Yesu Kristo Kiano Ioluano Vou Napano MAK Bivitauiaio 7:20 - Verikariano Vou Na Baki

²⁰ A Yesu berenio bunu “Mia vite nalo napano ajua toro ruei, ana aju amalmaluvo ea kiano meuliano, vite nalo na naruei amijikia ala toro riagiago.

Yesu Kristo Kiano Ioluano Vou Napano MAK Bivitauiaio 7:20 ပူးပေါင်းရင်းမြစ်များ

Yemesi 3:6

Nao, be riano, buruminado javukia sebi tai. Buruminado nei naio be torogio na mokotenado napano vite va nalo nonovio na yetemeriba nalo abujo magmago vatitig eaio, mia kanano vovaiano nalo ajum̃a amila lelan kanado meuliano momou garuei. Mene nei naio jo mijev sebi ea vio na jogvaiano, ana naio jo mila sebi nei naio bilvili janea nonovio kanado m̃arabo na meuliano nalo.

Yemesi 4:1

?Mo ver tum̃aro nei naio toa re kamiu, mia kuvitum̃a kuvila mira ka kamiu ga, a kuvitum̃a kuvilivili ea kamiu, mia venia naruei naio be burupati nene? Nina naio miyotuba ea kenemiu sidomiano nalo, napano ajum̃a amila ana kumitum̃a kumim̃au m̃ele ka kuvilavon ka mia kuvijog rivu ka vite nonovio na yetemeriba nei.

Yesu Kristo Kiano Ioluano Vou Napano MAK Bivitauiaio 7:15

Maka leleio ve vite tai nam̃a jo tavio ea toro, mia river riva joomo ea naio mijikia rila naio riagiago ea Atua mirano. Mia vite nalo nam̃a aju joomo ea naio, napano m̃a amoluo ea naio, vite nalo na naruei amila naio miagiago ea Atua mirano.”

Abe Kulo Ju 7:6

Mia Melkeseteki nene, naio maka ve m̃aratavo na Epraamo, mia tormoruo Epraamo naio bitilubar ka naio be toro lu tai, ana naio bio ka togio na ijaiano banio. Tormoruo Epraamo nei naruei nanm̃a Atua berkar tonovo nalo banio, mia naio batove ka Melkeseteki. Mia bogo na Melkeseteki bokar ijaiano nei, naio jaaro milivu ka Epraamo, a nina naio mila kirimeravo ban kito ka naio loa lie kanio,

Mataiu 4:4

Ana Yesu naio berdop̃eio, berinavo “Makanio, bior Niosi Lu naio berenio ruei, berinavo ‘Maka toro rijikia rimeul ea ga sinaniano, mia toro mijikia rimeul ea iliano nonovio napano Atua naio berenio.’” Tiut 8:3

Mataiu 15:18

mia vaio napano moluo ea toro niono, naio moluo ea kiano iviso jukamu, naruei naio mijikia mila toro miagiago.

Yesu Kristo Kiano Ioluano Vou Napano MAK Bivitauiaio 7:21

Nina bior joomo ea toro, be bajago va nalo napano aju amoluo ea naio, jibe jidomiano va, siakiano, vinauano, amue tam̃aro ea toro, siakaiano,

Yesu Kristo Kiano Ioluano Vou Napano MAK Bivitauiaio 7:23

Bajago va nalo nei naruei, nalo amoluo den toro kiano iviso, mia nalo nei naruei vite nalo nam̃a amijikia ala toro riagiago kamu ea Atua mirano.”