Navisip̃eiano 10:6 - Verikariano Vou Na Baki

⁶ Ana naio ber kanano iliano na jikili tai, naio berkar ea naio napano meul jo jobo jo siano, napano m̃a naio jii vio mave bija venia na m̃a ajuaio, bija yetemeriba nei bija venia na m̃a ajuaio, bija tei, bija venia na m̃a ajuaio. Iliano na kanano naio ban jibe nei, naio berinavo “Vonganei naruei maka bunu ve bogo na kotororea!

Navisip̃eiano 10:6 ပူးပေါင်းရင်းမြစ်များ

Navisip̃eiano 4:11

“Tubo kenememi Atua, memedu ka mermerano, vatoveano vija moroano nonovio aje vanso, ve kanamo jau ve takurano ga. Jau naruei kojii vite nonovio, ea kanamo jidomiano ga abokar kanalo meuliano.”

Navisip̃eiano 16:17

Bisi na, nailiano aluo nene naio kija miyon bulag kiano basidobidobi, mia naio miyon bulagio ba janea vio vio yauo mave. Ana iliano tai miyotuba ea jobaro lu joomo ea yimo lu na mave ka bogo na, naio miaga mave berinavo “Vonganei naruei be bogo na juluvati vite nonovio ribisi.”

Navisip̃eiano 4:9

Ea iliano nalo na jibe na, nalo aju amidular naio siano napano naio jotano iviso kalo ea vio lu, aju abatove kanio, ajum̃a aber siva banio ka napano naio meul toboto. Bogo napano ajum̃a aberenio,

Navisip̃eiano 1:18

Naio napano be burupati na meuliano be kiniou nei, bior napano kiniou nemeul, karina nam̃aro, karina nemeul bereio, nemeul to toboto. Kiniou nei naruei napano vulariano na m̃ariano a vulariano na bulukusebi kirivova nei na tomu na m̃ariano, nalo ajua jum̃aku.

Navisip̃eiano 4:10

navagadeano nalo bunu abatove kanio, amilotu ka naio napano mia naio maka rijikia rim̃aro bogo tai. Ana kario, abar bulag kanalo batubatu niogo nalo den pariparilo, abar jutano ea jaano, aberinavo

Navisip̃eiano 6:11

Nalo aber jibe nei, ana ajian kulukoti na miuvu banlo ka ayaio, ana mia aber kalo ka vite nei napano abikanio naio maka vo. Nalo aberinavo atu kija ve telisu beamu vo, bior kanalo bilbilu tealo napano nalo aju kia vo, bija bunu kurualo a kuvivinielo dolu nalo, napano mia nalo bunu monoka auebinvinlo am̃arm̃aro bior napano amonea, ana ver bogo na amei ve miroano avare ka Atua kiano jidomiano, mia naio rila venia napano abikanio.

Navisip̃eiano 12:12

Ajodovulu toro na bova neibano, mila na vonganei mave bija nalo nonovio napano ajuaio, amijikia asaaro mia asaaro, mia nalo napano m̃a aju yetemeriba p̃eli ea tei, mia ajog rivova, a monoka amerou, bior Sim̃aro naio batove jo iviso kalo bija tiniene bujo ka siniabu, bior ka naio mijikia ka kiano bogo telisu ga, vaataro ka riviniu, naruei mila naio be deden lie vo.”

Navisip̃eiano 21:6

Ana naio mil du kia ga, berinavo “Kiaku im̃auano nonovio, nemila nonovio biniu ruei! Kiniou nebe motoru a nebe natumaariano, kiniou natikariano a najuluvatiano. Toro na m̃a midou jerio, mia noviov m̃ano uei tai ea burupati uei na meuliano, nesian van naio rimunuio tibe na ga.