Yesu Kristo Kiano Ioluano Vou Napano MAK Bivitauiaio 4:11 - Verikariano Vou Na Baki

^11-12 Ana Yesu berdop̃e banlo, berinavo “Kiniou nojom̃a neberlogloglo ka jamerijiano nalo na bior abe veribinio laka. Nalo ajibe ka, ajum̃a amila iliano tai na naverialiano Aisea nua binimei maluvo, napano naio berenio ‘Nalo ajum̃a abitii, abitiio bano, a aju amijogii, amijogiio bano, mia maka lele aver avitilubar a maka lele mia ajog lubar vite. !Ver makanio, p̃eli nalo avilig kialo jidomiano nalo ruei, a p̃eli Atua biekokoa kialo kariano ruei!’ Aisaia 6:9,10 “Jibe na naruei kiniou neber nalo pariparilo kirisikili laka, nalo aju koalabo laka keano vo. Mia kamiu naruei bo lie vo ban kamiu. Ililuklukuano nalo na Atua kiano navenatuboiano, mia kiniou neverial rimeravo ga rivan kamiu.

Yesu Kristo Kiano Ioluano Vou Napano MAK Bivitauiaio 4:11 ပူးပေါင်းရင်းမြစ်များ

Mataiu 11:25

Mia ka bogo nei, Yesu bolkouo, ber “!Teta o, Tubo na vio mave, a Tubo na yetemeriba! Neber siva banso, bior jau koberloglog vite nalo napano ea kiniou, ban nalo napano kialo jidomiano jibe ka kiritete nalo ga, mia nalo napano ajidom ka abe masou laka, bija nalo napano ajidom aber amijikia vite, mia jau komilavan vite nalo nei kalo.

Luka 8:10

Naruei naio berdop̃e banlo, berinavo “Atua naio mila jibe na ka mia kamiu kumijikia kuvileal ililuklukuano nalo na kiano navenatuboiano. ‘Mia ea kulo dolu nalo, ililuklukuano nalo na ajuluku ea jamerijiano kia navo, mia ajum̃a abitio-o mia maka avitilubarlio, a ajum̃a amiagago-o mia maka ajog lubarlo.’ ” Aisaia 6:9

1 Jone 5:20

Kito romijikia ka Atua kenerinio naio binimei, naio jian vitilubariano ban kito ka mia rejikia Atua napano naio be riano, ana kito rojua ga naio naruei, vija kenerinio nene nei, Yesu Kristo. Kanado Atua nei naio be riano, mia meuliano na naio jian ban kito naio maka ve jukuti nene.

1Tesa 4:12

Verver kala tibe na ea kiamo meuliano bogo nonovio, mia nalo dolu napano maka amonea, nalo amijikia avitii vatitigso, avitilubario napano maka nalo dolu ka abitikarso, mia jau ga kojom̃a kobitikar vatitigso.

Kolosia 4:5

Ea bajago nalo na m̃a kumitum̃a kumilaio ea tomu nalo miralo napano maka amonea Kristo, monoka kuve masou rivu ka kuvitakii kenemiu buluvio nalo, ka mia kuvurulo amei ea Kristo.

1 Timoti 3:7

Mia navurim̃araboiano na tum̃aro nalo monoka ave tomu napano tomu nonovio, riva rivokar nalo napano maka ave namoneano, nalo aberinavo nalo abe tomu na amemedu, bior napano Sim̃aro naio jo mila vio jikili ka rijukubinlo, naio jidom rila napano tomu nalo na be tinielo ka vovaiano tai joalo.

Eveso 1:9

ana naio jaaro ka rijamo ka kito rejikia kiano jidomiano tai napano beamu naio be navigivaniano tai ka kito. Naio mila jidomiano nene binimei meravo batitig bo ka kito, a kiano jidomiano ka rim̃auka vite novo nalo ve telabo ea Kristo ga.

2 Korin 4:6

A vite nonovio nei be Atua kiano im̃auano ga. Ea tiiano, Atua ber jibe nei, berinavo “Mia miamoiano rimei mereralii melijokouo napano jo,” a jo mila jibe na kea ban kito. Nina ga Atua nei napano jo mim̃au vonganei, mila kiano miamoiano merera ba joomo nonio ea kito, mila robakar miamoiano nei napano jo merera binimei den Kristo mirano, napano miyotuba nonovio ea Atua kiano mermerano napano joaio.

Mataiu 16:17

Ana Yesu berdop̃e banio, berinavo “Saimon, Jone kenerinio, mia ilivuiano rimei vanso. Vite na jau koberialio, maka kulorinio riverial kaso, mia Teta napano joa vio mave, naio berial banso.

Mataiu 13:16

“Kiniou neber ka kamiu, kanaku naiagagoano nalo, ilivuiano joa kamiu, bior miremiu nalo aju amial vite nalo napano kamiu kumialio, a tiliniemiu nalo amijog vite nalo napano kiniou nojom̃a neberloglogio ka kamiu.

1 Korin 4:7

Kamiu kubiniu kube verare ga, maka kuvu lie tovulu nalo dolu, a ver vite tai na bo joa kamiu, maka kamiu napano kumim̃aukanio. Atua ga mijevio ban kamiu jibe jidomiano tai, ana tibe na bo ka kuvil re m̃arou riviorio bereio.

Yesu Kristo Kiano Ioluano Vou Napano MAK Bivitauiaio 3:23

Naruei Yesu biolo abinimei eaio, ana na naio mil banlo ea jamerijiano, berinavo “?Jum̃abe na kamiu kuberiam̃a Sim̃aro bereio naio mijikia titiglar sim̃aro. Maka rijikia tibe na!

Yesu Kristo Kiano Ioluano Vou Napano MAK Bivitauiaio 4:2

Mia Yesu jo berlogloglo ka vite telabo ea jamerijiano nalo,

Yesu Kristo Kiano Ioluano Vou Napano MAK Bivitauiaio 4:10

Ana iorou kanio tiniobi nalo abanvan bereio, ana na Yesu jo naio takurano ga, naruei tomu nalo napano aju bija naio bija kiano naiagagoano nalo, abinimei abika den naio aberinavo “Vaio naruei naio be nioti na jamerijiano na? Mia ka vaio ana jau kojom̃a komil jibe na, a koberloglog tomu nalo jamerijiano nalo?”