Yesu Kristo Kiano Ioluano Vou Napano MAK Bivitauiaio 3:11 - Verikariano Vou Na Baki

¹¹ Mia ka bogo nene aver niununo va nalo tai napano ajua tomu nalo tealo, bogo na amial Yesu, mia nalo monokanio avatove ka naio, nalo ajorua jaano, abio toru, aberinavo “Jau kobe Atua Kenerinio.”

Yesu Kristo Kiano Ioluano Vou Napano MAK Bivitauiaio 3:11 ပူးပေါင်းရင်းမြစ်များ

Mataiu 14:33

mia nalo napano ajua uako amiaia Yesu, aberenio “Riano ga, jau kobe Atua kenerinio riano.”

Mataiu 4:3

Ana mo Sim̃aro, toro nam̃a milavonvon tomu nalo, naio ber ka Yesu, berinavo “Verenio jau kobe Atua kenerinio riano, ana mo kover ka puruveru nalo na aju na, ka amei ave joko, ka kesen tai.”

Mataiu 4:6

Naruei Sim̃aro ber ka Yesu, berinavo “Verenio jau kobe Atua kenerinio, ana mo jau koviako kavatove ea borotano. Mia jau kovu ga na, bior Iliano Lu naio berii Atua, berinavo ‘Mia naio mijikia riila kiano nailiano nalo, ka amei atu avitikariso. Mia nalo adukarso ga ka jum̃alo mave, ka mia kavan re jaamo ea puruveru.’” Iouano 91:11,12

Mataiu 8:29

Mia bogo napano nalo amial Yesu, naljuo amiaga jouo, aberinavo “?Jau Atua Kenerinio, kiamo vaio joa kumemi? ?Jau kobinimei ka koje vironiano van kumemi napano maka ve kenememi bogo nene vo, a?”

Mataiu 8:31

ana niadu nalo nei ajegi, abika jikili den Yesu, aberinavo “A verenio jau kejil bulag kumemi, nuberibo kaso jau keiila kumemi nuva joomo ea kiribue nalo na.”

Yesu Kristo Kiano Ioluano Vou Napano MAK Bivitauiaio 1:1

Niosi nei, naio be Ioluano Vou na Yesu Kristo kiano, Atua kenerinio.

Luka 4:41

A telabo kalo, sim̃aro nalo abava tavio denlo, napano ajum̃a amiaga, aberinavo “!Ei, jau naruei jau kobe Atua kenerinio a!” Mia Yesu berbure sim̃aro nalo nei ka mia aver re bunu titai leleio, bior amijikia ruei ka naio be Naverikariano riano.

Luka 8:28

Sim̃aro nalo nei ajum̃a ajutua kiki toro nei va telabo ruei, mila na tomu nalo amilavon ka atukuku kanio dam̃ariga, a nalo ajum̃a amiorkakar ka m̃armieni, p̃eli amiorkakar jaano a jum̃ano ka teli, mia naio jom̃a mila kokorovlo ga, a sim̃aro nalo nei amijil deven naio binimei joa vio mom̃a nei. Mia Yesu mialio, mil ban niununo va nei, jitig naio berinavo tuvan toro nene. Mia toro nei mial Yesu, naio bio banio, a naio mijorua jaano, ana niununo neibano joa naio mil burutomoruo, naio berenio berinavo “?Mia jau, Yesu, Atua Sop̃i kenerinio, kanamo vaio joa kiniou? !Kiniou nobika jikili denso, ka mia jau kesian re vironiano van kiniou!”

Im̃auano 16:17

Naruei kumemi numiel nuban jibe na, mia niatira nei jakisor kumemi naio iorou, naio jom̃a miagiaga toru ban tomu nalo nonovio ga, jo berinavo “!Ai! Abe tomu nalo na nalo abe tomu na amim̃au Atua kanano napano meul ea vio sop̃i mave. Nalo naruei amijikia averial m̃arabo na ioruriano van kamiu.”

1 Korin 11:34

Toro napano jijerio ana jidom laka sinaniano, bo ka tobo ga vonuo, sinan vatitig ea kiano vio. A monoka kuvitakii kiaku iliano ea tivelinio nei, ver p̃eli, bogo na mia kumei vio takurano, mia maka lele vite tai rivu van kamiu. Vite nalo dolu ju ka neverialio van kamiu, mia rotukunu kalo bogo na namaluvo kean kamiu.

Yemesi 2:19

Nao, nemijikia ka jau komonea ka napano be Atua takurano ga naio jo, nina bo laka. Ana neber kaso, neberinavo sim̃aro nalo bunu amonea jibe na, a nalo ajum̃a amemebiju toru kanio.