Yesu Kristo Kiano Ioluano Vou Napano MAK Bivitauiaio 5:2 - Verikariano Vou Na Baki

² Naruei nalo abauro ea vio nene, ana ea vio nene be buluvae nalo na tomu na am̃arm̃aro nalo ajuaio, mia be toro tai napano niununo va telabo ajuaio, napano naio jo joa m̃artanbo nei, jibe ka kiano vio. Naruei bogo na Yesu jabulu den uako nei, mia vaarakurano ga toro neibano moluo ea m̃artanbo nei, jikiti binimei ka rial Yesu.

Yesu Kristo Kiano Ioluano Vou Napano MAK Bivitauiaio 5:2 ပူးပေါင်းရင်းမြစ်များ

Yesu Kristo Kiano Ioluano Vou Napano MAK Bivitauiaio 1:23

Ana ka bogo na, toro tai napano niununo va joaio, naio jo naliko,

Luka 9:42

Naruei nalo aba aburu kiritete nene binimei, mia bogo napano aju abinimei kia ga vo, niununo va nei mila m̃ele niadua kiritete nei bereio-o mia, mila niabene memebiju a ba burukar jikili. Mia Yesu mil jikili, berbure niununo va nene, ana naio mieliel ka m̃eaku nene, naruei naio buru bereio ba ban karam̃ano.

Luka 8:27

Mia bogo napano Yesu jabulu, bauro ea vio nei, toro na vio nei tai binimei ka rivitavo vijaio, napano toro nene sim̃aro nalo ajuaio. Bogobe nua ruei, toro nene naio jo jibe ga na, maka riya kulum̃arauo tai, a maka m̃a monmon ea yimo, mia tinien jii ka m̃a mon ea pakeltavo ga, ea buluvae nalo nam̃a abar kanalo tasim̃aro nalo aba amonmoneaio.

Yesu Kristo Kiano Ioluano Vou Napano MAK Bivitauiaio 7:25

Naruei tira tai joa vio na napano maka ve Ju, bior napano kiano torogio nalo abe Kris ga, mia abinimei ajua tanobuku na Vonisia vaataro ka Siria. Tira nene, kenerinio kiri tira sesa, niununo va tai joaio, mia bogo na tira neibano mijog ka Yesu joa vio na, naio binimei minie tano ka Yesu jaano, jegi banio, ka naio rijil lar sim̃aro nene den kenerinio niatira sesa nei.

Yesu Kristo Kiano Ioluano Vou Napano MAK Bivitauiaio 4:1

Ana ea bogo dolu bereio, Yesu naio jo berloglog tomu nalo ea tivelinio na ueiyabo na Kalele. Mia tomu telabo laka napano abinimei ea naio ka bogo na, mila na naio bavin ea uako sesa tai napano joa ueiyabo nei, ana naio ba jotano mave eaio, mia tomu nalo aju reraio ea baramudou uro.

Yesu Kristo Kiano Ioluano Vou Napano MAK Bivitauiaio 3:30

Naruei Yesu naio berii vatitig iliano jikili nei banlo, bior nalo naruei ajum̃a aberii ruei ka niununo napano joa naio, be niununo va.

Yesu Kristo Kiano Ioluano Vou Napano MAK Bivitauiaio 1:26

Mia niununo va neibano naio mila kema neibano naio miaburusalsal, ana naio miaga souo vaarakurano bereio, naruei naio moluo den naio ana buro bano.

Yesu Kristo Kiano Ioluano Vou Napano MAK Bivitauiaio 3:9

Ana bogo napano nalo miroano aju tivelinio ea ueiyabo napano ana Yesu ber ka kiano naiagagoano ka nalo averiko tauako sesa tai to, ka tomu nalo miroano laka, mia naio merou ka mia tomu nalo amei m̃a aivinkakar naio laka.

Yesu Kristo Kiano Ioluano Vou Napano MAK Bivitauiaio 4:36

Mia naiagagoano nalo ajuvan tomu nalo neibano aju, ana abavin ea uako na Yesu ju joomo eaio ruei, ana aburu naio abano. Mia uako dolu nalo bunu ga aban bijalo.

Yesu Kristo Kiano Ioluano Vou Napano MAK Bivitauiaio 5:3

Toro nene be deden laka, mia tomu nalo amila von ka aiorikario banbano-o mia amila de ga.

Yesu Kristo Kiano Ioluano Vou Napano MAK Bivitauiaio 5:21

Mia Yesu nalo ajel ea uako, abarkorov bereio ueiyabo nei aba tivelinio ruei, ana bogo na Yesu biako yetano jo bauro ga, tiniobi toru na tomu nalo abinimei ajelivivi eaio bereio.