Yesu Kristo Kiano Ioluano Vou Napano MAK Bivitauiaio 6:15 - Verikariano Vou Na Baki

¹⁵ Ana nalo dolu nalo aberii Yesu, aberinavo “Nina tormoruo Elaija re nua na,” ana tealo aberenio “Nina be naverialiano tai na, jibe kiado naverialiano moruo nalo tai re nuanua laka.”

Yesu Kristo Kiano Ioluano Vou Napano MAK Bivitauiaio 6:15 ပူးပေါင်းရင်းမြစ်များ

Mataiu 21:11

Mia nalo napano abinimei bija Yesu aberdop̃elo jibe nei, aberinavo “Nina naio be naverialiano napano naio maluvo ea m̃arkomeli na Nasarete ea vio Kalele, na naio siano Yesu.”

Yesu Kristo Kiano Ioluano Vou Napano MAK Bivitauiaio 8:28

Nalo aberdop̃e banio, aberinavo “Tealo aberinavo jau Jone Baruei bereio, a tealo aber Elaija, a tealo aber jau naverialiano na nuanua laka.”

Mataiu 16:14

Ana nalo aberinavo “Tomu tealo aber jau kobe Jone Baruei bereio, a tealo aber jau kobe Elaija, a tealo aber jau kobe Jeremaia, p̃elina naverialiano dolu tai re nua nua.”

Jone 9:17

Ana nalo abika bereio den toro nei napano beamu naio mirano miunu, aberinavo “?Ana jau, jau na naruei napano naio mim̃auka miramo, mia jau kover venia tivelinio ea toro neibano?” Naruei naio berdop̃e memedu ga banlo, berinavo “Naio be naverialiano riano tai.”

Jone 7:40

Mia bogo napano tomu nalo amijog Yesu bio jibe na, kialo jidomiano nalo ba beve dolu. Nalo tealo aberinavo “Toro na, naio be naverialiano jibe Mosis nam̃a kito romoneaio ka mia naio rimei.”

Jone 6:14

Mo bogo na tomu nalo abitilubar burum̃ara burutomoluo napano Yesu milaio, ajum̃a aber jibe nei kalo aberinavo “Kiado burum̃ara naverialiano na m̃a korobido nalo aberkario ka mia naio rimei riyotuba ea yetemeriba nei, tete na naruei naio be naverialiano nene memedu kiana.”

Jone 1:25

naruei nalo abika bere denio, aberinavo “Kumemi numijog jau kober ruei ka jau, maka kove Naverikariano, a maka kove Elaija, a maka kove naverialiano nam̃a Mosis berenio. ?Ver tibe na bior venia ana jau koberenio kobare ka kojom̃a kabaruei m̃ele ea tomu nalo janea vio jibe na?”

Jone 1:21

Ana nalo aberinavo “?Ver tibe na, jau kobe tormoruo Elaija re nua, naruei jau komeul bereio, p̃eli? Nina bior Iliano Lu berenio mia naio monoka rimei bereio beamu ka Naverikariano.” Mia naio berdop̃e bereio, berinavo “Makanio, kiniou maka neve toro nene.” Naruei nalo aberinavo “?Mo, mia vede jau kobe naverialiano nanua m̃a Mosis naio berkario ruei?” Ana bereio naio berdop̃e, berinavo “Makanio.”

Luka 9:19

Ana na nalo aber kanio, aberinavo “Tealo aber jau kobe Jone Baruei, a tealo aber jau kobe Naverialiano Elaija, a tealo aber jau kobe naverialiano dolu nalo re nua nua tai napano meul bereio den nam̃ariano.”

Luka 9:8

mia nalo dolu ajum̃a aber vonvon aberinavo Yesu be tormoruo Elaija re nua, napano naio miyotuba bereio, a nalo tealo ajum̃a aberinavo Yesu be naverialiano nalo re nua nua tai, napano naio jumolu bereio den nam̃ariano.

Luka 7:39

Naruei Varisis neibano miog Yesu binimei ea kunuano, naio jom̃a bitii vite nei, naruei naio jom̃a tiniene bova kanio kija. Naio jom̃a jidomii jibe nei, berinavo “Verenio Yesu na naio be naverialiano riano tai, p̃eli mia rijikia batitig ruei ka tira na naio be tira na kariano mugaruei jibe na, mia naio rijikia re rijamo ka naio tokol jaano lu na. Mia naio mijamo ka ga naio ka rila tibe na, kiniou maka bunu nejikia vatitig naio naruei.”

Luka 7:16

Mia bogo na tomu nalo amial vite nei, burevure burelo toru laka, mia aju abamenea Atua, aberenio aberinavo “!Uerei, burum̃ara naverialiano na Atua kanano tai jumolu ju iviso ka kito vonganei naruei!” A tealo aber bunu, aberinavo “!Riano ga na! Atua miyotuba ka kiano tomu nalo naruei.”

Luka 1:17

Mia aial ka napano niununo a moroano nanua joa Naverialiano Elaija mia to rivare ka ga naio bereio, bior mia naio tukamu rimei, ka riverial ka mia Naverikariano naio rimei iorou ka naio vesiou re. Mia naio rivilig teta nalo kialo iviso nalo ka mia asidomial vatitig bereio kenerilo nalo, a mia rivilig tomu nalo nam̃a amila kokorov tuboiano ka mia atakii bereio bajago napano be masou a memedu. Ea m̃arabo nalo na naruei, mia naio rila vatitig rivu taara na tomu nalo tai ka mia ave Atua kiano, ka atu rorea naio ka mia riyotuba kalo.”

Yesu Kristo Kiano Ioluano Vou Napano MAK Bivitauiaio 6:16

Mia bogo na Parinio tubo Erot mijog vaio na Yesu jom̃a milaio, berinavo “Toro na p̃eli Jone Baruei bere ga na! Kiniou nejelar pariparinio ruei, mia vonganei naio meul bereio ea m̃ariano bo?”