Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Navisip̃eiano 13:18 - Verikariano Vou Na Baki

18 Jau napano mia kovuluku niosi nei, monoka kove masou rivu ka vio na. Ver komijikia kovitilubar vatitig rivu vite nalo nei, mia komijikia koleal merano na tomu nalo sialo, mia amijedu merano na temeul nei siano, amileal bokar toromomou ari duelimo va ari ba ari, p̃eli jibe napano tomu tealo aberenio, ari ari ari [666].

အခန်းကိုကြည့်ပါ။ ကော်ပီ




Navisip̃eiano 13:18
10 ပူးပေါင်းရင်းမြစ်များ  

Ana Yesu naio ber iliano dolu tai bunu, napano naio bo ka ver toro napano naio rivuluku, rilavon ka rijikia vatitig nioti nene. Iliano nei naio ber jibe nei, berinavo “Mia kamiu kuvial ka napano mia avitirilar tavoru tai napano kirivova mia kirivova laka, naio tumolu toa vio lu tai napano maka rimemedu ka toaio. A bogo na kamiu kuvial vite nei, kamiu napano kumitu Yutea, bo ka kamiu kuvuro bilig, kamiu kuva kuvitoluku ea burusuku nalo.


Kiado tokoriano nalo bova ga, a titai napano bo kija, tokoriano nalo na amila meravo ea tomu nalo miralo ka Atua kiano tuboiano nalo napano juko vio ka tokoriano nalo na, nalo amemedu mia amemedu. Kiniou neber jibe na, p̃eli mia kelvovu nalo tai atumolu averinavo “A verver kiado tokoriano nalo amila tenalo na bo nei, ka venia Atua tinien jer kito jidom sian vironiano van kito bereio riviorio?” Mia makanio, nina toro kiano jidomiano ga,


Naruei toro kei napano mia naio rivuluku iliano nalo na verialiano nei, p̃eli mije tilieno kanio, mije vatitigio joa kanano iviso, mia Atua kanano ilivuiano ve burutomoruo toa kiano meuliano, bior ka napano burum̃ara legiano nene naio jo binimei vaataro laka naruei.


Ana nemial burum̃ara vodobi tai, banbano jibe ka tei, mia nina naio sebi joaio, a naio merera javukia mermerobi. Ana ea tivelinio na vio nene, nemial tomu nalo miroano ajumolu aju, a nalo nei, nina tomu nalo aviniu napano ajodovulu toro deden, ajovulu kanano moroano, ajovulu sikiliano na mirano na toto napano joaio, napano toro nene midu jibe ka kiano sio maraiu tai. Tomu nalo na ajovulio, ajumolu aju bija kialo p̃ii m̃arauo nalo napano Atua bar banlo,


Ana toro napano be masou bo, mia naio mijikia rivitilubar rivu nioti na vite nalo napano mia neverenio. “Moti nene, naio be sano parinio aluo. Nioti nene, naio ber komeli tai napano tira nei naio jo be tubo eaio, napano be sano suku aluo ajuaio. A suku nalo nei, naio be sano nioti nene nalo bunu, berinavo be parinio tubo aluo na tortoru aju.


Naruei naio ba mial tagvoru, naio mijeteli ea meroroliano nene, naio buluku batitig meta nene nalo, jovulu tiijaano duelimo va ari [60] garuei.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