Yesu Kristo Kiano Ioluano Vou Napano MAK Bivitauiaio 9:7 - Verikariano Vou Na Baki

⁷ Ana vaarakurano ga, melijo tai binimei jovukolo, ana nalo amijog iliano tai binimei eaio, berinavo Ninei be keneriku na, napano kiniou nojidom naio laka. Kamiu monoka kuvijogkar vatitig naio.

Yesu Kristo Kiano Ioluano Vou Napano MAK Bivitauiaio 9:7 ပူးပေါင်းရင်းမြစ်များ

Mataiu 27:43

Toro na naio berenio naio biekouo ea Atua, naio berenio naio be Atua Kenerinio. !Mo, kito reial vonio, verenio Atua jaaro kanio, mia naio rilarur naio vonganei!”

Mataiu 27:54

Naruei kulo na mira nalo, naliko kialo toro na toru, napano aju abitikar Yesu, bogo na amijog m̃ii mukulkulu, nalo amial vite nalo na amalmaluvo, nalo amerou toru, amemebiju, ana nalo aberenio “!Aue, tomu nalo, toro nei be Atua Kenerinio riano ga!”

Mataiu 3:17

Naruei Atua mil batove, naio ber “Nina be keneriku napano kiniou nejidom m̃elea naio. Kiaku jidomiano joa naio, kiniou najaaro toru m̃ele ka naio.”

Yesu Kristo Kiano Ioluano Vou Napano MAK Bivitauiaio 1:11

Ana amijog Atua na tiniabene nei mil batove, berinavo “Jau kobe keneriku novokario ga takurano na, a tinieku jiiso toru. Kiaku jidomiano joaso, kiniou najaaro toru kaso.”

Yesu Kristo Kiano Ioluano Vou Napano MAK Bivitauiaio 9:6

Pitere mil vovu jibe na ka nalo amemebiju laka, a nalo amerou, nalo maka bunu ajikia mia aver venia.

Yesu Kristo Kiano Ioluano Vou Napano MAK Bivitauiaio 9:8

Naiagagoano nalo amijog iliano na, ana ajiraravo jeliviv ealo, ana maka bunu aial naljuo nabano, mia amial Yesu naio ga takurano jo bijalo.

Luka 3:22

naruei Atua kanano Niununo midu niabene, naio batove binimei jibe ka vaama tai, binimei bujo jua naio. Ana na Atua mil jel mave batove berkanio, berinavo “Jau kobe keneriku na, nam̃a nejidomso toru laka. Tinieku joaso, tinieku jaaro toru kaso.”

Jone 1:34

Bior vite na naruei napano namialio, nemijikia neverialio vatitigio van kamiu, ka be riano ga, toro na naio be Atua Kenerinio memedu.”

Jone 1:49

Mia Nataniel miilo va ka Yesu kiano jikiaiano, berinavo “!Naverloglogiano, jau kobe Atua kenerinio riano! !Jau kobe parinio tubo na Israel memedu kia na!”

Jone 12:28

Makanio, mia kiniou neber jibe ga na, neberinavo: Teta, aiou jau kala siamo rimei ve toru riano ea venia napano mia ala ka kiniou.” Naruei telikiti napano Yesu naio ber iliano nei bisi, niono tai na mave mil batove berinavo “Kiniou nojo namila siaku bavin easo ruei, a mia kiniou nala bere navo.”

Jone 19:7

Mia bogo na amijogio, maka asaaro, aberinavo “E makanio! Komijikia ruei ka maka nuvijikia nuvila tibe na. A be riano, bo ka kema na naio rim̃aro, bior naio milakorov kenememi tuboiano. Naio jom̃a milavonio ka vavavinia naio tulaka, ka ver naio be Atua kenerinio. A jau ga naruei komijikia kala rim̃aro.”

Jone 20:31

Mia iliano nonovio na jua niosi nei, be tena rijai kamiu kumijikia kumonea ka Yesu naio be Naverikariano, naio be Atua kenerinio riano. Naruei kenemiu moneano ea siano na, mia ve m̃arabo na mia kuvokar meuliano ea naio.

