Yesu Kristo Kiano Ioluano Vou Napano MAK Bivitauiaio 8:6 - Verikariano Vou Na Baki

⁶ Naruei Yesu mil ban tiniobi toru nei, berinavo “Kamiu kuvitutano ea vio nei beamu vo.” Ana naio bar joko aluo nei, naio ber siva ban Atua kanio, karina naio burekokorovio, ana bario janea kiano naiagagoano nalo ka avar van tomu nalo, ana nalo aba ajankanio ealo.

Yesu Kristo Kiano Ioluano Vou Napano MAK Bivitauiaio 8:6 ပူးပေါင်းရင်းမြစ်များ

Kolosia 3:17

Mia vite nonovio napano kumilaio, mia iliano nonovio napano kuberenio, mia monokanio kuvilaio ea Yesu kanado Tubo siano, mia bogo nonovio monoka kuver siva sel ea naio van Atua karam̃ado.

Romo 14:6

Toro na jikili ka ridu bogoti tai tibe kiano bogoti lu, naio mila kar napano jidom ridular Atua siano eaio. Toro na jaaro ka sen tenalo ninio, naio jo ber siva ban Atua kario, ana jibe na, bogo na jinano, jo midular naio siano. Toro na mila naio bel ka sinaniano tealo, naio bunu jo mila ka ridular Atua siano, a naio bunu jo ber siva ka Atua ka sinaniano dolu nalo na jo jenio.

Jone 6:23

mo nalo abano abar uako dolu nalo tai, nalo abarkor ea vio Kapeneam ka asirav kumemi. Uako dolu nalo nei, maka ave kanalo, mia be kulo Taiperias nalo kanalo napano nalo abinimei aborvoru ealo, abano vauro ea vio na ga m̃a Yesu bolkouo ka joko eaio, naio mila binimei bare ka nalo asenio.

Jone 2:5

Kenieno naio mijog venia napano Yesu berenio, mia naio ber ka tomu na im̃auano na jokoluolu nei, berinavo “Venia na mia naio river ka kamiu ka kuvilaio, mia kamiu kuvil re, kuvilaiio ga.”

Luka 24:30

Aju bano na monloglog bogo na sinaniano, mo nalo abinimei ajutano vio takurano ea vio na sinaniano. Naruei be bogo na abolkouo ka sinaniano, mia Yesu ga naio jumolu midu salo niajoko, naio bolkouo ban Atua ber siva kanio, naio burekokorovio bar janealo.

Luka 12:37

Mia burum̃ara ilivuiano van tomu nalo nam̃a amim̃au jibe na, ka bogo napano kialo toro na toru boru keanlo, mia nalo aju rorea ruei, nalo ajevijo aju. Mia kialo toro na toru naio saaro ve toru kalo, ana na mia naio riva riija naio, karina mia rimei mia amiilo ka naio riviolo ka amei atutano ea kiano vio na sinaniano, naio biovio ka sinaniano novo tai banlo.

Mataiu 26:26

Telikiti napano nalo aju ajinan kia ga vo, ana na Yesu midu joko tai, ber siva ban Atua kanio, karina naio bure kokorovio ana naio bar jian ban kiano naiagagoano nalo, naio berenio berinavo “Kamiu kuvijevio, kamiu kuvisenio. Nina be mokotenaku.”

Yesu Kristo Kiano Ioluano Vou Napano MAK Bivitauiaio 8:5

Ana Yesu bika denlo, berinavo “Ana kamiu be semiu joko vio?” Ana nalo aber “Aluo ga.”

Yesu Kristo Kiano Ioluano Vou Napano MAK Bivitauiaio 8:7

A nalo abar niado momaio juo na tertelisu ea bogo nene, ana Yesu ber siva kalo bunu, ana berinavo “Kuva kuvitan kalo bunu van tomu nalo.”

Yesu Kristo Kiano Ioluano Vou Napano MAK Bivitauiaio 8:20

Ana naio bika bereio, berinavo “Ana bogo na nalo menu veri [4,000] na ajen ga joko aluo na, iorou kamiu kumison basaro vio bereio?” Ana nalo aberdop̃e, aberinavo “Kumemi numison aluo.”