Yesu Kristo Kiano Ioluano Vou Napano MAK Bivitauiaio 8:2 - Verikariano Vou Na Baki2 “Kiniou tinieku jii tiniobi nalo nei toru, bior aju bija kito bogoti tolu ruei, mia salo sinaniano biniu ruei. အခန်းကိုကြည့်ပါ။ |
Mia bogo napano naio jom̃a miel jeliviv jibe na, naio jo mial tiniobi nalo, naio mialo jibe ka kialo jidomiano nalo bujo laka a nalo abokar jaleleano telabo laka ea kialo meuliano nalo, naruei naio tinien miialo toru laka, bior ajavukia nunu nalo na maka ve kialo toro na vitikariano tai, maka ajikia bunu ka mia atum̃abe naruei.
Mia naio mila vatitig kiano jidomiano jibe na bisi, naruei naio jumolu, binimei ju lilie ju lilie, binimei boru ea karam̃ano. “Mia naio maka rijikia, mia karam̃ano naio jo tinien maio ka naio julaka ga, naio jom̃a jirarag lili m̃arabo ka p̃eli mia naio rimei. Mia bogo na naio ju koalabo ka kunuano kia ga vo, mia karam̃ano bitilubar naio, tinien miia naio-o mia, ana jikiti ka riva rivitavo vijaio. Mia bogo napano naio binimei bokar kenerinio nene, miabukario ka jum̃ano be juo, maka sidom tuvanio bereio.
Naina naruei be Atua kiano jidom-iano naio jibenei. Naio mial bo ka mia Yesu naio rimei tibeka ga kito kuruano nalo ea vite nonovio, rivanvano-o mia mijikia rijikia vatitig kito rivu, naio mijikia tinien riia kito. Ana mia kito ravarkar tiniedo ea naio, ka mia naio riviekouo ea im̃auano na mia naio rila van Atua rivior kanado kariano nalo, napano naio mila kiado merevuiano bija Atua, jibeka naio be kiado parinio toro lu.
Kiado parinio toro lu nei, naio maka ve tai na m̃a maka rijikialubar kiado mijikikiano, mia naio mijikia vatitig ka kito maka m̃a rotumolu rotu sikili laka. Naio tinien miia kito, mia naio rijai kito, bior beamu naio bunu, juboluboiano nalo abinimei kirisikili laka ban naio ka tivelinio nonovio, jibe ka ga napano m̃a ajum̃a abinimei ea kito. Naio javukia ga kito, mia vite takurano ga, juboluboiano maka rivuru naio rijoru ea kariano leleio kija garuei.