Jone 5:18

Jibe na ga ka bogo na, navurim̃ara-boiano na kulo Ju nalo ajum̃a abitii Yesu ruei aber naio be toro nam̃a mila bulag tolu na Legiano Lu. Mia vonganei mave ka naio, nalo amijog ka napano naio jom̃a bio Atua be karam̃ano memedu, nalo amialio jibe ka naio jom̃a mila naio be verare bija Atua. Naruei vite nalo nei mila ana abinimei abitunu lie vo, ajidom toru laka ka auebinio rim̃aro.

Jone 5:37

“Mia mave ka vite juo nei, dolu nene naio jo, naina be Karam̃aku napano miila kiniou nebinimei. Kamiu maka lele kuvijog joono a maka lele kuvial mirano, mia naio bunu, kanano iliano nalo amiija toru ka kanaku iliano, na aberial kiniou.

Jone 6:69

jau ga takurano napano vonganei kumemi numonmoneaso, a kumemi numijikia ruei ka jau kobe Naverikariano Lu napano Atua juvanso kobinimei ka kolarur kumemi.”

Jone 9:35

Mia maka vesiou Yesu naio mijog ka napano amijil lar tete nei jibe na, mia ba milealio, bika denio, berinavo “?Jum̃abe? ?Vonganei jau komonea Kulorinio Kenerinio ruei p̃eli makan vo?”

Im̃auano 1:9

A bogo napano naio ber iliano nei bisi, mia nalo aju abitikar naio memedu kia ga vo, ana Atua burular naio bavin, ana melijo tai binimei midukoio, ana nalo nei maka bunu aial naio bereio.

Im̃auano 7:37

Mia nina Mosis nene kia ga navo, napano naio berial ka kulo Israel nalo, naio berinavo ‘Mia Atua naio rivitirilar kamiu tai ga rimemedu, tibe ka kenemiu naverialiano dolu, jibe ka napano naio bitirilar kiniou jukamu ruei.’

Im̃auano 8:36

Mia ka bogo na, abe juo aju aburo ea rukuruku kia ga vo, ajakii m̃arabo abano, mia nalo abinimei abokar vio tai napano uei tai joaio. Naruei bogo napano toro na toru nei naio mial uei nei, naio mil ban Vilip, berinavo “Kiniou nejidom ka jau kavaruei ea kiniou, mo keialio, ninei be uei tanie jo. ?P̃eli maka bunu ve titai tokovio ka kito juo ka kavaruei ea re kiniou a?”

Romo 1:4

Mia ea tivelinio na kanano niununo, naio be lu laka, naio miyotuba memedu ea Atua kanano yati ga. Amuebin naio m̃aro, ana ea kiano burum̃ara moroano, Atua mila naio jumolu meul bo bereio, naruei romijikia rovitilubario batitig ka be riano, kiado Tubo nene naio be Atua kenerinio memedu.

Abe Kulo Ju 2:1

Ver tibena, iliano riano novo nalo na Ioluano Vou na bo na m̃a kito rojum̃a romijogio ruei, mia monoka rosidomii vetemii lievo kalo, monoka rovokarlo sikili rivu, ver p̃eli na, mia vier rivuru kito reielalo denlo bereio.

2 Pitere 1:17

Nanua na, kumemi numitu bija naio memedu ka bogo na napano Atua Teta jian mermerano nalo na vio mave ajuaio, abamenea naio, napano kanano iliano tai jaluvo mave batove, berii naio berinavo “Nina naio be keneriku memedu napano tinieku jii naio toru laka, napano najaaro toru ka naio.”

1 Jone 5:20

Kito romijikia ka Atua kenerinio naio binimei, naio jian vitilubariano ban kito ka mia rejikia Atua napano naio be riano, ana kito rojua ga naio naruei, vija kenerinio nene nei, Yesu Kristo. Kanado Atua nei naio be riano, mia meuliano na naio jian ban kito naio maka ve jukuti nene.

Navisip̃eiano 1:7

Kamiu kuvitii vatitig rivu! Naio naruei jom̃a mijian burevure melijo nalo na mave, naio riyotuba rimei. Mia kito nonovio reial naio ka mirado memedu, a vija bunu nalo nanua m̃a ajukukakar naio ea m̃akolkolo, nalo bunu avitilubar naio bereio. A mia ve burum̃ara jogvaiano a tegiano riyotuba ea tomu nalo na yetemeriba, tinielo rimaio ka venia napano amila ban naio ea bogo nanua beamu. Mia monoka tibe ga na, neber “Ee” ban naio kanio.