21:3

Mo ka bogo na kiniou nomijog iliano na bo tai juvan vio mave, berial jibe nei, berinavo “Vonganei, Atua jidom to vija tomu nalo na yetemeriba, jidom rila kanano vonuo toalo. Mia nalo amei ave tomu nalo na kanano, bior ka napano mia naio to vijalo toboto, naio rimei ve kialo Atua riano.

Navisip̃eiano 18:20

Ana bior napano burum̃ara vio va nei naio mijoru jibe na, iliano tai miyotuba mave, berinavo “Ea vio mave, burum̃ara saariano a jogvuiano. Kamiu namoneano lu nalo, a atevi nalo, a Atua kiano naverialiano nalo, kamiu kumijikia kuvilivu ka naio ve toru, bior ka napano naio jibure tira va nei ruei, jian meran ban naio bior vovaiano nalo nanua m̃a mila ban kamiu beamu.”

Navisip̃eiano 11:12

a maka vesiou, amijog burum̃ara iliano tai jaluvo ea vio mave binimei mil banlo abe juo, naio berinavo “Mo, kam ve juo kumijikia kumei mave naruei.” Naruei vaarakurano ga abe juo abavin amiduburevure melijo ba aboru mave, napano kanalo uolu nalo nei ajikili aju vovu garuei abitivitiilo bano mia maka bunu ajikia aver titai.

Navisip̃eiano 7:9

Ana iorou kanio, nejiraravo ba naruei kamu ka miraku be burum̃ara tiniobi na tomu nalo, napano nalo miroano mia miroano, maka ajikia avulukulo, napano nalo na amiyotuba ea yati dolu nalo. Nalo naruei abe tomu na buruvenuo dolu nalo, bija kialo iliano kinkin nalo, naruei abinimei ajumolu ajukamu ea burum̃ara jobaro lu, napano nunu solbouo naio joaio. Nalo amiya kulum̃arauo novo na miuvu abiniu, a abar m̃ati burum̃al,

Navisip̃eiano 5:13

Iorou ka nina, nomijog bereio ka napano temeul nalo nonovio bunu amiou, nina be temeul nalo napano aju mave ea tiniabene, bija nalo napano ajua yetemeriba, p̃eli ea borotano, p̃eli ea tei, kanalo iouano naio ber jibe nei, berinavo “Miaiano, vameneano, mermerano bija moroano riva van Toro na Toru napano jotano mave ea jobaro lu, bija bunu nunu solbouo, rivan rivano-o to tobo to.”

Navisip̃eiano 4:4

Burum̃ara jobaro lu nei naio jo iviso, a jobaro dolu nalo bunu ajelivivi eaio, nobulukulo bokar duelimo valuo ba veri [24]. Ea nalo abeve terakurano, toro tai jotano ealo, mila nalo bunu abe duelimo valuo ba veri [24], napano nalo na abe navagadeano nalo na tiniabene. Nalo na amiya kulum̃arauo na miuvu laka, abar batubatu niogo jua pariparilo.

Navisip̃eiano 4:1

Iorou ka napano kiniou nemial vite nalo nei, nemial bereio m̃aratavo tai ka ava joomo ea vio mave naio juvavo jo ea miraku. Ana nomijog bereio jooa na mil ban kiniou beamu, naio mil burutomoruo javukia pasimeduo, ana naio ber ka kiniou, berinavo “Jau komei mave nei beamu vo, mia kiniou nelaso keial vite nalo napano mia amaluvo iorou.”

Abe Kulo Ju 9:2

Vio na lotuano nene, be kiano yimo panpano lu nene, napano aburuko ka burum̃ara jagidago eaio, a amuebure togio juo. Ea togio, na abio ka Vio Lu, be burupati na yulu tai jum̃ano aluo, bija barobaro na joko duelimo ba juo napano abio ka “Joko na asiloglog ka Atua.”

Romo 3:13

Kialo iliano nalo bova, jibe tanunu na jono, buruminalo aju amim̃auka sibiano nalo, ililelaniano nalo aju amiyotuba ea kuluniolo nalo, jibe ka maro va naio jerbin toro. Iouano 5:9

Kolosia 2:9

Atua naio midu kiano meuliano a moroano nonovio nalo ajua mokotenano toro nei Kristo,

Kolosia 1:19

Kristo naio jo mave laka jibe na, bior Atua naio mijamo ka kiano mermerano joaio, javukia meuliano a moroano na kanano joaio.

Jone 1:14

Tibe na, Parinio Bajago na Atua kiano naio binimei be toro riano, naio binimei jo iviso ka kito, naruei kito romial kanano meuliano na bo nene, naio bujo laka ea bajago na tiniememiano a bajago na ilirianiano. Naio be novo na bo laka be motoru na Karam̃ado kenerinio, naruei kumemi numial kanano burum̃ara mermerano nene, napano be kanano, naio ga takurano.

Navisip̃eiano 7:15

Nalo naruei, kialo im̃auano jibe nei, ber ‘Nalo ajukamu ea jobaro lu na Atua kanano, legiano a bogiano ana amim̃au kanano joomo ea kunuano lu, a naio napano jotano mave nei, naio mia rivitikarlo.

Navisip̃eiano 15:5

Karina, nejirarago ba joomo bereio ea vio mave, ana nemial ka abetavea m̃aratavo nalo na yimo lu. Nemial jibe ka tabobo panpano napano beamu amidu lilian ea vio yauo, napano abar batitig Atua kiano tuboiano juaio.