Yesu Kristo Kiano Ioluano Vou Napano MAK Bivitauiaio 4:28 - Verikariano Vou Na Baki

²⁸ Toro nei maka rijikia, naio maka rila titai, mia vite nei miyuku jum̃ano nalo aba laka, ana maka vesiou bar niati, bano-o bar nioti.

Yesu Kristo Kiano Ioluano Vou Napano MAK Bivitauiaio 4:28 ပူးပေါင်းရင်းမြစ်များ

Kolosia 1:10

Tibe na ana mia kumijikia kuviel rimemedu ea m̃arabo napano bo ka tomu nalo na Tubo kanano amiel eaio, a mia kumijikia kuvilaio ka mia naio rijikia saaro m̃ele ea kenemiu bajago nonovio nalo. A mia bo ka kurukuti na bo mijikia rimaluvo ea kenemiu meuliano nalo a ea kenemiu im̃auano nalo bunu, a mia kenemiu jikiaiano ea Atua mijikia riva ve toru lie vo.

Vilip 1:6

Kiniou nomonea ka Toro na Toru, na naio jikar kanano im̃auano na bo tai ea kamiu ruei, mia naio mijikia rim̃au rivanvano-o rila nonovio batitigio riviniu ea bogo na maaro, nina ea Yesu Kristo kanano burum̃ara legiano nene.

Mataiu 13:26

Naruei kurukuti vite juo nei amiluo biju vaarakurano, abe verare ga, mia bogo na ga uiti nalo ajikar ka ajakou, mia tomu nalo na toro na toru nei kiano nalo abitilubar ka soro na bova bunu miluo biju bija uiti nalo.

Yesu Kristo Kiano Ioluano Vou Napano MAK Bivitauiaio 4:27

Bogo na naio bukuio bisi, mia naio maka bunu river rila titai ka kurukuti nene bereio. Toro neibano monmelio, jumolu, monmelio, jumolu, bogiano bija legiano, mia kurukuti nene naio ga takurano bitovi moluo, ana jo miluo. Jom̃a miluo jibe na banbano-o mia toro neibano maka lele rijikia ka kurukuti neibano jom̃a miluo jum̃abe.

Yesu Kristo Kiano Ioluano Vou Napano MAK Bivitauiaio 4:29

“Naruei bogo na nioti meruo bo, kema neibano jikario ka mim̃au bereio naruei, midu kiano iobogu ba je bulag m̃arati. “Mia Atua kiano navenatuboiano jom̃a miluo tertelisu jibe ka jeliviv ea vio yetano nei vonganei, a ea bogoti tai, mia reial m̃arati na toru naio rimei mave.”