Yesu Kristo Kiano Ioluano Vou Napano MAK Bivitauiaio 5:35 - Verikariano Vou Na Baki

³⁵ Mia bogo na Yesu jo mil kiaga vo ban tira nei, mia iliano tai binimei den Jairas kunuano, aber ka toro na toru nei, aberenio “Kenerimo tira sesa m̃aro ruei. Bo ka jau kovuru re bunu naverloglogiano na toru na rimei, kala bulag re naio.”

Yesu Kristo Kiano Ioluano Vou Napano MAK Bivitauiaio 5:35 ပူးပေါင်းရင်းမြစ်များ

Luka 8:49

Naruei bogo napano Yesu jom̃a mil ban tira nei kia ga vo, iliano binimei ea toro na toru nei kunuano, berinavo “Kenerimo vevinio nam̃a na, naio bakovio ruei. Bo ka mia jau kovuru re bunu naverloglogiano na toru na rimei, ka kala lelan kule re naio.”

Jone 11:39

Ana Yesu naio berinavo atubonlar puruveru na toru nei. Mia Marita naio mijog Yesu ber atubonlar puruveru, mia naio jidom riverbureio, ber kanio, berinavo “Tubo, maka rivu ka rala tibe na, bior naio m̃aro bogoti ver barlaka ruei, mia bonoti rivova laka na.”

Jone 11:28

Telikiti na Marita ber jibe nei ka Yesu avona bisi, ana naio milivi joomo bereio, ban ka kuluene nei Mere, mijuvaluva banio, berinavo “Naverloglogiano nene, naio binimei ruei, naio joa m̃arabo yako, naio jidom rialso beamu vo.”

Jone 5:25

“A kiniou neber ilirianiano nei bunu ban kamiu, ka bogo na jo binimei vonganei napano nalo nam̃a Atua mial ka am̃arm̃aro den bajago va, mia nalo ajog jooku kiniou Atua kenerinio, mia nalo na ajogkario, mia avokar meuliano.

Yesu Kristo Kiano Ioluano Vou Napano MAK Bivitauiaio 10:17

Naruei bogo napano Yesu jo batavio ka riel rivano, toro tai jikiti binimei minie tano ka Yesu, naio bika denio, berinavo “?Naverloglogiano novo, kiniou monoka nala im̃auano vaio ka rila ka mia kiniou novokar meuliano nei napano maka rijikia ribisi?”

Yesu Kristo Kiano Ioluano Vou Napano MAK Bivitauiaio 5:22

Ana toro na toru tai na kialo yimo na volkouano ea vio na, siano Jairas, naio binimei mial Yesu, binimei vaataro kanio, minie keanio.

Jone 11:32

Ana Mere naio miel binimei bokar vio na Yesu joaio. Ana bitikario, binimei vaataro kanio, buku naio mijoru ea jaano, jegi banio, berinavo “!Tubo, ver jau komei ea vio nei ga, mia kum̃aneku riva kovio re na!”

Jone 11:25

Ana Yesu berial iliano nei kanio, naio berinavo “Kiniou nebe m̃arabo na tumoluano bereio, kiniou nebe burupati na meuliano. Toro na rimonea kiniou, buriakurano naio monoka rim̃aro ea yetemeriba nei, mia naio rimeul bereio.

Jone 11:21

Mo Marita, naio binimei mial Yesu, naio berkanio, berinavo “!Kanaku Tubo liki, ver jau komei ea vio nei ga, mia kum̃anememi riva kovio re na!

Mataiu 26:18

Ana Yesu naio berdop̃e banlo, berinavo “Kamiu kuva Yerusalemo, kamiu kuvial toro na, kuverii kanio, kuverinavo ‘Kenememi naverloglogiano naio berii kiano bogo binimei vaataro na ruei. Mia naio jidom naio naliko kumemi kiano naiagagoano nalo, numei nuvila sinaniano nei ea kunuamo.’ ”

Mataiu 9:18

Bogo napano Yesu naio jom̃a mil jibe na ban Jone kiano naiagagoano nalo, toro na toru tai na nalotuano na kulo Ju nalo kialo naio binimei vaataro keanio, naio minie tano ka Yesu, jegi banio, berinavo “Aue koig keneriku vevinio naio m̃aro vonganei ga, mia kiniou nebikaso ka nejidom komei, kodu jum̃amo toaio, ka mia naio rimeul bereio.”

Mataiu 26:10

Mia Yesu mijikia ka ajum̃a amil jibe na, ana naio ber kalo, berinavo “?Jum̃abe ana kamiu kumila lelan tira nei jibe na? Naio mila tonovo tai ban kiniou.