Yesu Kristo Kiano Ioluano Vou Napano MAK Bivitauiaio 7:19 - Verikariano Vou Na Baki

¹⁹ Nina bior napano vite nalo nei maka ava avokar kiano jidomiano, mia abatove ea mabono ga, karina abarlaka amoluo den niabene bereio.” Mia Yesu ber jibe na naruei, ana karina, tomu nalo abitilubario von naruei ea kiano iliano nei, Yesu mila meravo ka maka ve sinaniano tai napano toro monoka rivel kanio ka rila naio rimeravo rivu ea Atua mirano, mia sinaniano nonovio ga nalo abo ga ka asenio.

Yesu Kristo Kiano Ioluano Vou Napano MAK Bivitauiaio 7:19 ပူးပေါင်းရင်းမြစ်များ

Mataiu 15:17

P̃elina kamiu kumijikia kija ruei, bior vaio napano ba joomo ea toro niono, jelea mabono ba tavio den mokotenano bereio,

1 Korin 6:13

Tealo bereio napano ajidom ka ala venia napano ajidom ea mokotenalo, aju aber iliano dolu tai, aber “Sinaniano, naio be tena maboku, a maboku, naio be tena sinaniano.” Ee, be riano, mia kuvitikar vatitig bereio, bior napano mia Atua rila tenalo juo nei riva rivakovio navo. Jibe na, Tubo jian mokotenado ban kito, ana kito monoka resian mokotenado rivan bereio van naio. Mokotenado tena rim̃auka kiano im̃auano, mia maka ve tena rivan tanea ninio vio.

Im̃auano 11:9

Ana na kiniou nomijog joono na vio mave mil bereio ban kiniou, berinavo ‘Vite napano kiniou Atua neberenio ruei ka naio meravo, mia jau maka bunu kejikia kover naio miagiago bereio.’

Im̃auano 10:15

Ana naio mijog joono nei bereio naio berenio, berinavo “Vite napano kiniou Atua neber ruei neberinavo naio meravo, jau maka bunu kejikia kover naio miagiago.”

Luka 11:41

Tonovo nalo nam̃a kamiu kumitum̃a kumisonlo toru bogo nonovio ban ea kenemiu baju nalo a bija kenemiu baja nalo, ver kamiu kuvitum̃a kuvilavon ka m̃a kuvio ka kija ga rivan talim̃asa nalo ga, mia rivu. Ver tibe na, p̃eli mia kamiu kuvial ka kenemiu vite nonovio nalo amei rimeravo vatitig ruei, ana mia m̃a kumila bijon re bunu kenemiu bajago dolu nalo.”

Kolosia 2:16

Tibe na, ana mia kamiu kuvijamo re ka toro tai riverbure kamiu river kuvisen re tena p̃eli na kumunu re tena. Mia kamiu kuvijamo re ka toro tai riyuku kamiu ka kuvitakii kialo bajago moruo nalo ea tivelinio na vite nalo tibe legiano lu nalo na yuka, p̃eli na ea tivelinio na jokoluolu na siberio vou, p̃eli na ea tivelinio na bogoti aluo.

Yesu Kristo Kiano Ioluano Vou Napano MAK Bivitauiaio 7:18

Ana Yesu berinavo “?Jum̃abe, p̃eli kamiu bunu parimiu bono kia ga vo javukia nalo na? Bior vaio napano kamiu maka kuvitilubar vite na? Vite vaio na jo tavio, jibe sinaniano nalo, verinavo riva joomo ea toro, nalo maka ajikia ala toro rivova ea Atua mirano.