Yesu Kristo Kiano Ioluano Vou Napano MAK Bivitauiaio 6:8 - Verikariano Vou Na Baki

⁸ Ilivatitigiano nalo na naio beriio beamu ruei nua ka avano, ajibe nei, napano naio berinavo “Ea tivelinio na kenemiu m̃arabo, mia kamiu kuvar re titai vija kamiu, mia kenemiu nasitoga ga na kubanio, kumijikia kuvario. Mia kamiu kuvar re semiu sinaniano tai kuvano, p̃elina kenemiu basaro, p̃elina kenemiu veru.

Yesu Kristo Kiano Ioluano Vou Napano MAK Bivitauiaio 6:8 ပူးပေါင်းရင်းမြစ်များ

Luka 9:3

A iliano nabo nalo tealo napano naio ber kalo beamu vo, avona bisi ana na nalo abanio aber jibenei, napano naio berinavo “Tivelinio ka kenemiu m̃arabo, mia kamiu kuvar re titai. Mia kamiu kuvar re kenemiu nasitogo nam̃a kubanio, p̃eli na kenemiu basaro, p̃eli na sinaniano, p̃eli na kenemiu puruveru, a mia kuvar re kenemiu kulum̃arauo ve juo, mia kamiu kuvar kenemiu kulum̃arauo ve takurano ga nam̃a kumiya kar vonganei ka kuvano.

Luka 10:4

Bogo na ver kamiu kuvano, mia kuvar re siveu na kenemiu puruveru, mia kuvar re kenemiu basaro nalo, a kuvar re kulubue na jaamiu tai bereio. Mia kuviel yauo ga tibe na kuvano, kuvitukunu p̃ilip̃ili re ea m̃arabo van tomu nalo.

Luka 22:35

Ana na Yesu bika denlo, naio berinavo “Kamiu kuvisidomii von nanua, ka bogo nam̃a nemiila kamiu kubano m̃a kubioliolu janea vio nalo. Kiniou neber ka kamiu ka mia kuvar re kenemiu saba nalo tealo vija kamiu, jibe ka siveu na veru, p̃eli na basaro, p̃eli na kulubue dolu na jaamiu, p̃eli na vite nalo na jibe na. ?Mia jum̃abe, kamiu kumial ka jumemiu bulati ka vite nalo tai?” Naruei nalo aberdop̃e aberinavo “Tubo, maka jumememi ve bulati ka titai.”

Yesu Kristo Kiano Ioluano Vou Napano MAK Bivitauiaio 6:9

Kamiu kumijikia kuvar kenemiu kulubue kuviya ea jaamiu, a mia maka kuvijikia kuvar kenemiu kulum̃arauo dolu nalo bereio, mia kamiu kuvar ga kenemiu kulum̃arauo ve takurano ga napano kuviya bogo na kuviel kuvano.”