Yesu Kristo Kiano Ioluano Vou Napano MAK Bivitauiaio 4:35 - Verikariano Vou Na Baki

³⁵ Mia Yesu joa kea uako napano naio ba joa ka verloglog tomu nalo, mia bogo na m̃erenio jo batove, naio ber ka kiano naiagagoano nalo, berinavo “Ei, kito ravarkorov rava tivelinio ea ueiyabo neibano yako.”

Yesu Kristo Kiano Ioluano Vou Napano MAK Bivitauiaio 4:35 ပူးပေါင်းရင်းမြစ်များ

Mataiu 8:18

Ea bogoti dolu bereio, ana Yesu jo naliko tomu telabo napano aju jeliviv ea naio, ana naio jidom taluvo denlo, naruei naio ber ka kiano naiagagoano nalo, berinavo “Kito m̃a, ravan ea ueiyabo tivelinio.”

Luka 8:25

Ana Yesu ber kalo berinavo “?Kenemiu viekouoiano nibe?” Naruei nalo amerou mia amerou laka, amiilo toru, ana na nalo ajum̃a abivika denlo bereio, aberinavo “?Toro kenia na? Naio mil ga jibe na mia jegi naio tei amijogkar niono. !Tomnei!”

Luka 8:22

Mo ea legiano tai, Yesu buru naiagagoano nalo, abiako ea uako tai, naruei Yesu ber kalo, berinavo “Kito m̃a rava tivelinio ea ueiyabo nei.” Naruei ajuvan vio, ana abano,

Mataiu 14:22

Karina Yesu ber ka kiano naiagagoano nalo, berenio “Kiniou nejidom ka kamiu kuvidu kiado uako, kamiu beamu kuva tivelinio ea ueiyabo na toru nei, mia kiniou noto nei beamu vo ka mia neiila tiniobi nalo nei avanvan bereio ea kialo m̃arkomeli dedade nalo.”

Yesu Kristo Kiano Ioluano Vou Napano MAK Bivitauiaio 8:13

Ana Yesu jaluvo denlo juvanlo ajubo, ana naio ban ea uako bereio, naio barkorov bereio ueiyabo ba tivelinio.

Jone 6:25

Naruei tomu nalo nei abinimei aboru Kapeneam, ana abavauro, naruei nalo ajiravo Yesu. Mia bogo na amilealio, abika denio, aberinavo “?Naverloglogiano, jau kobinimei bere koboru ea vio nei ka bogo na vabe?”

Jone 6:17

Nubatove mia maka bunu nuvial Yesu riyotuba bereio ka kumemi, mia bior napano vio bobogio ruei, numidu kenememi uako, numituvan vio bereio nubeluo ka nuvavin ea ueiyabo ka nuvarkor bereio nuvan ea vio Kapeneam.

Jone 6:1

Iorou ka naina, kumemi liko Yesu numidu uako numituvan kanano tanobuku bereio, nubar kor burum̃ara ueiyabo nei Kalele, napano tealo abio ka ueiyabo na Taiperias.

Yesu Kristo Kiano Ioluano Vou Napano MAK Bivitauiaio 6:45

Karina Yesu berii ka kiano atevi nalo, berenio “Kiniou nojidom ka kamiu kuvidu kiado uako, kuvan beamu tivelinio ea ueiyabo nei, ea m̃arkomeli na Betsaeta, mia kiniou noto nei beamu vo ka mia naiila tiniobi nalo nei avanvan bereio.”

Yesu Kristo Kiano Ioluano Vou Napano MAK Bivitauiaio 5:21

Mia Yesu nalo ajel ea uako, abarkorov bereio ueiyabo nei aba tivelinio ruei, ana bogo na Yesu biako yetano jo bauro ga, tiniobi toru na tomu nalo abinimei ajelivivi eaio bereio.